ಏಷ್ಯನ್‌ ಗೇಮ್ಸ್ ಟ್ರಯಲ್ಸ್‌: ವಿನೇಶ್ ಫೋಗಟ್‌ಗೆ ನಿರಾಸೆ

ಶನಿವಾರ ನಡೆದ ಏಷ್ಯನ್ ಗೇಮ್ಸ್ ಟ್ರಯಲ್ಸ್‌ನಲ್ಲಿ ಒಲಿಂಪಿಕ್ ಕುಸ್ತಿಪಟು ವಿನೇಶ್ ಫೋಗಟ್ ತಮ್ಮ ಸೆಮಿಫೈನಲ್ ಪಂದ್ಯದಲ್ಲಿ ಆಘಾತ ಅನುಭವಿಸಿದರು. ಇವರು ಏಷ್ಯನ್‌ ಗೇಮ್ಸ್ ಟ್ರಯಲ್ಸ್‌ನಲ್ಲಿ ಸತತ ಎರಡು ಪಂದ್ಯಗಳನ್ನು ಗೆದ್ದು, ಜಿಂದ್‌ನ ಮೀನಾಕ್ಷಿ ಗೋಯತ್ ವಿರುದ್ಧ ಸೋತರು. ಈ ಸೋಲಿನ ಮೂಲಕ ವಿನೇಶ್‌ ಏಷ್ಯನ್‌ ಗೇಮ್ಸ್‌ನಲ್ಲಿ ಭಾಗವಹಿಸುವ ಆಸೆಗೆ ದೂರ ಕಮರಿದೆ.

ಡೋಪಿಂಗ್ ವಿರೋಧಿ ನಿಯಮಗಳನ್ನು ಉಲ್ಲೇಖಿಸಿ, ಭಾರತೀಯ ಕುಸ್ತಿ ಫೆಡರೇಶನ್ (ಡಬ್ಲ್ಯೂಎಫ್‌ಐ), ಜೂನ್ 26, 2026 ರವರೆಗೆ ದೇಶೀಯ ಸ್ಪರ್ಧೆಗಳಲ್ಲಿ ಭಾಗವಹಿಸುವುದನ್ನು ನಿಷೇಧಿಸಿತು. ಈ ತೀರ್ಮಾನವನ್ನು ಪ್ರಶ್ನಿಸಿ ದೆಹಲಿ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದರು. ದೆಹಲಿ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದರು ಮತ್ತು ವಿಭಾಗೀಯ ಪೀಠವು ಅವರ ಪರವಾಗಿ ತೀರ್ಪು ನೀಡಿತು. ಇದರಿಂದ ವಿನೇಶ್‌ ಅವರಿಗೆ ಏಷ್ಯಾನ್‌ ಗೇಮ್ಸನ್‌ನಲ್ಲಿ ಭಾಗವಹಿಸಲು ಅವಕಾಶ ನೀಡಿತು. ಆದರೆ ವಿನೇಶ್‌ ಈ ಅವಕಾಶವನ್ನು ಸರಿಯಾಗಿ ಬಳಸಿಕೊಳ್ಳುವಲ್ಲಿ ವಿಫಲರಾದರು.

ವಿನೇಶ್‌ ಪೋಗಟ್‌ ಈ ಸೋಲಿನ ಬಳಿಕ ಮಾತನಾಡಿ, ನಾನು ಸೋಲನ್ನು ವೈಫಲ್ಯವೆಂದು ಪರಿಗಣಿಸುವುದಿಲ್ಲ. ಇದನ್ನು ಸೋಲು ಎಂದು ಪರಿಗಣಿಸುವುದಿಲ್ಲ. ಮತ್ತು ಭವಿಷ್ಯದಲ್ಲಿ ನನ್ನನ್ನು ಮತ್ತೆ ಸಾಬೀತುಪಡಿಸಲು ನಾನು ಮ್ಯಾಟ್‌ಗೆ ಹಿಂತಿರುಗುತ್ತೇನೆ" ಎಂದು ಅವರು ಹೇಳಿದರು.

ಮೀನಾಕ್ಷಿ ಮೊದಲು, ವಿನೇಶ್ ನಿಶು ಅವರನ್ನು ಎದುರಿಸಿದರು. ನಿಶು ಆರಂಭದಲ್ಲಿ ವಿನೇಶ್ ಅವರನ್ನು ಸೋಲಿಸಿ ಐದು ಅಂಕಗಳನ್ನು ಗಳಿಸಿದರು. ನಂತರ ವಿನೇಶ್ ನಾಲ್ಕು ಅಂಕಗಳನ್ನು ಗಳಿಸಿದರು. ಈ ಸಮಯದಲ್ಲಿ, ವಿನೇಶ್ ಮತ್ತು ಅವರ ಪತಿ ಸೋಂಬೀರ್ ರಥಿ ರೆಫರಿಯೊಂದಿಗೆ ವಾಗ್ವಾದ ನಡೆಸಿದರು. ಡಬ್ಲ್ಯೂಎಫ್‌ಐ ಅಧ್ಯಕ್ಷ ಸಂಜಯ್ ಸಿಂಗ್ ಕೂಡ ಮ್ಯಾಟ್‌ಗೆ ಬಂದರು. ರೆಫರಿ ವಿನೇಶ್ ಅವರನ್ನು 7-6 ರಿಂದ ವಿಜೇತರೆಂದು ಘೋಷಿಸಿದರು. ನಿಶು ವಿನೇಶ್ ಜೊತೆ ಕೈಕುಲುಕಲೂ ಇಲ್ಲ.