ಕೊಹ್ಲಿಗೆ 30: 'ನಿನ್ನನ್ನು ಹುಟ್ಟಿಸಿದ ದೇವರಿಗೆ ಥ್ಯಾಂಕ್ಸ್‌' ಎಂದ ಅನುಷ್ಕಾ

ವೆರಿವೆರಿ ಸ್ಪೆಷಲ್ ವಿಶ್

ಕ್ರಿಕೆಟ್ ದಿಗ್ಗಜ ವಿವಿಎಸ್‌ ಲಕ್ಷ್ಮಣ್‌ ಅವರು ಭಾರತ ತಂಡದ ನಾಯಕನಿಗೆ ಟ್ವಿಟರ್ ನಲ್ಲಿ ಶುಭಾಶಯ ತಿಳಿಸಿದ್ದಾರೆ. ಮುಂಬರುವ ದಿನಗಳಲ್ಲಿ ಯಶಸ್ಸು ನಿಮ್ಮ ಬೆನ್ನಿಗಿರಲಿ. ನೀವು ಬಯಸಿದ್ದೆಲ್ಲಾ ಸಿಗುವಂತಾಗಲಿ ಎಂದು ವೆರಿವೆರಿ ಸ್ಪೆಶಲ್ ಬ್ಯಾಟ್ಸ್ಮನ್, ಮಾಜಿ ಕ್ರಿಕೆಟಿಗ ಲಕ್ಷ್ಮಣ್ ಹಾರೈಸಿದ್ದಾರೆ.

ಶತಕಗಳ ಸಂಖ್ಯೆ ಹೆಚ್ಚಲಿ ಎಂದ ಭಜ್ಜಿ

ಸ್ಪಿನ್ ಮಾಂತ್ರಿಕ, ಮಾಜಿ ಆಟಗಾರ ಹರ್ಭಜನ್ ಸಿಂಗ್ ಕೂಡ ಕೊಹ್ಲಿಗೆ ಶುಭಾಶಯ ಕೋರಿ ಟ್ವೀಟ್ ಮಾಡಿದ್ದಾರೆ. ಈ ವರ್ಷ ನೀವು ಹೆಚ್ಚಿನ ದಾಖಲೆ ಮುರಿಯುವಂತಾಗಲಿ, ಬರೆಯುವಂತಾಗಲಿ. ಶತಕಗಳ ಸಂಖ್ಯೆಯೂ ಹೆಚ್ಚಲಿ ಎಂದಿದ್ದಾರೆ.

ನನಗೆ ನೀವೇ ಸ್ಫೂರ್ತಿ

ಭಾನುವಾರ (ನವೆಂಬರ್ 4) ಮುಕ್ತಾಯಗೊಂಡ ಭಾರತ-ವೆಸ್ಟ್ ಇಂಡೀಸ್ ಮೊದಲ ಟಿ20ಯಲ್ಲಿ ಭಾರತ 5 ವಿಕೆಟ್ ಗೆಲುವು ಸಾಧಿಸಿ ಸರಣಿಲ್ಲಿ 1-0ಯ ಮುನ್ನಡೆಯಲ್ಲಿದೆ. ಕೇವಲ 13 ರನ್ ಗೆ 3 ವಿಕೆಟ್ ಕಿತ್ತು ಗೆಲುವಿನಲ್ಲಿ ಪ್ರಮುಖಪಾತ್ರ ವಹಿಸಿದ್ದ ಕುಲದೀಪ್ ಯಾದವ್ ಅವರೂ ವಿಶ್ ಮಾಡಿ, ನನಗೆ ನೀವೇ ಸ್ಪೂರ್ತಿ ಎಂದು ಬರೆದುಕೊಂಡಿದ್ದಾರೆ.

ಶುಭ ಕೋರಿದ ಪೂಜಾರ

ಅನುಭವಿ ಆಟಗಾರ ಚೇತೇಶ್ವರ ಪೂಜಾರ, ಕೊಹ್ಲಿಗೆ ಜನ್ಮ ದಿನದ ಶುಭಾಶಯ ತಿಳಿಸಿದ್ದಾರೆ. ಈ ವರ್ಷದುದ್ದಕ್ಕೂ ನಿಮಗೆ ಖುಷಿ-ಯಶಸ್ಸು ಇರಲಿ ಎಂದು ಹಾರೈಸಿದ್ದಾರೆ. ಐಸಿಸಿ ಟೆಸ್ಟ್ ಮತ್ತು ಏಕದಿನ ರ್ಯಾಂಕಿಂಗ್ ನಲ್ಲಿ ಕೊಹ್ಲಿ ನಂ.1 ಸ್ಥಾನದಲ್ಲಿರುವ ಬ್ಯಾಟ್ಸ್ಮನ್.

ದೇವರಿಗೊಂದು ಥ್ಯಾಂಕ್ಸ್

ಎಲ್ಲಾ ಶುಭಾಶಯಗಳ ನಡುವೆ ಹೆಚ್ಚು ಗಮನ ಸೆಳೆಯೋದು ಕೊಹ್ಲಿ ಪತ್ನಿ, ನಟಿ ಅನುಷ್ಕಾ ಶರ್ಮಾ ಅವರ ವಿಷ್. ಟ್ವಿಟರ್ ನಲ್ಲಿ ಹರಿದ್ವಾರ ಬಸದಿಯಲ್ಲಿ ನಿಂತ ಫೋಟೋ ಹಾಕಿರುವ ಅನುಷ್ಕಾ, 'ನಿನ್ನನ್ನು ಹುಟ್ಟಿಸಿದ ದೇವರಿಗೆ ಥ್ಯಾಂಕ್ಯ' ಎಂದು ಅರ್ಥಪೂರ್ಣ ಸಾಲನ್ನು ಬರೆದುಕೊಂಡಿದ್ದಾರೆ.