ಪತ್ನಿ ಅನುಷ್ಕಾ, ಪುತ್ರಿ ವಮಿಕಾ ಜೊತೆ ಕಾಣಿಸಿಕೊಂಡ ವಿರಾಟ್ ಕೊಹ್ಲಿ

ಅಹ್ಮದಾಬಾದ್: ಭಾರತದ ನಾಯಕ ವಿರಾಟ್ ಕೊಹ್ಲಿ ಅವರು ಪತ್ನಿ ಅನುಷ್ಕಾ ಶರ್ಮಾ, ಪುತ್ರಿ ವಮಿಕಾ ಜೊತೆ ಕಾಣಿಸಿಕೊಂಡಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಗಾಗಿ ಟೀಮ್ ಇಂಡಿಯಾ ಪೂಣೆಗಾಗಿ ತೆರಳುತ್ತಿದ್ದು ಕೊಹ್ಲಿ ಕುಟುಂಬವೂ ಪ್ರಯಾಣ ಬೆಳೆಸಿದೆ.

ಅಹ್ಮದಾಬಾದ್ ವಿಮಾನ‌ ನಿಲ್ದಾಣದಲ್ಲಿ ವಿರಾಟ್ ಕೊಹ್ಲಿ ಕುಟುಂಬ ಮಾರ್ಚ್ 22ರ ಸೋಮವಾರ ಸಾರ್ವಜನಿಕರಿಗೆ ಕಾಣಿಸಿಕೊಂಡಿದೆ. ಕೊಹ್ಲಿ ತನ್ನ ಪುಟಾಣಿ ಪುತ್ರಿ ವಮಿಕಾಳೊಂದಿಗೆ ಹೊರಗಡೆ ಕಾಣಿಸಿಕೊಂಡಿದ್ದೇ ಅಪರೂಪ. ಈ ಬಾರಿ ಕೊಹ್ಲಿ, ಅನುಷ್ಕಾ, ವಮಿಕಾ ಮೂವರೂ ಕಾಣಿಸಿಕೊಂಡಿದ್ದಾರೆ.

ಅಹ್ಮದಾಬಾದ್ ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಭಾರತ-ಇಂಗ್ಲೆಂಡ್ 5ನೇ ಟಿ20ಐ ಪಂದ್ಯದಲ್ಲಿ ಭಾರತ 36 ರನ್ ಜಯಗಳಿಸಿತು. ಇದರೊಂದಿಗೆ ಸರಣಿಯನ್ನೂ 3-2ರಿಂದ ಗೆದ್ದುಕೊಂಡಿತು. ಇನ್ನು ಭಾರತ ಮತ್ತು ಇಂಗ್ಲೆಂಡ್ ಮಧ್ಯೆ ಮೂರು ಪಂದ್ಯಗಳ ಟೆಸ್ಟ್ ಸರಣಿ ನಡೆಯಲಿದೆ.

ಟೆಸ್ಟ್ ಸರಣಿ, ಟಿ20ಐ ಸರಣಿ ಯಶಸ್ವಿಯಾಗಿ ಗೆದ್ದುಕೊಂಡಿರುವ ಕೊಹ್ಲಿ ಪಡೆ ಮಾರ್ಚ್ 23ರಿಂದ ಮಹಾರಾಷ್ಟ್ರದ ಪೂಣೆ ಸ್ಟೇಡಿಯಂನಲ್ಲಿ ಏಕದಿನ ಸರಣಿಯನ್ನು ಎದುರುಗೊಳ್ಳಲಿದೆ. ಮಾಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಶನ್ ಸ್ಟೇಡಿಯಂ ಪೂಣೆಯಲ್ಲಿ ಏಕದಿನ ಪಂದ್ಯಗಳು 1:30 PMಗೆ ಆರಂಭಗೊಳ್ಳಲಿವೆ.