ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
For Quick Alerts
ALLOW NOTIFICATIONS  
For Daily Alerts
 

ವಿಡಿಯೋ: ಇದೇನು ಕ್ರಿಕೆಟ್ ಆಟವೋ, ಕುಸ್ತಿ ಪಂದ್ಯವೋ!

By Mahesh

ಬೆಂಗಳೂರು, ಸೆ.22: ಸಭ್ಯರ ಕ್ರೀಡೆ ಎನಿಸಿಕೊಂಡಿರುವ ಕ್ರಿಕೆಟ್ ಪಂದ್ಯದಲ್ಲಿ ಕುಸ್ತಿಯಾಟ ನಡೆದು ಹೋಗಿದೆ. ಕ್ರಿಕೆಟ್ ಪಿಚ್ ಮಧ್ಯೆದಲ್ಲೇ ಕುಸ್ತಿ, ಕಿಕ್ ಬಾಕ್ಸಿಂಗ್ ಎಲ್ಲವೂ ನಡೆದು ನೋಡುಗರಿಗೆ ಮಜಾ ನೀಡಿದೆ. ಅದರೆ, ಕಿತ್ತಾಟವಾಡಿಕೊಂಡ ಆಟಗಾರರೊಬ್ಬರಿಗೆ ಆಜೀವ ನಿಷೇಧ ಹೇರಲಾಗಿದೆ.

ಬರ್ಮುಡಾದಲ್ಲಿ ಇಂಥದ್ದೊಂದು ಗಲಾಟೆ ಪ್ರಸಂಗ ಇತ್ತೀಚೆಗೆ ಪ್ರಸಂಗ ನಡೆಯಿತು. ಕ್ಲೆವೆಲ್ಯಾಂಡ್ ಕೌಂಟಿ ಕ್ರಿಕೆಟ್ ಕ್ಲಬ್ ಹಾಗೂ ವಿಲ್ಲೋ ಕಟ್ಸ್ ಕ್ರಿಕೆಟ್ ಕ್ಲಬ್ ನಡುವೆ ನಡೆದ ಚಾಂಪಿಯನ್ಸ್ ಆಫ್ ಚಾಂಪಿಯನ್ಸ್ ಪಂದ್ಯಾವಳಿ ಸಂದರ್ಭದಲ್ಲಿ ಕುಸ್ತಿಯಾಡಿದ ತಪ್ಪಿಗೆ 36 ವರ್ಷ ವಯಸ್ಸಿನ ವಿಕೆಟ್ ಕೀಪರ್ ಜಾಸನ್ ಆಂಡರ್ಸನ್ ಅವರಿಗೆ ಆಜೀವ ನಿಷೇಧ ಹೇರಿ ಕ್ಲಬ್ ಆದೇಶಿಸಿದೆ.

ಬರ್ಮುಡಾ ಪರ 5 ಏಕದಿನ ಕ್ರಿಕೆಟ್ ಪಂದ್ಯ ಹಾಗೂ 9 ಟ್ವೆಂಟಿ 20 ಪಂದ್ಯಗಳನ್ನಾಡಿರುವ ಆಂಡರ್ಸನ್ ವಿರುದ್ಧ ಲೆವಲ್ 4 ನಿಯಮ ಮುರಿದ ಆರೋಪ ಹೊರೆಸಲಾಗಿದೆ.

 Cricket match turns into wrestling


ಎದುರಾಳಿ ತಂಡದ ಬ್ಯಾಟ್ಸ್ ಮನ್ ಜಾರ್ಜ್ ಓಬ್ರಿಯಾನ್ ಜೊತೆ ಆಂಡರ್ಸನ್ ಕಿಕ್ ಬಾಕ್ಸಿಂಗ್ ಆಡಿದ್ದರು. ಇಬ್ಬರ ನಡುವೆ ಮಾತಿನ ಚಕಮಕಿ, ಕೈಕೈ ಮಿಲಾಯಿಸುವ ಹಂತ ತಲುಪಿತು. ಮೈದಾನದಲ್ಲಿದ್ದ ಆಟಗಾರರು ಅಡ್ಡಬಂದರೂ ಕಿತ್ತಾಟ ನಿಲ್ಲದಿದ್ದಾಗ ಪೊಲೀಸರು ಹಾಗೂ ಇತರೆ ಅಧಿಕಾರಿಗಳು ಮಧ್ಯೆ ಪ್ರವೇಶಿಸಿ ಇಬ್ಬರನ್ನು ದೂರಕ್ಕೆ ಕರೆದೊಯ್ದಿದ್ದಾರೆ.

ಈ ಪ್ರಸಂಗ ನಡೆದ ಮೇಲೆ ಪಂದ್ಯ ನಿಲ್ಲಿಸಲಾಯಿತು. ಆಂಡರ್ಸನ್ ಅವರನ್ನು ಮೈದಾನದಿಂದ ಹೊರಕ್ಕೆ ಕಳಿಸಲಾಯಿತು. ಮತ್ತೆ ಪಂದ್ಯ ಆರಂಭವಾದ ಮೇಲೆ ಕ್ಲೆವೆಲ್ಯಾಂಡ್ ಕೌಂಟಿ ಕ್ರಿಕೆಟ್ ಕ್ಲಬ್ 72 ರನ್ ಗಳಿಂದ ಪಂದ್ಯವನ್ನು ಜಯಿಸಿತು.

ಬರ್ಮುಡಾ ಬಲಗೈ ಬ್ಯಾಟ್ಸ್ ಮನ್ ಓ ಬ್ರಿಯಾನ್ ಅವರು 9 ಏಕದಿನ ಕ್ರಿಕೆಟ್ ಹಾಗೂ 3 ಟಿ 20 ಪಂದ್ಯಗಳನ್ನಾಡಿದ್ದು, ಲೆವಲ್ 3 ನಿಯಮ ಮುರಿದ ಆರೋಪದ ಮೇಲೆ ಒಟ್ಟು 6 ಏಕದಿನ ಪಂದ್ಯ(50 ಓವರ್ಸ್)ಗಳ ನಿಷೇಧ ಹೇರಲಾಗಿದೆ. ಬರ್ಮುಡಾ ಕ್ಲಬ್ ಕ್ರಿಕೆಟ್ ಪಂದ್ಯದಲ್ಲಿ ನಡೆದ ಕಿತ್ತಾಟದ ವಿಡಿಯೋ ಇಲ್ಲಿದೆ ನೋಡಿ ಆನಂದಿಸಿ:

Story first published: Wednesday, January 3, 2018, 10:03 [IST]
Other articles published on Jan 3, 2018
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X