ಮಾಜಿ ನಾಯಕ ಎಂಎಸ್ ಧೋನಿ ನಿವೃತ್ತಿಯ ಸುಳಿವು ನೀಡಿದ ವಿರಾಟ್ ಕೊಹ್ಲಿ!?

ಧೋನಿಗೆ ಗೌರವ ಸಲ್ಲಿಕೆ

ನಿವೃತ್ತಿ ನೀಡಲಿರುವ ಎಂಎಸ್ ಧೋನಿಗೆ ಗೌರವಾರ್ಥವಾಗಿ ಕೊಹ್ಲಿ ಹೀಗೆ ಫೋಟೋ ಹಂಚಿಕೊಂಡಿದ್ದಾರಾ? ಇದು ಧೋನಿ ನಿವೃತ್ತಿ ನೀಡುವುದರಲ್ಲಿದ್ದಾರೆ ಎನ್ನುವುದಕ್ಕೆ ಮುನ್ಸೂಚನೆಯಾ ಎಂಬ ಮಾತುಗಳು ಕ್ರಿಕೆಟ್ ವಲಯದಲ್ಲಿ ಕೇಳಿಬರುತ್ತಿವೆ.

2016ರ ಫೋಟೋ

ವಿರಾಟ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಈ ಫೋಟೋ 27 ಮಾರ್ಚ್ 2016ರದ್ದು. ಮೊಹಾಲಿಯಲ್ಲಿ ನಡೆದಿದ್ದ ವರ್ಲ್ಡ್ ಟಿ20 ಸೂಪರ್ ಟೆನ್ ಗ್ರೂಪ್-2ರ ಪಂದ್ಯದಲ್ಲಿ ತೆಗೆದ ಫೋಟೋವಿದು. ಈ ಪಂದ್ಯ ನಡೆದಿದ್ದು ಆಸ್ಟ್ರೇಲಿಯಾ ವಿರುದ್ಧ.

ಭಾರತಕ್ಕೆ ಜಯ

ಆಸ್ಟ್ರೇಲಿಯಾ-ಭಾರತ ನಡುವಣ ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಆಸೀಸ್, 20 ಓವರ್‌ಗೆ 6 ವಿಕೆಟ್ ಕಳೆದು 160 ರನ್ ಮಾಡಿತ್ತು. ಭಾರತ 19.1ನೇ ಓವರ್‌ಗೆ 4 ವಿಕೆಟ್ ಕಳೆದು 161 ರನ್ ಗಳಿಸಿ, 6 ವಿಕೆಟ್ ಗೆಲುವನ್ನಾಚರಿಸಿತು.

ರನ್‌ ವಿಚಾರದಲ್ಲಿ ಗಂಭೀರ

ರನ್ ಓಡುವ ವಿಚಾರದಲ್ಲಿ ಧೋನಿ ಗಂಭೀರ ಅನ್ನೋ ಸಂಗತಿ ನಿಮಗೆ ಗೊತ್ತಿರಬಹುದು. ಅಂದಿನ ಪಂದ್ಯದಲ್ಲಿ ನಾಯಕನಾಗಿದ್ದ ಧೋನಿ, ಕೊಹ್ಲಿಯನ್ನು ರನ್‌ಗಾಗಿ ಚೆನ್ನಾಗಿ ಓಡಾಡಿಸಿದ್ದರು. ಇದರ ಫಲವಾಗಿ ಕೊಹ್ಲಿ 51 ಎಸೆತಗಳಿಗೆ ಅಜೇಯ 82 ರನ್ ಗಳಿಸಿದ್ದರು. ಧೋನಿ ಅಜೇಯ 18 ರನ್‌ ಮಾಡಿದ್ದರು.