ಭಾರತ ಹಾಗೂ ಇಂಗ್ಲೆಂಡ್ ವಿರುದ್ಧದ ಐದು ಒಪಂದ್ಯಗಳ ಟೆಸ್ಟ್ ಸರಣಿಗೂ ಮುನ್ನ ಭಾರತ ತಂಡ ಅಭ್ಯಾಸ ಪಂದ್ಯವನ್ನು ಎದುರಿಸಲಿದೆ. ಜುಲೈ 20ರಿಂದ ಆರಂಭವಾಗುವ ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ನೇತೃತ್ವದ ತಂಡವನ್ನು ಎದುರಿಸುವ ತಂಡವನ್ನು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ ಇಂದು ಪ್ರಕಟಿಸಿದೆ.
ಕೌಂಟಿ ಸೆಲೆಕ್ಟ್ XI ತಂಡವನ್ನು ಭಾರತ ಎದುರಿಸಲಿದ್ದು ಈ ತಂಡದ ನಾಯಕನಾಗಿ ವಾರ್ವಿಕ್ಶೈರ್ ನಾಯಕ ವಿಲ್ ರೋಡ್ಸ್ ಮುನ್ನಡೆಸಲಿದ್ದಾರೆ. ಈ ತಂಡದಲ್ಲಿ ಇತ್ತೀಚೆಗಷ್ಟೇ ಟೆಸ್ಟ್ಗೆ ಪದಾರ್ಪಣೆ ಮಾಡಿ ಖ್ಯಾತರಾದ ಜೇಮ್ಸ್ ಬ್ರೇಸಿ ಹಾಗೂ 2016ರಲ್ಲಿ ಭಾರತದ ವಿರುದ್ಧ ತನ್ನ ಚೊಚ್ಚಲ ಟೆಸ್ಟ್ ಪಂದ್ಯವನ್ನು ಆಡಿದ ಹಸೀಬ್ ಅಹ್ಮದ್ ಕೂಡ ಇದ್ದಾರೆ.
ಟೆಸ್ಟ್ ಸರಣಿ ಆರಂಭಕ್ಕೂ ಮುನ್ನ ಇಂಗ್ಲೆಂಡ್ಗೆ ಎಚ್ಚರಿಕೆ ಸಂದೇಶ ರವಾನಿಸಿದ ಅಶ್ವಿನ್
ವಾರ್ವಿಕ್ಶೈರ್ನ ರಾಬ್ ಯಾಟ್ಸ್, ಮಿಡ್ಲ್ಸೆಕ್ಸ್ ತಂಡದ ಈಥನ್ ಬ್ಯಾಂಬರ್ ಕೂಡ ಈ ತಂಡದಲ್ಲಿ ಅವಕಾಶವನ್ನು ಪಡೆದುಕೊಂಡಿದ್ದು ಭರವಸೆಯ ಆಟಗಾರರು ಎನಿಸಿದ್ದಾರೆ. ಮೂರು ದಿನಗಳ ಪಂದ್ಯ ಇದಾಗಿದ್ದು ಡರ್ಹಾಮ್ನ ರಿವರ್ಸೈಡ್ ಮೈದಾನದಲ್ಲಿ ಪಂದ್ಯ ನಡೆಯಲಿದೆ. ಈ ಪಂದ್ಯಕ್ಕೆ ಪ್ರೇಕ್ಷಕರಿಗೆ ಅವಕಾಶವಿಲ್ಲ. ಆದರೆ ಡರ್ಹಾಮ್ ಕ್ರಿಕೆಟ್ನ ಯೂಟ್ಯೂಬ್ ಚಾನೆಲ್ನಲ್ಲಿ ನೇರಪ್ರಸಾರವಾಗಲಿದೆ.
ಇನ್ನು ಭಾರತ ಹಾಗೂ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯ ಆರಂಭಕ್ಕೂ ಮುನ್ನ ಭಾರತ ತಂಡದ ರಿಷಭ್ ಪಂತ್ ಕೊರೊನಾವೈರಸ್ಗೆ ತುತ್ತಾಗಿರುವುದು ಬೆಳಕಿಗೆ ಬಂದಿದೆ. ಆದರೆ ತಂಡದ ಆಟಗಾರರು ಪ್ರತ್ಯೇಕವಾಗಿರುವಾಗಲೇ ಈ ಪ್ರಕರಣ ಬೆಳಕಿಗೆ ಬಂದಿದ್ದು ಈಗಾಗಲೇ 8 ದಿನಗಳ ಕ್ವಾರಂಟೈನ್ ಮುಗಿಸಿದ್ದಾರೆ. ಪಂತ್ ಯಾವುದೇ ರೋಗಲಕ್ಷಣಗಳನ್ನು ಹೊಂದಿಲ್ಲ ಹಾಗೂ ಅವರ ಆರೋಗ್ಯ ಉತ್ತಮವಾಗಿದೆ ಎಂದು ಬಿಸಿಸಿಐ ಮಾಹಿತಿಯನ್ನು ನೀಡಿದೆ.
ಕೌಂಟಿ ಸೆಲೆಕ್ಟ್ ಇಲೆವೆನ್ ಸ್ಕ್ವಾಡ್: ವಿಲ್ ರೋಡ್ಸ್ (ನಾಯಕ), ರೆಹನ್ ಅಹ್ಮದ್, ಟಾಮ್ ಆಸ್ಪಿನ್ವೆಲ್, ಎಥಾನ್ ಬಾಂಬರ್, ಜೇಮ್ಸ್ ಬ್ರೇಸಿ, ಜ್ಯಾಕ್ ಕಾರ್ಸನ್, ಜ್ಯಾಕ್ ಚಾಪೆಲ್, ಹಸೀಬ್ ಹಮೀದ್, ಲಿಂಡನ್ ಜೇಮ್ಸ್, ಜೇಕ್ ಲಿಬ್ಬಿ, ಕ್ರೇಗ್ ಮೈಲ್ಸ್, ಲಿಯಾಮ್ ಪ್ಯಾಟರ್ಸನ್-ವೈಟ್, ಜೇಮ್ಸ್ ರೆವ್, ರಾಬ್ ಯೇಟ್ಸ್