ಲೋಧಾ ಸುಧಾರಣೆಗಳ ಜಾರಿಗೆ 12 ರಾಜ್ಯ ಸಂಘಗಳ ಒಪ್ಪಿಗೆ

ನವದೆಹಲಿ, ಮೇ 10: ನಾಲ್ಕು ವಿಚಾರಗಳನ್ನು ಹೊರತುಪಡಿಸಿ ಉಳಿದ ಲೋಧಾ ಸಮಿತಿಯ ಸುಧಾರಣೆ ಜಾರಿಗೆ ಬಿಸಿಸಿಐಯ 12 ರಾಜ್ಯ ಅಸೋಸಿಯೇಶನ್ ಗಳು ಒಪ್ಪಿರುವುದಾಗಿ ಬಿಸಿಸಿಐ ಪ್ರಭಾರ ಕಾರ್ಯದರ್ಶಿ ಅಮಿತಾಬ್ ಚೌಧರಿ ತಿಳಿಸಿದ್ದಾರೆ.

ಮಾಹಿತಿಯ ಪ್ರಕಾರ, ಯಾರು ಲೋಧ ಸುಧಾರಣೆ ಜವಾಬ್ದಾರಿ ಹೊರಲು ಒಪ್ಪಿದ್ದಾರೋ ಅವರು ಸುಧಾರಣೆ ಜಾರಿಯ ಬಗ್ಗೆ ಖಾತರಿ ನೀಡಬೇಕು. ಜೊತೆಗೆ ಸುಧಾರಣೆ ಜಾರಿಯ ವೇಳೆ ಯಾವೆಲ್ಲ ಸಮಸ್ಯೆಗಳು ಎದುರಾಗುತ್ತವೆ ಎಂಬ ಬಗ್ಗೆ ಸಲಹೆ ನೀಡಬೇಕು ಎಂದು ಬಿಸಿಸಿಐ ಅಧಿಕಾರಿಗಳಿಗೆ ಸುಪ್ರೀಮ್ ಕೋರ್ಟ್ ತಿಳಿಸಿದೆ ಎನ್ನಲಾಗಿದೆ.

ಲೋಧಾ ಸುಧಾರಣೆಗೆ ಒಪ್ಪಿರುವ 12 ರಾಜ್ಯ ಅಸೋಸಿಯೇಶನ್ ಗಳು ತಿಳಿಸಿರುವ ನಾಲ್ಕು ಸವಾಲುಗಳಲ್ಲಿ ಒಂದು ರಾಜ್ಯಕ್ಕೆ ಒಂದೇ ಮತ, ಕೂಲಿಂಗ್ ಆಫ್ ಪೀರಿಯಡ್, ಶಕ್ತಿಶಾಲಿ ಅತ್ಯುನ್ನತ ಕೌನ್ಸಿಲ್ ಸಂವಿಧಾನ ಮತ್ತು ಆಯ್ಕೆಯಾದ ಪ್ರತಿನಿಧಿಗಳ ಮಧ್ಯೆ ಕಾರ್ಯಗಳನ್ನು ಹಂಚುವಿಕೆಗೆ ಸಂಬಂಧಿಸಿದ ವಿಚಾರಗಳು ಸೇರಿವೆ ಎಂದು ತಿಳಿದು ಬಂದಿದೆ.