ಇನ್‌ಸ್ಟಾಗ್ರಾಮ್‌ನಲ್ಲಿ ವಿರಾಟ್ ಕೊಹ್ಲಿ ಡ್ಯಾನ್ಸ್‌ಗೆ ಎಬಿ ಡಿ ವಿಲಿಯರ್ಸ್ ಕಾಮೆಂಟ್

ನವದೆಹಲಿ, ಜುಲೈ 26: ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಚೆನ್ನಾಗಿ ಡ್ಯಾನ್ಸ್ ಮಾಡ್ತಾರೆ ಅನ್ನೋದನ್ನು ನಾವು ಅಲ್ಲಿಲ್ಲಿ ನೋಡಿದ್ದೇವೆ. ರನ್ ಮೆಷೀನ್ ಕೊಹ್ಲಿ ಗುರುವಾರ (ಜುಲೈ 25) ಇನ್‌ಸ್ಟಾಗ್ರಾಮ್‌ನಲ್ಲಿ ವಿಡಿಯೋವೊಂದನ್ನು ಹಾಕಿಕೊಂಡಿದ್ದಾರೆ. ಈ ವಿಡಿಯೋದಲ್ಲೂ ಕೊಹ್ಲಿ ಸ್ಟೆಪ್ ಹಾಕಿದ್ದಾರೆ.

ಕೊಹ್ಲಿ-ರೋಹಿತ್ ನಡುವೆ ಏನೋ ಸರಿಯಿಲ್ಲ ಎನ್ನುತ್ತಿವೆ ಈ ನಿದರ್ಶನಗಳು!

ಕೊಹ್ಲಿ ಹಾಕಿಕೊಂಡಿರುವ ವಿಡಿಯೋ ಸ್ಪೋರ್ಟ್ಸ್ ಬ್ರ್ಯಾಂಡ್‌ ಪೂಮಾದ ಪ್ರಚಾರಕ್ಕೆ ಸಂಬಂಧಿಸಿದ್ದು. ವಿಡಿಯೋದ ಜೊತೆಗೆ ಕೊಹ್ಲಿ, 'ಸಕಾರಾತ್ಮಕತೆ ಸಕಾರಾತ್ಮಕತೆಯನ್ನು ಆಕರ್ಷಿಸುತ್ತದೆ. ನಿಮ್ಮ ಆಯ್ಕೆಯು ನಿಮ್ಮ ಫಲಿತಾಂಶವನ್ನು ವ್ಯಾಖ್ಯಾನಿಸುತ್ತದೆ,' ಎಂದು ಬರೆದುಕೊಂಡಿದ್ದರು.

Positivity attracts positivity. Your choice defines your outcome. 🙏😇 #BTS pic.twitter.com/koj95Ycgrc

— Virat Kohli (@imVkohli) July 24, 2019

ಕೊಹ್ಲಿ ವಿಡಿಯೋ ಪೋಸ್ಟ್ ಮಾಡುತ್ತಲೇ ಇದಕ್ಕೆ ಸಾಲುಸಾಲು ಕಾಮೆಂಟ್‌ಗಳೂ ಬಂದಿವೆ. ಈ ಕಾಮೆಂಟ್‌ಗಳಲ್ಲಿ ದಕ್ಷಿಣ ಆಫ್ರಿಕಾ ತಂಡ ಮಾಜಿ ಆಟಗಾರ, ಕೊಹ್ಲಿಯ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಸಹ ಆಟಗಾರ ಎಬಿ ಡಿ ವಿಲಿಯರ್ಸ್ ಪ್ರತಿಕ್ರಿಯೆ ಹೆಚ್ಚು ಗಮನ ಸೆಳೆಯುತ್ತಿದೆ.

ಗ್ಲೋಬಲ್ ಟಿ20: ಔಟಾಗದೆಯೂ ಮೈದಾನದಿಂದ ನಡೆದ ಯುವಿ-ವಿಡಿಯೋ

ಕಾಮೆಂಟ್‌ನಲ್ಲಿ ಎಬಿಡಿ ಒಂದೆಡೆ, 'ಮೂವ್ಸ್' ಎಂದು ಬರೆದುಕೊಂಡಿದ್ದರೆ, ಇನ್ನೊಂದೆಡೆ, 'ನಾನೂ ಹೀಗೆ (ಡ್ಯಾನ್ಸ್) ಮಾಡೋದನ್ನು ಊಹಿಸಿ' ಎಂದು ಬರೆದಿದ್ದಾರೆ. ಇನ್ಸ್‌ಸ್ಟಾಗ್ರಾಮ್‌ ಸಂಭಾವನೆಗಾಗಿ ಇತ್ತೀಚೆಗೆ ಕೊಹ್ಲಿ ಸಿರಿವಂತರ ಸಾಲಿನಲ್ಲಿ ಗುರುತಿಸಿಕೊಂಡಿದ್ದರು. ಬ್ರ್ಯಾಂಡ್‌ಗೆ ಸಂಬಂಧಿಸಿ ಕೊಹ್ಲಿ ಪ್ರತಿ ಪೋಸ್ಟ್‌ಗೆ $196,000 (ಸುಮಾರು 1,35,66,749 ರೂ.) ವಿಧಿಸುತ್ತಿದ್ದಾರೆ.