ವಿರಾಟ್ ಕೊಹ್ಲಿ ಟಿ20 ವಿಶ್ವಕಪ್ ಫೈನಲ್‌ನ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಅರ್ಹರಲ್ಲ; ಭಾರತೀಯ ಮಾಜಿ ಕ್ರಿಕೆಟಿಗ

ಭಾರತ ಕ್ರಿಕೆಟ್ ತಂಡ 2024ರ ಐಸಿಸಿ ಟಿ20 ವಿಶ್ವಕಪ್‌ನ ಫೈನಲ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ 7 ರನ್‌ಗಳ ಅಮೋಘ ಗೆಲುವು ಸಾಧಿಸುವ ಮೂಲಕ ಮತ್ತೊಮ್ಮೆ ಇತಿಹಾಸ ನಿರ್ಮಿಸಿತು. 17 ವರ್ಷಗಳ ನಂತರ ಮತ್ತೊಮ್ಮೆ ಟಿ20 ವಿಶ್ವ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.

ಭಾರತ ತಂಡ ಟಿ20 ವಿಶ್ವಕಪ್ 2024 ಗೆದ್ದ ನಂತರವೂ ಫೈನಲ್ ಪಂದ್ಯ ಚರ್ಚೆಯ ವಿಷಯಗಳನ್ನು ಉತ್ಪಾದಿಸುವುದನ್ನು ಮುಂದುವರೆಸಿದೆ. ದಕ್ಷಿಣ ಆಫ್ರಿಕಾ ವಿರುದ್ಧದ ಭಾರತ ತಂಡದ ಗೆಲುವು ಸುಲಭವಾಗಿರಲಿಲ್ಲ. ಬೌಲರ್‌ಗಳ ಕೊನೆಯ ಹಂತದ ವೀರಾವೇಶ ತಂಡವನ್ನು ಮತ್ತೆ ಆಟಕ್ಕೆ ತಂದಿತು.

ಜಸ್ಪ್ರೀತ್ ಬುಮ್ರಾ, ಹಾರ್ದಿಕ್ ಪಾಂಡ್ಯ ಮತ್ತು ಅರ್ಶ್‌ದೀಪ್ ಸಿಂಗ್ ಅವರ ಡೆತ್ ಬೌಲಿಂಗ್ ಭಾರತ ತಂಡವು ಪಂದ್ಯವನ್ನು ಗೆಲ್ಲಲು 30 ಎಸೆತಗಳಲ್ಲಿ ಕೇವಲ 30 ರನ್‌ಗಳನ್ನು ರಕ್ಷಿಸಿತು. ಈ ಮೂವರ ಅತ್ಯುತ್ತಮ ಬೌಲಿಂಗ್‌ನಿಂದಾಗಿ ಭಾರತ ತಂಡ ಅಂತಿಮವಾಗಿ 7 ರನ್‌ಗಳಿಂದ ಜಯಭೇರಿ ಬಾರಿಸಿತು.

ಆದರೆ, ಪಂದ್ಯಶ್ರೇಷ್ಠ ಆಟಗಾರ ಪ್ರಶಸ್ತಿಯು ವಿರಾಟ್ ಕೊಹ್ಲಿ ಪಾಲಾಗಿದ್ದು, ಇದು ಭಾರತದ ಮಾಜಿ ಕ್ರಿಕೆಟಿಗ ಸಂಜಯ್ ಮಂಜ್ರೇಕರ್ ಅವರಿಗೆ ಅಚ್ಚರಿ ಮೂಡಿಸಿದೆ.

ಇಎಸ್‌ಪಿಎನ್ ಕ್ರಿಕ್ಇನ್ಫೋದಲ್ಲಿ ಫೈನಲ್ ಪಂದ್ಯದ ನಂತರ, ವೇಗದ ಬೌಲರ್‌ಗಳು ರಕ್ಷಣೆಗೆ ಬರುವ ಮೊದಲು ವಿರಾಟ್ ಕೊಹ್ಲಿ 59 ಎಸೆತಗಳಲ್ಲಿ 76 ರನ್ ಗಳಿಸಿ ಭಾರತ ತಂಡವನ್ನು ತೊಂದರೆಯಿಂದ ಪಾರು ಮಾಡಿದರು ಎಂದು ಸಂಜಯ್ ಮಂಜ್ರೇಕರ್ ಹೇಳಿದರು.

ಆದರೆ, ಪಂದ್ಯಶ್ರೇಷ್ಠ ಆಟಗಾರನ ಆಯ್ಕೆಯು ಭಾರತೀಯ ಬೌಲರ್ ಆಗಿರುತ್ತದೆ, ವಿರಾಟ್ ಕೊಹ್ಲಿ ಅಲ್ಲ ಎಂದು ಸಂಜಯ್ ಮಂಜ್ರೇಕರ್ ತಿಳಿಸಿದರು.

"ಆ ಇನ್ನಿಂಗ್ಸ್ ಆಡುವ ಮೂಲಕ, ಭಾರತದ ಅತ್ಯಂತ ವಿನಾಶಕಾರಿ ಬ್ಯಾಟರ್‌ಗಳಲ್ಲಿ ಒಬ್ಬರಾದ ಹಾರ್ದಿಕ್ ಪಾಂಡ್ಯ ಅವರು ಎದುರಿಸಲು ಕೇವಲ ಎರಡು ಎಸೆತಗಳನ್ನು ಹೊಂದಿದ್ದರು. ಹಾಗಾಗಿ ಭಾರತದ ಬ್ಯಾಟಿಂಗ್ ಉತ್ತಮವಾಗಿದೆ ಎಂದು ನಾನು ಭಾವಿಸುತ್ತೇನೆ. ಆದರೆ ವಿರಾಟ್ ಕೊಹ್ಲಿ ಸಮರ್ಥವಾಗಿ ಇನಿಂಗ್ಸ್ ಆಡಿದ್ದು, ಅದು ಭಾರತವನ್ನು ಬಿಗಿಯಾದ ಮೂಲೆಯಲ್ಲಿ ಇರಿಸಿತ್ತು. ಕೊನೆಯಲ್ಲಿ ಬೌಲರ್‌ಗಳು ಬರುವ ಮೊದಲು ಪಂದ್ಯ ಭಾರತದ ಕೈಯಲ್ಲಿರಲಿಲ್ಲ".

"ಭಾರತ ತಂಡ ಸೋತ ಸ್ಥಿತಿಯಲ್ಲಿತ್ತು. ಶೇ.90ರಷ್ಟು ಗೆಲ್ಲುವ ಅವಕಾಶಗಳು ದಕ್ಷಿಣ ಆಫ್ರಿಕಾ ತಂಡಕ್ಕಿತ್ತು. ಕೊನೆಯಲ್ಲಿ ಪಂದ್ಯದ ತಿರುವು ವಾಸ್ತವವಾಗಿ ವಿರಾಟ್ ಕೊಹ್ಲಿಯ ಇನ್ನಿಂಗ್ಸ್ ಅನ್ನು ಕಾಪಾಡಿತು. ಏಕೆಂದರೆ ಅವರು ಅರ್ಧದಷ್ಟು ಇನ್ನಿಂಗ್ಸ್ ಅನ್ನು 128ರ ಸ್ಟ್ರೈಕ್-ರೇಟ್‌ನಲ್ಲಿ ಆಡಿದರು".

"ನನ್ನ ಪ್ರಕಾರ, ಪಂದ್ಯಶ್ರೇಷ್ಠ ಆಟಗಾರ ಪ್ರಶಸ್ತಿಯ ಆಯ್ಕೆಯು ಬೌಲರ್ ಆಗಿರಬೇಕಿತ್ತು. ಏಕೆಂದರೆ ಬೌಲರ್‌ಗಳು ಸೋಲಿನ ದವಡೆಯಿಂದ ಪಂದ್ಯವನ್ನು ತೆಗೆದುಕೊಂಡು ಭಾರತವನ್ನು ಗೆಲ್ಲಿಸಿದರು," ಎಂದು ಸಂಜಯ್ ಮಂಜ್ರೇಕರ್ ತಿಳಿಸಿದರು.

ಆದರೆ, ಜಿಂಬಾಬ್ವೆ ಮಾಜಿ ಕ್ರಿಕೆಟಿಗ ಆಂಡಿ ಫ್ಲವರ್ ಸ್ವಲ್ಪ ವಿಭಿನ್ನ ದೃಷ್ಟಿಕೋನವನ್ನು ಹೊಂದಿದ್ದರು. ಅವರ ಪ್ರಕಾರ, ಭಾರತ ತಂಡ ಸ್ಕೋರ್ ಬೋರ್ಡ್‌ನಲ್ಲಿ 176 ರನ್‌ಗಳನ್ನು ಕಲೆಹಾಕಲು ಬ್ಯಾಟ್‌ನೊಂದಿಗೆ ಸಾಕಷ್ಟು ಸಾಧನೆ ಮಾಡಿದೆ ಎಂದರು.

ಆದರೆ, ರೋಹಿತ್ ಶರ್ಮಾ ನಾಯಕತ್ವದ ತಂಡ ಫೈನಲ್ ಪಂದ್ಯವನ್ನು ಸೋತಿದ್ದರೆ, ವಿರಾಟ್ ಕೊಹ್ಲಿ ಸಾಕಷ್ಟು ಟೀಕೆಗಳನ್ನು ಎದುರಿಸುತ್ತಿದ್ದರು ಎಂದು ಆಂಡಿ ಫ್ಲವರ್ ಒಪ್ಪಿಕೊಂಡರು.

"ಭಾರತ ತಂಡವು ಫೈನಲ್‌ನಲ್ಲಿ ಸೋತಿದ್ದರೆ, ವಿರಾಟ್ ಕೊಹ್ಲಿ ಕಡೆಗೆ ಸಾಕಷ್ಟು ಟೀಕೆಗಳು ಬರುತ್ತಿದ್ದವು ಎಂದು ನಾನು ಭಾವಿಸುತ್ತೇನೆ. ಮೊದಲ ಇನ್ನಿಂಗ್ಸ್ ಮುಗಿದಾಗ ಭಾರತ ಗೆಲ್ಲುವ ಸಾಕಷ್ಟು ಅವಕಾಶ ಹೊಂದಿದೆ ಎಂದು ನಾನು ಭಾವಿಸಿದ್ದೆ ಮತ್ತು ಅದು ದಕ್ಷಿಣ ಆಫ್ರಿಕಾ ತಂಡಕ್ಕೆ ಬಹಳ ಕಷ್ಟಕರವಾದ ಮೊತ್ತ ಬೆನ್ನಟ್ಟಬೇಕಿತ್ತು," ಎಂದು ಆಂಡಿ ಫ್ಲವರ್ ಹೇಳಿದರು.