ವಿಶ್ವ ಟಿ20: ಟ್ವಿಟ್ಟರ್ ಕನಸಿನ ತಂಡಕ್ಕೆ ಧೋನಿ ಕ್ಯಾಪ್ಟನ್!

ಕೋಲ್ಕತ್ತಾ, ಮಾರ್ಚ್ 14: ಮಾರ್ಚ್ 21ರಂದು ಹತ್ತನೇ ಹುಟ್ಟುಹಬ್ಬ ಆಚರಿಸುತ್ತಿರುವ ಮೈಕ್ರೋ ಬ್ಲಾಗಿಂಗ್ ತಾಣ ಟ್ವಿಟ್ಟರ್ ಇತ್ತೀಚೆಗೆ ವಿಶ್ವ ಟಿ20ಗಾಗಿ ಕನಸಿನ ತಂಡವನ್ನು ಪ್ರಕಟಿಸಿತ್ತು. ಈ ಡ್ರೀಂ ಟೀಂಗೆ ಎಂಎಸ್ ಧೋನಿ ಅವರು ನಾಯಕರಾಗಿದ್ದರೆ, ವಿರಾಟ್ ಕೊಹ್ಲಿ ಉಪನಾಯಕರಾಗಿದ್ದಾರೆ.

ವಿಶ್ವ ಟಿ20: ತಂಡಗಳು | ವೇಳಾಪಟ್ಟಿ | ಗ್ಯಾಲರಿ | ಟೂರ್ನಿಗೆ ಫುಲ್ ಗೈಡ್

ವಿಶ್ವ ಟಿ20 ಬಗ್ಗೆ ಬಂದಿರುವ ವರದಿ, ಆಟಗಾರರ ಅಂಕಿ ಅಂಶ, ಸಾಮಾಜಿಕ ಜಾಲ ತಾಣಗಳಲ್ಲಿ ಟ್ರೆಂಡಿಂಗ್ ನಲ್ಲಿರುವ ಆಟಗಾರರ ಬಗ್ಗೆ ಕಳೆದ ವರ್ಷದಿಂದಲೇ ಮಾಹಿತಿ ಕಲೆ ಹಾಕಿ ಈ ತಂಡವನ್ನು ಪ್ರಕಟಿಸಲಾಗಿದೆ.[ಟ್ರಾಲ್ಸ್ : ಕೊಹ್ಲಿ ಪರಿಶ್ರಮ vs ಧೋನಿ ಭಕ್ತರು]

ಕನಸಿನ ತಂಡದಲ್ಲಿ ಮಹೇಂದ್ರ ಸಿಂಗ್ ಧೋನಿ ಅವರು ನಾಯಕರಾಗಿರುವ ಜೊತೆಗೆ ವಿಕೆಟ್ ಕೀಪರ್ ಕೂಡಾ ಆಗಿದ್ದಾರೆ. ವಿರಾಟ್ ಕೊಹ್ಲಿ, ಸುರೇಶ್ ರೈನಾ, ರವಿಚಂದ್ರನ್ ಅಶ್ವಿನ್ ಹಾಗೂ ಇನ್ನೂ ಚಾನ್ಸ್ ಸಿಗದ ಹರ್ಭಜನ್ ಸಿಂಗ್ ಅವರು ಆಯ್ಕೆಯಾಗಿದ್ದಾರೆ.[ಬೊಂಬಾಟ್ ಬ್ಲಾಗಿಂಗ್ ತಾಣ ಟ್ವಿಟ್ಟರ್ ಗೆ 10ರ ಸಂಭ್ರಮ]

ಟ್ವಿಟ್ಟರ್ ನಲ್ಲಿ #WT20 ಸರ್ಚ್ ನಲ್ಲಿ ಹೆಚ್ಚು ಚಾಲ್ತಿಯಲ್ಲಿರುವ ಆಟಗಾರರಿಗೆ ತಂಡ ಸೇರುವ ಅವಕಾಶ ಸಿಕ್ಕಿದೆ. ಇಂಥ ತಂಡವೊಂದನ್ನು ಕೋಚ್ ಮಾಡಲು ಅವಕಾಶ ಪಡೆದವರೇ ಲಕ್ಕಿ ಎಂದು ಹೇಳಲಾಗಿದೆ.[ಸೆಹ್ವಾಗ್ ಆಯ್ಕೆಯ ಫೇವರಿಟ್ 4 ತಂಡ?]

ಉಳಿದಂತೆ ತಂಡದಲ್ಲಿ ಆಸ್ಟ್ರೇಲಿಯಾದ ಬ್ಯಾಟ್ಸ್ ಮನ್ ಸ್ಟೀವ್ ಸ್ಮಿತ್, ಪಾಕಿಸ್ತಾನದ ಆಲ್ ರೌಂಡರ್, ನಾಯಕ ಶಾಹೀದ್ ಅಫ್ರಿದಿ, ಆಲ್ ರೌಂಡರ್ ವಹಾಬ್ ರಿಯಾಜ್, ಬ್ಯಾಟ್ಸ್ ಮನ್ ಮೊಹಮ್ಮದ್ ಹಫೀಜ್, ದಕ್ಷಿಣ ಅಫ್ರಿಕಾದ ವೇಗಿ ಡೇಲ್ ಸ್ಟೈನ್, ವೆಸ್ಟ್ ಇಂಡೀಸ್ ನ ಬ್ಯಾಟ್ಸ್ ಮನ್ ಕ್ರಿಸ್ ಗೇಲ್ ಇದ್ದಾರೆ. ಅಚ್ಚರಿ ಎಂದರೆ, ಎಲ್ಲಾ ಮಾದರಿಯಲ್ಲೂ ಚಾಣಕ್ಷತನದ ಬ್ಯಾಟಿಂಗ್ ಪ್ರದರ್ಶಿಸುವ 360 ಡಿಗ್ರಿ ಬ್ಯಾಟ್ ಬೀಸುವ ಎಬಿ ಡಿ ವಿಲಿಯರ್ಸ್ ಅವರು ತಂಡಕ್ಕೆ ಆಯ್ಕೆಯಾಗಿಲ್ಲ. (ಐಎಎನ್ಎಸ್)