ಇಂಗ್ಲೆಂಡ್ ನೆಲದಲ್ಲಿ ಭಾರತ ಸೋಲುತ್ತೆ ಎಂದು ಬೆಟ್ ಕಟ್ಟಲಾರೆ: ಮೈಕಲ್ ವಾನ್

ಭಾರತ ಸೋಲತ್ತೆ ಎಂದು ಬೆಟ್ ಕಟ್ಟಲ್ಲ!

"ಮುಂದಿನ ಕೆಲ ತಿಂಗಳುಗಳಲ್ಲಿ ಅವರು ಇಂಗ್ಲೆಂಡ್‌ಗೆ ಬರಲಿದ್ದು 5 ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಪಾಳ್ಗೊಳ್ಳಲಿದ್ದಾರೆ. ಚೆಂಡು ಸುತ್ತಲೂ ಚಲನೆಯಲ್ಲಿರುವ ತವರಿನ ವಾತಾವರಣದಲ್ಲಿ ಅವರು ಇಂಗ್ಲೆಂಡ್ ತಂಡವನ್ನು ಸೋಲಿಸಿದರೆ... ಭಾರತ ಇಂಗ್ಲೆಂಡ್‌ಗೆ ಬಂದು ಸೋಲು ಕಾಣುತ್ತದೆ ಎಂದು ನಾನು ಬೆಟ್ ಕಟ್ಟುವುದಿಲ್ಲ. ಯಾಕೆಂದರೆ ಅವರ ಬಳಿ ಅದಕ್ಕೆ ಬೇಕಾದ ಸಮರ್ಥ್ಯವಿದೆ" ಎಂದಿದ್ದಾರೆ ಮೈಕಲ್ ವಾನ್.

ಈ ಯುಗದ ತಂಡವಾಗಲಿದೆ

"ಅವರು ಇಂಗ್ಲೆಂಡ್‌ಗೆ ಬಂದು ಇಂಗ್ಲೆಂಡ್ ತಂಡವನ್ನು ಸೋಲಿಸಿದರೆ ನನ್ನ ಪ್ರಕಾರ ಅವರ ತಂಡ ಈ ಯುಗದ ತಂಡವೆನಿಸಲಿದೆ. ಅವರ ಬಳಿ ಸಾಕಷ್ಟು ಸಾಮರ್ಥ್ಯವಿದೆ. ಅವರ ಬಳಿ ವೇಗವಿದೆ, ಕೌಶಲ್ಯವಿದೆ, ಸ್ಪಿನ್ನರ್‌ಗಳು ಇದ್ದಾರೆ, ವಿರಾಟ್ ಕೊಹ್ಲಿ ಇದ್ದಾರೆ. ಅವರದ್ದು ಪ್ರಚಂಡವಾದ ತಂಡ" ಎಂದು ಮೈಕಲ್ ವಾನ್ ಟೀಮ್ ಇಂಡಿಯಾವನ್ನು ಮುಕ್ತಕಂಠದಿಂದ ಬಿಬಿಸಿ 5 ಲೈವ್ ಸ್ಪೋರ್ಟ್‌ಗೆ ನೀಡಿದ ಸಂದರ್ಶನದಲ್ಲಿ ಹೊಗಳಿದ್ದಾರೆ.

ಭಾರತದ ಅದ್ಭುತ ಪ್ರದರ್ಶನ

ಭಾರತ ತವರಿನಲ್ಲಿ ನಡೆದ 13 ಸರಣಿಗಳಲ್ಲಿ ಸತತವಾಗಿ ಗೆಲುವು ಕಂಡಿದೆ. ಇದು ಕೂಡ ಜೂನ್‌ನಲ್ಲಿ ಇಂಗ್ಲೆಂಡ್‌ನ ಲಾರ್ಡ್ಸ್‌ನಲ್ಲಿ ನಡೆಯಲಿರುವ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಫೈನಲ್ ಪಂದ್ಯದಲ್ಲಿ ಸ್ಥಾನವನ್ನು ಪಡೆಯಲಿ ಕಾರಣವಾಗಿದೆ. ಕಳೆದ ಎರಡು ಪಂದ್ಯಗಳನ್ನು ಭಾರತ ಐದು ದಿನಗಳಲ್ಲಿ ಗೆಲುವು ಸಾಧಿಸಿದೆ. ಸಾಮನ್ಯವಾಗಿ ಒಂದು ಪಂದ್ಯ ನಡೆಯುವ ಕಾಲಾವಧಿ ಇದಾಗಿದೆ. ಇದು ಭಾರತದ ಸಾಮರ್ಥ್ಯವನ್ನು ಪ್ರದರ್ಶಿಸುವಂತಿದೆ.