ಗೌಹಾತಿಯಲ್ಲಿ ಟೀಂ ಇಂಡಿಯಾಕ್ಕೆ ಸಾಂಪ್ರದಾಯಿಕ ಸ್ವಾಗತ

ಎರಡು ತಂಡಗಳನ್ನು ಸ್ವಾಗತಿಸಿದರು

ಸಾವಿರಾರು ಮಂದಿ ಅಭಿಮಾನಿಗಳು ಲೋಕಪ್ರಿಯ ಗೋಪಿನಾಥ್ ಬೊರ್ಡೊಲಾಯಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನೆರೆದಿದ್ದು, ಎರಡು ತಂಡಗಳನ್ನು ಸ್ವಾಗತಿಸಿದರು.

ಕ್ರಿಕೆಟ್ ಪ್ರೇಮಿಗಳ ಉತ್ಸಾಹ

ಇಲ್ಲಿನ ಹೊಸ ಮೈದಾನದಲ್ಲಿ ಮೊಟ್ಟ ಮೊದಲ ಅಂತಾರಾಷ್ಟ್ರೀಯ ಪಂದ್ಯಕ್ಕೆ ಸಕಲ ಸಿದ್ಧತೆಯಾಗಿದ್ದು, ಅಸ್ಸಾಂನಲ್ಲಿ ಕ್ರಿಕೆಟ್ ಪ್ರೇಮಿಗಳ ಉತ್ಸಾಹ ಮುಗಿಲು ಮುಟ್ಟಿದೆ.

ಹೊಸ ಕ್ರೀಡಾಂಗಣ

2010ರ ನವೆಂಬರ್ 28ರಲ್ಲಿ ಅಂತಾರಾಷ್ಟ್ರೀಯ ಪಂದ್ಯವನ್ನು ಆಯೋಜಿಸಿದ್ದ ಗೌಹಾತಿಗೆ ಈಗ ಹೊಸ ಕ್ರೀಡಾಂಗಣ ಲಭಿಸಿದೆ. ಅಂದಿನ ಏಕದಿನ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವನ್ನು ಭಾರತ 40ರನ್ ಗಳಿಂದ ಸೋಲಿಸಿತ್ತು.

ಅಸ್ಸಾಂ ಕ್ರಿಕೆಟ್ ಅಸೋಸಿಯೇಷನ್

ಅಸ್ಸಾಂ ಕ್ರಿಕೆಟ್ ಅಸೋಸಿಯೇಷನ್ (ಎಸಿಎ) ಈಗ ನೆಹರೂ ಮೈದಾನದಿಂದ 37 ಸಾವಿರ ಸೀಟು ಸಾಮರ್ಥ್ಯವುಳ್ಳ ಬರ್ಸಾಪರ ಸ್ಟೇಡಿಯಂಗೆ ಶಿಫ್ಟ್ ಆಗಿದೆ. ಅಸ್ಸಾಂ ಮುಖ್ಯಮಂತ್ರಿ ಸರ್ಬಾನಂದ ಸೊನೊವಾಲ್, ರಾಜ್ಯಪಾಲ ಜಗದೀಶ್ ಮುಖಿ ಅವರು ಸ್ಟೇಡಿಯಂ ಉದ್ಘಾಟನೆಗೆ ಆಗಮಿಸಲಿದ್ದಾರೆ ಎಂದು ಎಸಿಎ ಕಾರ್ಯದರ್ಶಿ ಪ್ರದೀಪ್ ಬುರೊಗೊಹೈನ್ ಹೇಳಿದರು.