ವಿರಾಟ್ ಕೊಹ್ಲಿ ಸದ್ಯದಲ್ಲೇ ವಿಶ್ವಕಪ್ ಎತ್ತಿ ಹಿಡಿಯಲಿದ್ದಾರೆ : ಹರ್ಭಜನ್ ಸಿಂಗ್

ಪ್ರತಿ ನಾಯಕನಿಗೂ ಕನಸು

ಪ್ರತಿಯೊಬ್ಬ ನಾಯಕನೂ ಈ ಸಾಧನೆಯನ್ನು ಮಾಡಲು ಕಾತುರನಾಗಿರುತ್ತಾನೆ. 2021ರ ವಿಶ್ವಕಪ್‌ನಲ್ಲಿ ಗೆಲುವು ಸಾಧಿಸುವುದು ಅದ್ಭುತವಾಗಿರಲಿದೆ ಎಮದು ಹರ್ಭಜನ್ ಸಿಂಗ್ ಇಂಡಿಯಾ ಟುಡೇಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡುತ್ತಾ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ.

ಕೊಹ್ಲಿ ಈಗಾಗಲೇ ದೊಡ್ಡ ಆಟಗಾರ

ಈ ಸಾಧನೆ ವಿರಾಟ್ ಕೊಹ್ಲಿಯನ್ನು ಎತ್ತರಕ್ಕೇರಿಸುವುದಿಲ್ಲ. ಯಾಕೆಂದರೆ ವಿರಾಟ್ ಕೊಹ್ಲಿ ಈಗಾಗಲೇ ದೊಡ್ಡ ಆಟಗಾರನಾಗಿದ್ದಾರೆ. ಆದರೆ ಇದು ಆ ಆಟಗಾರನ ಸಾಧನೆಯ ಹಾದಿಗೆ ಮತ್ತೊಂದು ಸಾಧನೆಯಾಗಿ ಸೇರಿಕೊಳ್ಳಲಿದೆ. ವಿಶ್ವಕಪ್ ವಿಜೇತ ನಾಯಕ ಎಂಬ ಹೆಗ್ಗಳಿಕೆಗೆ ಕಾರಣವಾಗಲಿದೆ ಎಂದು ಹರ್ಭಜನ್ ಸಿಂಗ್ ಹೇಳಿಕೆಯನ್ನು ನೀಡಿದ್ದಾರೆ.

ವಿಶ್ವಕಪ್ ಎತ್ತಿಹಿಡಿಯುವ ಕಾಲ ಸನಿಹದಲ್ಲಿದೆ

"ಈ ತೆರನಾದ ಅತ್ಯುತ್ತಮ ತಂಡವನ್ನು ಹೊಂದಿರುವಾಗ ಟ್ರೋಫಿಯಿಲ್ಲದೆ ವಿರಾಟ್ ಕೊಹ್ಲಿ ತೆರಳುತ್ತಾರೆ ಎನಿಸುವುದಿಲ್ಲ. ವಿಶ್ವಕಪ್‌ಅನ್ನು ಎತ್ತಿಹಿಡಿಯುವ ಕಾಲ ತುಂಬಾ ಸನಿಹದಲ್ಲಿದೆ. ಅದು ಮುಂದಿನ ಟಿ20 ವಿಶ್ವಕಪ್ ಆಗಿರಬಹುದು ಅಥವಾ ಅದರ ನಂತರದ್ದಾಗಿರಬಹುದು" ಎಂದು ಹರ್ಭಜನ್ ಸಿಂಗ್ ಹೇಳಿದ್ದಾರೆ.

ಮುಂದಿನ ವಿಶ್ವಕ್ ಭಾರತದಲ್ಲಿ

2021ರ ಟ20 ವಿಶ್ವಕಪ್ ಪಂದ್ಯಾವಳಿ ಭಾರತದಲ್ಲೇ ನಡೆಯಲಿದೆ. ಮುಂದಿನ ಅಕ್ಟೋಬರ್ ನವೆಂಬರ್ ತಿಂಗಳಲ್ಲಿ ಈ ವಿಶ್ವಕಪ್ ಆಯೋಜನೆಯಾಗಲಿದೆ. ಈ ತಿಂಗಳಾರಂಭದಲ್ಲಿ ವಿಶ್ವಕಪ್ ಟ್ರೋಫಿ ಅನಾವರಣ ಕಾರ್ಯಕ್ರಮ ನಡೆಯಿತು. ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಟ್ರೋಫಿಯನ್ನು ಅನಾವರಣಗೊಳಿಸಿದರು.