ಪಾಕ್ ವಿರುದ್ಧದ ಫೈನಲ್ ಬಗ್ಗೆ ಕೊಹ್ಲಿ ಮುಗುಳ್ನಕ್ಕಿದ್ದೇಕೆ?

ಲಂಡನ್, ಜೂನ್ 16: ಚಾಂಪಿಯನ್ಸ್ ಟ್ರೋಫಿ ಪಂದ್ಯಾವಳಿಯು ನಿರ್ಣಾಯಕ ಘಟ್ಟಕ್ಕೆ ಬಂದು ಮುಟ್ಟಿದ್ದು, ಬರುವ ಭಾನುವಾರ (ಜೂನ್ 18) ನಡೆಯಲಿರುವ ಟೂರ್ನಿಯ ಫೈನಲ್ ನಲ್ಲಿ ಭಾರತ ತಂಡ, ತನ್ನ ಸಾಂಪ್ರದಾಯಿಕ ಎದುರಾಳಿಯಾದ ಪಾಕಿಸ್ತಾನ ವಿರುದ್ಧ ಕಣಕ್ಕಿಳಿಯಲಿದೆ.

ಚಾಂಪಿಯನ್ಸ್ ಟ್ರೋಫಿ : ಗ್ಯಾಲರಿ

ಬಾಂಗ್ಲಾದೇಶದ ವಿರುದ್ಧ ಸೆಮಿಫೈನಲ್ ಪಂದ್ಯ ಗೆದ್ದ ಮೇಲೆ ನಡೆದ ಪತ್ರಿಕಾಗೋಷ್ಠಿಯಲ್ಲಿ ವಿರಾಟ್ ಕೊಹ್ಲಿಯವರನ್ನು ಈ ಬಗ್ಗೆ ಕೇಳಿದಾಗ ಅವರು ಮುಗುಳ್ನಕ್ಕರು. ಅವರೊಂದಿಗೆ ಪತ್ರಿಕಾಗೋಷ್ಠಿಯಲ್ಲಿದ್ದ ಬಹುತೇಕ ಪತ್ರಕರ್ತರೂ ಮುಗುಳ್ನಕ್ಕರು. ಏಕೆ....?

ವಿಚಾರ ಇಷ್ಟೇ. ಪತ್ರಿಕಾಗೋಷ್ಠಿ ಶುರುವಾದ ನಂತರ, ಪತ್ರಕರ್ತನೊಬ್ಬ ಏಷ್ಯಾದ ರಾಷ್ಟ್ರಗಳೇ ಫೈನಲ್ ಗೆ ಕಾಲಿಟ್ಟಿರುವ ಈ ಪಂದ್ಯಕ್ಕಾಗಿ ಏನಾದರೂ ವಿಶೇಷ ತಂತ್ರಗಾರಿಕೆ ಹೊಂದಿದ್ದೀರಾ ಎಂಬರ್ಥದ ಪ್ರಶ್ನೆಯನ್ನು ಕೇಳಿದ.

ಇದಕ್ಕೆ ವಿರಾಟ್ ಕೊಹ್ಲಿ, ಇಲ್ಲ ಎಂದು ಉತ್ತರಿಸಿ, ಮುಗುಳ್ನಕ್ಕರು. ಅದರರ್ಥ, ಈಗಲೇ ಏನೂ ಹೇಳಲಾಗದು ಎಂದು. ಆದರೆ, ಕೊಹ್ಲಿಯವರ ಈ ಹೇಳಿಕೆಯು ಈಗಾಗಲೇ ಪಾಕಿಸ್ತಾನವನ್ನು ಮಣಿಸಿರುವ ನಮಗೆ (ಭಾರತಕ್ಕೆ) ಆ ಬಗ್ಗೆ ತಲೆಕೆಡಿಸಿಕೊಳ್ಳುವ ಅಗತ್ಯವಿಲ್ಲ ಎಂದು ಹೇಳಿದಂತೆ ಭಾಸವಾಯಿತು. ಹಾಗಾಗಿ, ಪತ್ರಿಕಾಗೋಷ್ಠಿಯಲ್ಲಿ ನಗೆ ಉಕ್ಕಿತು.