ಐಪಿಎಲ್ 10 : ಪ್ಲೇ ಆಫ್ ಗೂ ಮುನ್ನ ಟಾಪ್ 10 ಬೌಲರ್ಸ್

#1 ಭುವನೇಶ್ವರ್ ಕುಮಾರ್

ಭುವನೇಶ್ವರ್ ಕುಮಾರ್ ಅವರು 13 ಪಂದ್ಯಗಳಿಂದ 25 ವಿಕೆಟ್ ಗಳನ್ನು ಗಳಿಸಿ ಅಗ್ರಸ್ಥಾನದಲ್ಲಿದ್ದಾರೆ. ಸನ್ ರೈಸರ್ಸ್ ಹೈದರಾಬಾದ್ ಪರ ಭುವನೇಶ್ವರ್ ಕುಮಾರ್ ಪ್ರಮುಖ ಬೌಲರ್ ಆಗಿದ್ದಾರೆ.

#2 ಜಯದೇವ್ ಉನದ್ಕತ್

ರೈಸಿಂಗ್ ಪುಣೆ ಸೂಪರ್ ಜೈಂಟ್ ಪರ ಆಡುವ ಎಡಗೈ ವೇಗಿ ಜಯದೇವ್ ಉನದ್ಕತ್ ಅವರು 10 ಪಂದ್ಯಗಳಿಂದ 21 ವಿಕೆಟ್ ಗಳಿಸಿದ್ದಾರೆ.

#3 ಇಮ್ರಾನ್ ತಾಹೀರ್

ದಕ್ಷಿಣ ಆಫ್ರಿಕಾ ಲೆಗ್ ಸ್ಪಿನ್ನರ್, ಇಮ್ರಾನ್ ತಾಹೀರ್ ಅವರು ರೈಸಿಂಗ್ ಪುಣೆ ಸೂಪರ್ ಜೈಂಟ್ ಪರ ಈ ಬಾರಿ 12 ಪಂದ್ಯಗಳಿಂದ 18 ವಿಕೆಟ್ ಕಬಳಿಸಿದ್ದಾರೆ.

#4 ಮಿಚೆಲ್ ಮೆಕ್ಲೆನಗನ್

ಮುಂಬೈ ಇಂಡಿಯನ್ಸ್ ನ ಪ್ರಮುಖ ವೇಗಿಯಾಗಿರುವ ಮಿಚೆಲ್ ಮೆಕ್ಲೆನಗನ್ ಅವರು ಈ ಪಟ್ಟಿಯಲ್ಲಿ ಲೀಗ್ ನಂತರ ನಾಲ್ಕನೇ ಸ್ಥಾನಕ್ಕೆ ಕುಸಿದಿದ್ದಾರೆ. ನ್ಯೂಜಿಲೆಂಡ್ ನ ವೇಗಿ 14 ಪಂದ್ಯಗಳಿಂದ 17 ವಿಕೆಟ್ ಗಳಿಸಿದ್ದಾರೆ.

#5 ರಶೀದ್ ಖಾನ್

18 ವರ್ಷ ವಯಸ್ಸಿನ ಅಫ್ಘಾನಿಸ್ತಾನದ ಬೌಲರ್ ರಶೀದ್ ಖಾನ್ ಅವರು ಐಪಿಎಲ್ ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಸನ್ ರೈಸರ್ಸ್ ಹೈದರಬಾದ್ ಪರ ಆಡುವ ರಶೀದ್ 13 ಪಂದ್ಯಗಳಲ್ಲಿ 17 ವಿಕೆಟ್ ಗಳನ್ನು ಗಳಿಸಿದ್ದಾರೆ.

#6 ಸಂದೀಪ್ ಶರ್ಮ

ಕಿಂಗ್ಸ್ ಎಲೆವನ್ ಪಂಜಾಬ್ ನ ಪ್ರಮುಖ ಬೌಲರ್ ಆಗಿರುವ ಸಂದೀಪ್ ಶರ್ಮ ಅವರು 13 ಪಂದ್ಯಗಳಿಂದ 17 ವಿಕೆಟ್ ಗಳನ್ನು ಗಳಿಸಿದ್ದಾರೆ. ಡೆಲ್ಲಿ ವಿರುದ್ಧ 4/20 ಇವರ ಶ್ರೇಷ್ಠ ಬೌಲಿಂಗ್ ಆಗಿದೆ.

#7 ಕ್ರಿಸ್ ವೋಕ್ಸ್

ಕೋಲ್ಕತಾ ನೈಟ್ ರೈಡರ್ಸ್ ಪರ ಆಡುವ ವೇಗಿ, ಇಂಗ್ಲೆಂಡಿನ ಕ್ರಿಸ್ ವೋಕ್ಸ್ ಅವರು 13 ಪಂದ್ಯಗಳಲ್ಲಿ 17 ವಿಕೆಟ್ ಪಡೆದು 7ನೇ ಸ್ಥಾನದಲ್ಲಿದ್ದಾರೆ.

#8 ಪವನ್ ನೇಗಿ

ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ಕಳಪೆ ಸಾಧನೆ ನಡುವೆ ಆಲ್ ರೌಂಡರ್ ಪವನ್ ನೇಗಿ ಈ ಪಟ್ಟಿಯಲ್ಲಿ ಸೇರಿರುವುದೇ ಸಾಧನೆ. ಎಡಗೈ ಸ್ಪಿನ್ನರ್ ಗಳಿಂದ ನೇಗಿ 12 ಪಂದ್ಯಗಳಿಂದ 16 ವಿಕೆಟ್ ಗಳಿಸಿದ್ದಾರೆ.

#9 ಸಿದ್ದಾರ್ಥ್ ಕೌಲ್

ಸನ್ ರೈಸರ್ಸ್ ಹೈದರಾಬಾದ್ ವೇಗಿ ಸಿದ್ದಾರ್ಥ್ ಕೌಲ್ ಅವರು ಪಟ್ಟಿಯಲ್ಲಿರುವ ಭಾರತದ ಮತ್ತೊಬ್ಬ ವೇಗಿಯಾಗಿದ್ದಾರೆ. 9 ಪಂದ್ಯಗಳಿಂದ 16 ವಿಕೆಟ್ ಗಳನ್ನು ಗಳಿಸಿದ್ದಾರೆ.

#10 ಅಕ್ಷರ್ ಪಟೇಲ್

ಕಿಂಗ್ಸ್ ಎಲೆವನ್ ಪಂಜಾಬ್ ಪರ ಆಡುವ ಆಲ್ ರೌಂಡರ್ ಅಕ್ಷರ್ ಪಟೇಲ್ ಅವರು 14 ಪಂದ್ಯಗಳ ನಂತರ 15 ವಿಕೆಟ್ ಗಳಿಸಿ ಟಾಪ್ 10 ಪಟ್ಟಿಯಲ್ಲಿ ಸ್ಥಾನ ಗಳಿಸಿದ್ದಾರೆ.