Virender Sehwag Net Worth: ರೋಹಿತ್‌ ಶರ್ಮಾಗಿಂತ ವೀರೇಂದ್ರ ಸೆಹ್ವಾಗ್ ಒಟ್ಟು ಆಸ್ತಿ ಮೌಲ್ಯ ಹೆಚ್ಚು

ಟೀಮ್ ಇಂಡಿಯಾದ ಸ್ಫೋಟಕ ಆರಂಭಿಕ ಬ್ಯಾಟರ್‌ಗಳ ಬಗ್ಗೆ ಯೋಚಿಸಿದಾಗ ಒಂದೇ ಒಂದು ಹೆಸರು ನೆನಪಿಗೆ ಬರುತ್ತದೆ. ಅದು ವೀರೇಂದ್ರ ಸೆಹ್ವಾಗ್. ಇಂದಿಗೂ ವೀರೇಂದ್ರ ಸೆಹ್ವಾಗ್ ವಿಶ್ವ ಕ್ರಿಕೆಟ್‌ನ ಅತ್ಯುತ್ತಮ ಆರಂಭಿಕ ಬ್ಯಾಟರ್‌ಗಳಲ್ಲಿ ಒಬ್ಬರು. ಎದುರಾಳಿ ಬೌಲರ್ ಯಾರೇ ಆಗಿರಲಿ, ಸೆಹ್ವಾಗ್ ನಿರ್ಭಯವಾಗಿ ಬ್ಯಾಟಿಂಗ್ ಮಾಡುತ್ತಿದ್ದರು. ಹೀಗಾಗಿ ಅವರು ತಮ್ಮ ಸ್ಫೋಟಕ ಬ್ಯಾಟಿಂಗ್‌ನಿಂದಾಗಿ ಹೆಚ್ಚಿನ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿದ್ದಾರೆ. ಆದರೆ, ಕೆಲ ದಿನಗಳಲ್ಲಿ ಸೆಹ್ವಾಗ್ ಸುದ್ದಿಯಲ್ಲಿದ್ದಾರೆ.

ವೀರೇಂದ್ರ ಸೆಹ್ವಾಗ್ ಮತ್ತು ಆರತಿ ದಾಂಪತ್ಯದಲ್ಲಿ ಬಿರುಕು ಮೂಡಿದೆ ಎಂಬ ವರದಿಗಳಿವೆ. ವರದಿಗಳ ಪ್ರಕಾರ, ಇಬ್ಬರೂ ವಿಚ್ಛೇದನ ಪಡೆಯಲು ಯೋಜಿಸುತ್ತಿದ್ದಾರೆ. ಆದರೆ ಇಬ್ಬರೂ ಮುಂದೆ ಬಂದು ಅದನ್ನು ಖಚಿತಪಡಿಸಿಲ್ಲ.

ಸೆಹ್ವಾಗ್ ಮತ್ತು ಆರತಿ ಅಹ್ಲಾವತ್ 2004 ರಲ್ಲಿ ವಿವಾಹವಾದರು. ಇವರಿಬ್ಬರ ಮದುವೆ ಮಾಜಿ ಹಣಕಾಸು ಸಚಿವ ಅರುಣ್ ಜೇಟ್ಲಿ ಅವರ ನಿವಾಸದಲ್ಲಿ ನೆರವೇರಿತು. ಈ ದಂಪತಿಗೆ ಆರ್ಯವೀರ್ ಮತ್ತು ವೇದಾಂತ್ ಎಂಬ ಇಬ್ಬರು ಗಂಡು ಮಕ್ಕಳಿದ್ದಾರೆ. ಮಕ್ಕಳು ಕೂಡ ತಂದೆಯ ಹಾದಿಯಲ್ಲಿ ಸಾಗುತ್ತಿದ್ದು, ಕ್ರಿಕೆಟ್‌ನಲ್ಲಿ ಭವಿಷ್ಯ ರೂಪಿಸಿಕೊಳ್ಳಲು ಈಗಾಗಲೇ ಅಭ್ಯಾಸ ಆರಂಭಿಸಿದ್ದಾರೆ. ಇಂತಹ ಸಂದರ್ಭದಲ್ಲಿ ಸೆಹ್ವಾಗ್ ಮತ್ತು ಆರತಿ ಬೇರೆಯಾಗುತ್ತಿರುವುದು ಸದ್ಯ ಕ್ರಿಕೆಟ್ ಅಭಿಮಾನಿಗಳಿಗೆ ಅಚ್ಚರಿ ಮೂಡಿಸಿದೆ.

ಕಳೆದ 20 ವರ್ಷಗಳಿಂದ ಒಟ್ಟಿಗೆ ಇದ್ದ ಸೆಹ್ವಾಗ್ ಮತ್ತು ಆರತಿ ನಡುವಿನ ಸಂಬಂಧದಲ್ಲಿ ಬಿರುಕು ಉಂಟಾಗಿದೆ. ಇಬ್ಬರೂ ಕೆಲವು ದಿನಗಳಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ. ಇದಲ್ಲದೇ ವೀರೂ ಪತ್ನಿಯ ಇನ್‌ಸ್ಟಾಗ್ರಾಮ್ ಖಾತೆಯಿಂದ ಆರತಿಯ ಫೋಟೋಗಳು ಮಾಯವಾಗಿದ್ದು, ವಿಚ್ಛೇದನದ ವದಂತಿಗಳಿಗೆ ಕಾರಣವಾಗಿದೆ. ಮಾಧ್ಯಮ ವರದಿಗಳು ಸಹ ಅವರು ಪರಸ್ಪರ ಪ್ರತ್ಯೇಕತೆಯನ್ನು ಬಹಿರಂಗಪಡಿಸಿವೆ. ಇದೇ ವೇಳೆ ಸೆಹ್ವಾಗ್ ಆಸ್ತಿ ವಿಚಾರವೂ ಮುನ್ನೆಲೆಗೆ ಬಂದಿದೆ.

ಸೆಹ್ವಾಗ್ ಆಸ್ತಿ ಗಳಿಕೆ

ವರದಿಗಳ ಪ್ರಕಾರ, 2015 ರಲ್ಲಿ ಕ್ರಿಕೆಟ್‌ನಿಂದ ನಿವೃತ್ತಿ ಹೊಂದಿದ್ದರೂ, ವೀರೇಂದ್ರ ಸೆಹ್ವಾಗ್ ಆಸ್ತಿ ಗಳಿಕೆಯಲ್ಲಿ ಹಿಂದೆ ಉಳಿದಿಲ್ಲ. ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಅವರಿಗಿಂತ ವೀರೇಂದ್ರ ಸೆಹ್ವಾಗ್ ಆಸ್ತಿ ಗಳಿಕೆಯಲ್ಲಿ ಮುಂದಿದ್ದಾರೆ. ಕ್ರಿಕೆಟ್ ನಂತರ ಕಾಮೆಂಟರಿ ಮತ್ತಿತರ ವ್ಯವಹಾರಗಳಿಂದ ಸೆಹ್ವಾಗ್ ಅವರ ವಾರ್ಷಿಕ ಆದಾಯ ಉತ್ತಮವಾಗಿದೆ. ವೀರೂ 2024ರಲ್ಲಿ 30 ಕೋಟಿ ರೂ.ಗೂ ಹೆಚ್ಚು ಗಳಿಸಿದ್ದಾರೆ. ವಾರ್ಷಿಕ ಗಳಿಕೆಯಲ್ಲಿ ರೋಹಿತ್ ಶರ್ಮಾ ಮುಂಚೂಣಿಯಲ್ಲಿದ್ದಾರೆ. ಕಳೆದ ವರ್ಷ ಅವರು 35 ಕೋಟಿ ರೂ. ಗಳಿಸಿದ್ದಾರೆ. ಒಟ್ಟಾರೆ ಸಂಪತ್ತಿನ ವಿಚಾರದಲ್ಲಿ ರೋಹಿತ್ ಗಿಂತ ಸೆಹ್ವಾಗ್ ಮುಂದಿದ್ದಾರೆ.

ರೋಹಿತ್ ಅವರ ಒಟ್ಟು ಸಂಪತ್ತು 214 ಕೋಟಿ ರೂ., ವೀರೇಂದ್ರ ಸೆಹ್ವಾಗ್ 370 ಕೋಟಿ ಆಸ್ತಿ ಹೊಂದಿದ್ದಾರೆ. 9 ವರ್ಷಗಳ ಕಾಲ ಕ್ರಿಕೆಟ್‌ನಿಂದ ದೂರವಿದ್ದರೂ, ಸೆಹ್ವಾಗ್ ಅವರ ವ್ಯವಹಾರ ಮತ್ತು ಕಾಮೆಂಟರಿ ಅವರ ಮುಖ್ಯ ಆದಾಯದ ಮೂಲವಾಗಿದೆ.