ಟೀಮ್ ಇಂಡಿಯಾದ ಈ ಮೂವರು ದಿಗ್ಗಜ ಆಟಗಾರರಿಗೆ ಇದುವೇ ಕೊನೆಯ ವಿಶ್ವಕಪ್?

ODI ವಿಶ್ವಕಪ್ 2023 ಅಕ್ಟೋಬರ್ 5 ರಿಂದ ಪ್ರಾರಂಭವಾಗಲಿದೆ. ಈ ಟೂರ್ನಿಯ ಅಂತಿಮ ಪಂದ್ಯ ನವೆಂಬರ್ 19 ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಹಲವು ಸ್ಟಾರ್ ಕ್ರಿಕೆಟ್‌ ಆಟಗಾರರಿಗೆ ಇದುವೇ ಕೊನೆಯ ಚಾನ್ಸ್‌ ಆಗುವ ಸಾಧ್ಯತೆಯಿದೆ.

ಈ ಬಾರಿ ಕಪ್‌ ಗೆದ್ದು ತಮ್ಮ ಕ್ರಿಕೆಟ್‌ ಕೆರಿಯರ್‌ ಅನ್ನು ಸ್ಮರಣೀಯವಾಗಿಸಲು ಹಲವರು ಪ್ಲ್ಯಾನ್‌ ಮಾಡಿಕೊಂಡಿದ್ದಾರೆ. ವಯಸ್ಸು ಹಾಗೂ ಅವರ ಆಟವನ್ನು ನೋಡಿದರೆ ಹಲವು ಸ್ಟಾರ್‌ ಆಟಗಾರರಿಗೆ ಇದು ಕೊನೆಯ ವಿಶ್ವಕಪ್‌.. ಈ ಪಟ್ಟಿಯಲ್ಲಿ ಭಾರತದ ಮೂವರು ಹೆಸರಾಂತ ಆಟಗಾರರು ಇದ್ದಾರೆ.

ಭಾರತದ ನಾಯಕ ರೋಹಿತ್ ಶರ್ಮಾ ಹೊರತುಪಡಿಸಿ, ವಿರಾಟ್ ಕೊಹ್ಲಿ ಮತ್ತು ರವಿಚಂದ್ರನ್ ಅಶ್ವಿನ್ ಅವರಂತಹ ದಿಗ್ಗಜರಿಗೆ ಇದು ಕೊನೆಯ ವಿಶ್ವಕಪ್ ಎಂದು ಬಿಂಬಿತವಾಗುತ್ತಿದೆ. ಇದಲ್ಲದೆ, ಆಸ್ಟ್ರೇಲಿಯಾದ ಆರಂಭಿಕ ಆಟಗಾರ ಡೇವಿಡ್ ವಾರ್ನರ್, ಇಂಗ್ಲೆಂಡ್‌ನ ಬೆನ್ ಸ್ಟೋಕ್ಸ್ ಮತ್ತು ಬಾಂಗ್ಲಾದೇಶದ ಶಕೀಬ್ ಅಲ್ ಹಸನ್ ಕೊನೆಯ ಬಾರಿಗೆ ವಿಶ್ವಕಪ್ ನಲ್ಲಿ ತಮ್ಮ ತಮ್ಮ ದೇಶದ ಪರ ಆಡುವುದನ್ನು ಕಾಣಬಹುದು.

ಭಾರತದ ನಾಯಕ ರೋಹಿತ್ ಶರ್ಮಾ

ಭಾರತದ ನಾಯಕ ರೋಹಿತ್ ಶರ್ಮಾಗೆ ಸುಮಾರು 36 ವರ್ಷ. ಆದರೆ ಮುಂದಿನ ವಿಶ್ವಕಪ್ 2027 ರಲ್ಲಿ ನಡೆಯಲಿದೆ. ಆಗ ರೋಹಿತ್ ಶರ್ಮಾಗೆ 40 ವರ್ಷ. ಆದಾಗ್ಯೂ, ರೋಹಿತ್ ಶರ್ಮಾ 2027 ರ ವಿಶ್ವಕಪ್ ವರೆಗೆ ವಿಶ್ವಕಪ್ ಆಡುವ ಸಾಧ್ಯತೆ ತುಂಬಾ ಕಡಿಮೆ. ವಿಶ್ವಕಪ್ ನಂತರ ರೋಹಿತ್ ಶರ್ಮಾಗೆ ಏಕದಿನ ಮತ್ತು ಟಿ20 ಮಾದರಿಗಳಲ್ಲಿ ವಿಶ್ರಾಂತಿ ನೀಡಬಹುದು ಅಥವಾ ನಿವೃತ್ತಿ ಘೋಷಿಸಬಹುದು ಎಂದು ನಂಬಲಾಗಿದೆ. ಇದಲ್ಲದೇ ವಿರಾಟ್ ಕೊಹ್ಲಿ ವಯಸ್ಸು 35 ವರ್ಷ.

2027ರ ವಿಶ್ವಕಪ್ ವೇಳೆಗೆ ವಿರಾಟ್ ಕೊಹ್ಲಿಗೆ 39 ವರ್ಷ

2027ರ ವಿಶ್ವಕಪ್ ವೇಳೆಗೆ ವಿರಾಟ್ ಕೊಹ್ಲಿಗೆ 39 ವರ್ಷ. ವಿಶ್ವಕಪ್ 2023 ವಿರಾಟ್ ಕೊಹ್ಲಿಯ ಕೊನೆಯ ಏಕದಿನ ವಿಶ್ವಕಪ್ ಎಂದು ನಂಬಲಾಗಿದೆ. ಇದಲ್ಲದೇ ರವಿಚಂದ್ರನ್ ಅಶ್ವಿನ್ ವಯಸ್ಸು 37 ವರ್ಷ. ಅವರು ಈಗಾಗಲೇ ಇದು ನನ್ನ ಕೊನೆಯ ವಿಶ್ವಕಪ್‌ ಎಂದೇ ಹೇಳಿದ್ದಾರೆ.

ಇವರಲ್ಲದೆ ಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್, ಇಂಗ್ಲೆಂಡ್‌ನ ಬೆನ್ ಸ್ಟೋಕ್ಸ್ ಮತ್ತು ಬಾಂಗ್ಲಾದೇಶದ ಶಕೀಬ್ ಅಲ್ ಹಸನ್ ಕೊನೆಯ ಬಾರಿಗೆ ವಿಶ್ವಕಪ್ ಆಡುವುದನ್ನು ನೋಡಬಹುದು. ಡೇವಿಡ್ ವಾರ್ನರ್ ಅವರಿಗೆ 37 ವರ್ಷ. ಆದರೆ ಬೆನ್ ಸ್ಟೋಕ್ಸ್ ಮತ್ತು ಶಕೀಬ್ ಅಲ್ ಹಸನ್ ಅವರ ವಯಸ್ಸು ಕ್ರಮವಾಗಿ 32 ವರ್ಷ ಮತ್ತು 36 ವರ್ಷಗಳು. ಈ ಕಾರಣಕ್ಕಾಗಿ, ಮುಂದಿನ ಏಕದಿನ ವಿಶ್ವಕಪ್‌ನಲ್ಲಿ ಈ ದಿಗ್ಗಜರು ಆಡುವುದು ಕಷ್ಟಕರವೆಂದು ಪರಿಗಣಿಸಲಾಗಿದೆ.