ಇಂಗ್ಲೆಂಡ್ ವಿರುದ್ಧದ ಏಕದಿನಕ್ಕೆ ಆರಂಭಿಕ ಬ್ಯಾಟ್ಸ್‌ಮನ್‌ಗಳ ಹೆಸರಿಸಿದ ಕೊಹ್ಲಿ

ಏಕದಿನದಲ್ಲಿ ಯಾವುದೇ ಅನುಮಾನವಿಲ್ಲ

'ಖಂಡಿತವಾಗಿಯೂ ಶಿಖರ್ ಧವನ್ ಮತ್ತು ರೋಹಿತ್ ಶರ್ಮಾ ಆರಂಭಿಸುತ್ತಾರೆ. ಏಕದಿನ ಕ್ರಿಕೆಟ್‌ ವಿಚಾರಕ್ಕೆ ಬಂದರೆ ಅಲ್ಲಿ ಯಾವುದೇ ಅನುಮಾನವಿಲ್ಲ. ಇಬ್ಬರೂ ಕಳೆದ ಕೆಲವಾರು ವರ್ಷಗಳಿಂದ ಉತ್ತಮವಾಗಿ ಆರಂಭಿಕ ಸ್ಥಾನದಲ್ಲಿ ಆಡುತ್ತಿದ್ದಾರೆ,' ಎಂದು ಹೇಳಿದ್ದಾರೆ.

ವಿಫಲರಾಗಿದ್ದ ಶಿಖರ್ ಧವನ್

ಇಂಗ್ಲೆಂಡ್ ವಿರುದ್ಧದ ಆರಂಭಿಕ ಟಿ20ಐನಲ್ಲಿ ಆಡಿದ್ದ ಧವನ್ 4 ರನ್ ಬಾರಿಸಿದ್ದರು. ಆ ಬಳಿಕ ಧವನ್‌ಗೆ ಅವಕಾಶ ಸಿಗದೆ ಬೆಂಚ್ ಕಾಯಬೇಕಾಗಿ ಬಂದಿತ್ತು. ಮುಂದಿನ ಪಂದ್ಯಗಳಲ್ಲಿ ಆರಂಭಿಕರಾಗಿ ಕೆಎಲ್ ರಾಹುಲ್ ಆಡಿದ್ದರು. ರಾಹುಲ್ ಕೂಡ ಉತ್ತಮ ಪ್ರದರ್ಶನ ನೀಡುವಲ್ಲಿ ವಿಫಲರಾದಾಗ ಕೊನೇ ಪಂದ್ಯದಲ್ಲಿ ಕೊಹ್ಲಿ ಆರಂಭಿಕರಾಗಿ ಯಶಸ್ವಿಯಾಗಿ ಆಡಿದ್ದರು.

ಐಪಿಎಲ್‌ನಲ್ಲೂ ಕೊಹ್ಲಿ ಓಪನಿಂಗ್

ಕೊನೇ ಟಿ20ಐನಲ್ಲಿ 52 ಎಸೆತಗಳಲ್ಲಿ 80 ರನ್ ಬಾರಿಸಿದ್ದ ಕೊಹ್ಲಿ ಮುಂದಿನ ಪಂದ್ಯಗಳಲ್ಲೂ ತಾನು ರೋಹಿತ್ ಅವರೊಂದಿಗೆ ಆರಂಭಿಸುವುದಾಗಿ ಹೇಳಿದ್ದರು. ಅಲ್ಲದೆ ಐಪಿಎಲ್‌ನಲ್ಲೂ ಆರ್‌ಸಿಬಿ ಪರ ಓಪನಿಂಗ್ ಬ್ಯಾಟಿಂಗ್ ಮಾಡಲು ಬಯಸಿರುವುದಾಗಿ ಹೇಳಿದ್ದರು. ಹೀಗಾಗಿ ಏಕದಿನದಲ್ಲೂ ಕೊಹ್ಲಿಯೇ ಆರಂಭಿಕರಾಗಿ ಆಡ್ತಾರೋ ಎನ್ನುವ ಅನುಮಾನ ಮೂಡಿಸಿತ್ತು. ಆದರೆ ಕೊಹ್ಲಿ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ಅಂದ್ಹಾಗೆ ಕೊನೇ ಟಿ20ಐನಲ್ಲಿ ಭಾರತ 36 ರನ್ ಜಯ ಗಳಿಸಿತ್ತಲ್ಲದೆ, ಸರಣಿಯನ್ನೂ 3-2ರಿಂದ ಗೆದ್ದಿತ್ತು.