ಐಪಿಎಲ್‌ನಲ್ಲಿ ಕೊಹ್ಲಿ ಮಾತು ಕೇಳದೇ ಜೆಮಿಸನ್ ಒಳ್ಳೆಯ ಕೆಲಸ ಮಾಡಿದ್ದಾನೆ; ಟಿಮ್ ಸೌಥಿ ಪ್ರಶಂಸೆ

ಡ್ಯೂಕ್ ಬಾಲ್ ಹಾಕು ಎಂದಿದ್ದ ವಿರಾಟ್ ಕೊಹ್ಲಿ, ನಿರಾಕರಿಸಿದ್ದ ಜೆಮಿಸನ್

ವಿರಾಟ್ ಕೊಹ್ಲಿ ಮತ್ತು ಕೈಲ್ ಜೆಮಿಸನ್ ಇಬ್ಬರೂ ಕೂಡ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಆಟಗಾರರಾಗಿದ್ದ ಕಾರಣ ನೆಟ್ ಪ್ರಾಕ್ಟೀಸ್ ವೇಳೆ ವಿರಾಟ್ ಕೊಹ್ಲಿ ಡ್ಯೂಕ್ ಬಾಲ್ ಎಸೆಯುವಂತೆ ಕೈಲ್ ಜೆಮಿಸನ್ ಬಳಿ ಕೇಳಿಕೊಂಡಿದ್ದರು, ಆದರೆ ಕೊಹ್ಲಿಯ ಮನವಿಯನ್ನು ತಿರಸ್ಕರಿಸಿದ್ದ ಜೆಮಿಸನ್ ಯಾವುದೇ ಕಾರಣಕ್ಕೂ ಡ್ಯೂಕ್ ಬಾಲ್ ಎಸೆತವನ್ನು ಹಾಕುವುದಿಲ್ಲ ಎಂದಿದ್ದರು.

ಕೈಲ್ ಜೆಮಿಸನ್ ಒಳ್ಳೆಯ ಕೆಲಸವನ್ನು ಮಾಡಿದ್ದಾನೆ

ವಿರಾಟ್ ಕೊಹ್ಲಿ ಐಪಿಎಲ್ ವೇಳೆ ಡ್ಯೂಕ್ ಬಾಲ್ ಎಸೆತವನ್ನು ಕೇಳಿದಾಗ ಜೆಮಿಸನ್ ನಿರಾಕರಿಸಿ ಒಳ್ಳೆಯ ಕೆಲಸವನ್ನು ಮಾಡಿದ್ದಾನೆ. ಕೊಹ್ಲಿ ಮುಂಬರುವ ವಿಶ್ವ ಟೆಸ್ಟ್ ಚಾಂಪಿಯನ್‍ಶಿಪ್ ಫೈನಲ್ ಪಂದ್ಯವನ್ನು ತಲೆಯಲ್ಲಿಟ್ಟುಕೊಂಡು ಡ್ಯೂಕ್ ಬಾಲ್ ಎಸೆತವನ್ನು ಕೇಳಿದ್ದರು, ಆದರೆ ಜೆಮಿಸನ್ ಕೊಹ್ಲಿ ಮನವಿಯ ಒಳಾರ್ಥವನ್ನು ಅರಿತುಕೊಂಡು ಡ್ಯೂಕ್ ಬಾಲ್ ಎಸೆಯದೆ ತುಂಬಾ ಒಳ್ಳೆಯ ಕೆಲಸವನ್ನು ಮಾಡಿದ್ದಾನೆ ಎಂದು ಶ್ಲಾಘಿಸಿದ್ದಾರೆ.

ಜೆಮಿಸನ್ ಡ್ಯೂಕ್ ಬಾಲ್ ಎಸೆಯಲು ನಿರಾಕರಿಸಿದ್ದ ಕಾರಣ

ಮುಂಬರುವ ವಿಶ್ವ ಟೆಸ್ಟ್ ಚಾಂಪಿಯನ್‍ಶಿಪ್ ಫೈನಲ್ ಪಂದ್ಯದಲ್ಲಿ ಡ್ಯೂಕ್ ಬಾಲ್ ಬಳಸಲಾಗುತ್ತದೆ. ಹೀಗಾಗಿ ಐಪಿಎಲ್ ಅಭ್ಯಾಸದ ವೇಳೆ ಜೆಮಿಸನ್ ಡ್ಯೂಕ್ ಬಾಲ್ ಎಸೆದಿದ್ದರೆ ವಿರಾಟ್ ಕೊಹ್ಲಿ ನ್ಯೂಜಿಲೆಂಡ್ ತಂಡದ ಆಟಗಾರನಾಗಿರುವ ಕೈಲ್ ಜೆಮಿಸನ್ ಯಾವ ರೀತಿ ಡ್ಯೂಕ್ ಬಾಲ್ ಎಸೆಯಲಿದ್ದಾರೆ ಎಂಬುದನ್ನು ಅರಿತುಕೊಳ್ಳುತ್ತಿದ್ದರು. ಹೀಗಾಗಿ ಜೆಮಿಸನ್ ಡ್ಯೂಕ್ ಬಾಲ್ ಎಸೆತಕ್ಕೆ ಒಲ್ಲೆ ಎಂದಿದ್ದರು.