ಒಂದೇ ಸಿನಿಮಾಗಾಗಿ ಕೈಜೋಡಿಸಲಿದ್ದಾರೆ ಧೋನಿ - ತಮಿಳು ನಟ ವಿಜಯ್; ನಾಯಕಿ ಈ ಖ್ಯಾತ ನಟಿ: ವರದಿ

ಧೋನಿ ಸಿನಿಮಾದಲ್ಲಿ ವಿಜಯ್ ನಾಯಕ

ಎಂಎಸ್ ಧೋನಿ ಹಾಗೂ ದಳಪತಿ ವಿಜಯ್ ಚಿತ್ರಕ್ಕಾಗಿ ಒಂದಾಗುತ್ತಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದ್ದು, ಈ ಚಿತ್ರದಲ್ಲಿ ವಿಜಯ್ ನಾಯಕ ನಟನಾಗಿ ಕಾಣಿಸಿಕೊಂಡರೆ, ಎಂಎಸ್ ಧೋನಿ ಈ ಚಿತ್ರಕ್ಕಾಗಿ ಬಂಡವಾಳ ಹೂಡಲಿದ್ದಾರೆ ಎಂಬ ಸುದ್ದಿ ಇದೆ. ಹೌದು, ಎಂಎಸ್ ಧೋನಿ ಸಿನಿಮಾ ನಿರ್ಮಾಣ ಸಂಸ್ಥೆ ಪ್ರಾರಂಭಿಸಬೇಕು ಎಂಬ ಯೋಜನೆಯಲ್ಲಿದ್ದು, ಮೊದಲ ಚಿತ್ರವನ್ನು ವಿಜಯ್ ಅವರಿಗೆ ನಿರ್ಮಿಸಲಿದ್ದಾರೆ ಎನ್ನಲಾಗುತ್ತಿದೆ.

ಮಾತುಕತೆ ಮುಗಿದಿದೆ ಎಂಬ ಸುದ್ದಿಯೂ ಇದೆ

ಎಂಎಸ್ ಧೋನಿ ಈಗಾಗಲೇ ವಿಜಯ್ ಅವರನ್ನು ಭೇಟಿಯಾಗಿ ತಾವು ಚಿತ್ರ ನಿರ್ಮಾಣ ಸಂಸ್ಥೆ ಸ್ಥಾಪಿಸುತ್ತಿದ್ದು, ಸಿನಿಮಾವೊಂದರಲ್ಲಿ ನೀವು ಅಭಿನಯಿಸಬೇಕು ಎಂದು ಮಾತುಕತೆಯನ್ನೂ ಮುಗಿಸಿದ್ದಾರೆ ಎಂದು ವರದಿಗಳು ತಿಳಿಸಿವೆ. ಇನ್ನು ಈ ಹಿಂದೆ ಎಂ ಎಸ್ ಧೋನಿ ಮತ್ತು ವಿಜಯ್ ಪರಸ್ಪರ ಭೇಟಿ ಮಾಡಿದ್ದರು. ಆದರೆ ಈ ಭೇಟಿ ಹಿಂದಿನ ನಿಖರವಾದ ಕಾರಣ ಮಾತ್ರ ಬಹಿರಂಗವಾಗಿರಲಿಲ್ಲ. ಸದ್ಯ ಆ ಭೇಟಿಗೂ ಮತ್ತು ಈ ಸುದ್ದಿಗೂ ಹೋಲಿಕೆಯನ್ನು ಮಾಡುತ್ತಿರುವ ಅಭಿಮಾನಿಗಳು ಎಂಎಸ್ ಧೋನಿ ನಿರ್ಮಿಸಲಿರುವ ಚಿತ್ರದಲ್ಲಿ ವಿಜಯ್ ಅಭಿನಯಿಸುವುದು ಖಚಿತ ಎನ್ನುತ್ತಿದ್ದಾರೆ.

ರಕ್ಷಿತ್ ಶೆಟ್ಟಿ ಸಿನಿಮಾದಲ್ಲಿ ವಿರಾಟ್ ಕೊಹ್ಲಿ ಆಕ್ಟಿಂಗ್!! ಇದು ಸಾಧ್ಯಾನಾ?? | *Cricket | OneIndia Kannada

ನಾಯಕಿ ಯಾರು?

ಧೋನಿ ನಿರ್ಮಾಣ ಮತ್ತು ವಿಜಯ್ ನಟಿಸಲಿರುವ ಚಿತ್ರದಲ್ಲಿ ನಾಯಕಿ ಯಾರಿರಬಹುದು ಎಂಬ ಚರ್ಚೆಯೂ ಕೂಡ ಆರಂಭವಾಗಿದ್ದು, ಮೂಲಗಳ ಮಾಹಿತಿ ಪ್ರಕಾರ ಈ ಚಿತ್ರಕ್ಕೆ ದಕ್ಷಿಣ ಭಾರತ ಚಿತ್ರರಂಗದ ಖ್ಯಾತ ನಟಿ ನಯನತಾರಾ ನಾಯಕಿಯಾಗಲಿದ್ದಾರೆ.