ಐಸಿಸಿ ವಿಶ್ವಕಪ್ ಶ್ರೇಷ್ಠ ತಂಡಕ್ಕೆ ಮಿಥಾಲಿ ರಾಜ್ ನಾಯಕಿ

ಲಂಡನ್, ಜುಲೈ 24: ಅಂತಾರಾಷ್ಟ್ರೀಯ ಕ್ರಿಕೆಟ್‌ ಮಂಡಳಿ(ಐಸಿಸಿ) ಮಹಿಳಾ ವಿಶ್ವಕಪ್ 2017ರ ತಂಡವನ್ನು ಪ್ರಕಟಿಸಲಾಗಿದೆ. ಟೀಂ ಇಂಡಿಯಾದ ನಾಯಕಿ ಮಿಥಾಲಿ ರಾಜ್ ಕ್ಯಾಪ್ಟನ್‌ ಆಗಿ ಆಯ್ಕೆಗೊಂಡಿದ್ದಾರೆ.

ಭಾರತೀಯ ಮಹಿಳಾ ಆಟಗಾರರಾದ ಹರ್ಮನ್‌ ಪ್ರೀತ್‌ ಕೌರ್‌ ಹಾಗೂ ದೀಪ್ತಿ ಶರ್ಮಾ ಸಹ ಆಯ್ಕೆಯಾಗಿದ್ದಾರೆ. 34 ವರ್ಷ ವಯಸ್ಸಿನ ಮಿಥಾಲಿ ಅವರು ಮಹಿಳಾ ಕ್ರಿಕೆಟ್ ಲೋಕದ ಅನುಭವಿ ಆಟಗಾರ್ತಿಯಾಗಿದ್ದಾರೆ.

ಯುವ ಕ್ರಿಕೆಟರ್ ಗಳಿಂದ ಕೂಡಿರುವ ಮಹಿಳಾ ತಂಡವನ್ನು ಸಮರ್ಥವಾಗಿ ಮುನ್ನಡೆಸಿ ಈ ಬಾರಿಯ ಫೈನಲ್ ತನಕ ತಂಡವನ್ನು ತಂದರು. ನ್ಯೂಜಿಲೆಂಡ್ ವಿರುದ್ಧ ಶತಕ ಸೇರಿದಂತೆ ವಿಶ್ವಕಪ್ ನಲ್ಲಿ 409 ರನ್ ಕಲೆ ಹಾಕಿದರು.

ಐಸಿಸಿ ತಂಡದಲ್ಲಿ ಇಂಗ್ಲೆಂಡಿನಿಂದ ಮೂವರು, ದಕ್ಷಿಣ ಆಫ್ತಿಕಾದಿಂದ ಮೂವರು, ಆಸ್ಟ್ರೇಲಿಯಾದ ಆಲ್ ರೌಂಡರ್ ಸೇರಿದ್ದಾರೆ.