ಕೋಚ್ ರವಿಶಾಸ್ತ್ರಿ ಸ್ಥಾನ ತುಂಬುವವರು ಯಾರು?: ಸೆಹ್ವಾಗ್ ಸಹಿತ ರೇಸ್‌ನಲ್ಲಿದ್ದಾರೆ 3 ಅಭ್ಯರ್ಥಿಗಳು

ವಿಕ್ರಂ ರಾಥೋರ್

ವಿಕ್ರಂ ರಾಥೋರ್ ಸದ್ಯ ಟೀಮ್ ಇಂಡಿಯಾದ ಬ್ಯಾಟಿಂಗ್ ಕೋಚ್ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಮುಖ್ಯ ಕೋಚ್ ರವಿ ಶಾಸ್ತ್ರಿ ಅವರ ಬಳಗದಲ್ಲಿ ತಂಡದೊಂದಿಗೆ ಸಾಕಷ್ಟು ಕಾಲದಿಂದ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಹೀಗಾಗಿ ತಂಡದ ಕಾರ್ಯಾಚರಣೆಯ ಬಗ್ಗೆ ಸಂಪೂರ್ಣ ಅರಿವು ಅವರಿಗೆ. ಹೀಗಾಗಿ ಮುಖ್ಯ ಕೋಚ್ ಆದಾಗ ತಂಡದೊಂದಿಗಿನ ಹೊಂದಾಣಿಕೆಯೂ ಸುಲಭ ಸಾಧ್ಯವಾಗುತ್ತದೆ. ಸದ್ಯ ಮೂಲಗಳ ಮಾಹಿತಿ ಪ್ರಕಾರ ಟೀಮ್ ಇಂಡಿಯಾದ ಮುಖ್ಯ ಕೋಚ್ ಹುದ್ದೆಗೆ ವಿಕ್ರಂ ರಾಥೋರ್ ಪ್ರಮುಖ ಹೆಸರಾಗಿ ಕೇಳಿ ಬರುತ್ತಿದೆ.

ವೀರೇಂದ್ರ ಸೆಹ್ವಾಗ್

ಟೀಮ್ ಇಂಡಿಯಾದ ಮಾಜಿ ಆಟಗಾರ ವೀರೇಂದ್ರ ಸೆಹ್ವಾಗ್ ಭಾರತೀಯ ತಂಡದ ಮುಖ್ಯ ಕೋಚ್ ಹುದ್ದೆಗೆ ಕೇಳಿ ಬರುತ್ತಿರುವ ಮತ್ತೊಂದು ಪ್ರಮುಖ ಹೆಸರು. ತಮ್ಮದೇ ಶೈಲಿಯಲ್ಲಿ ಯೋಚನೆಯನ್ನು ಮಾಡುವುದರಲ್ಲಿ ವಿರೇಂದ್ರ ಸೆಹ್ವಾಗ್ ನಿಸ್ಸೀಮರು. ಇದಕ್ಕೂ ಮುನ್ನ ಐಪಿಎಲ್‌ನಲ್ಲಿ ಪಂಜಾಬ್ ಫ್ರಾಂಚೈಸಿಯ ಭಾಗವಾಗಿದ್ದ ಸೆಹ್ವಾಗ್ ಕೋಚ್ ಹುದ್ದೆಯ ಮೇಲೆ ತಮಗಿದ್ದ ಒಲವನ್ನು ತೋರಿಸಿಕೊಂಡಿದ್ದರು. ಈಗ ಭಾರತೀಯ ಕ್ರಿಕೆಟ್ ತಂಡಕ್ಕೆ ವಿರೇಂದ್ರ ಸೆಹ್ವಾಗ್ ಮುಖ್ಯ ಕೋಚ್ ಆಗಿ ಆಯ್ಕಯಾದರೆ ತಂಡಕ್ಕೆ ಹೊಸತನ ತರುವುದರಲ್ಲಿ ಅನುಮಾನವಿಲ್ಲ. ಸೆಹ್ವಾಗ್ ಅವರು ವಿಶೇಷವಾಗಿ ಯೋಚಿಸುವ ರೀತಿಯಿಂದಾಗಿ ಟೀಮ್ ಇಂಡಿಯಾದ ಪ್ರದರ್ಶನ ಮತ್ತೊಂದು ಹತ್ತಕ್ಕೇರುವ ನಿರೀಕ್ಷೆಯಿಟ್ಟುಕೊಳ್ಳಬಹುದು.

ಮೈದಾನದಲ್ಲಿ Ganguly ಹಾಗೂ Virat ನಡುವೆ ಗುಸು ಗುಸು ಮಾತು | Oneindia Kannada

ಲಾಲ್‌ಚಂದ್ ರಜಪೂತ್

ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರನೂ ಆಗಿರುವ ಲಾಲ್‌ಚಂದ್ ರಜಪೂತ್ ಟೀಮ್ ಇಂಡಿಯಾದ ಕೋಚ್ ಹುದ್ದೆಯ ರೇಸ್‌ನಲ್ಲಿ ಕೇಳಿ ಬರುತ್ತಿರುವ ಮತ್ತೊಂದು ಪ್ರಮುಖ ಹೆಸರು. ಈಗಾಗಲೇ ಹಲವು ಬಾರಿ ತಂಡದ ಮ್ಯಾನೇಜರ್ ಆಗಿ ಕರ್ತವ್ಯವನ್ನು ನಿಭಾಯಿಸಿದ ಅನುಭವ ರಜಪೂತ್‌ಗೆ ಇದೆ. ಹೀಗಾಗಿ ತಂಡದ ಕಾರ್ಯಾಚರಣೆಯ ಬಗ್ಗೆ ರಜಪೂತ್‌ಗೆ ಉತ್ತಮ ಅರಿವಿದೆ. ಕೋಚ್ ಆಗಿ ಆಯ್ಕೆಯಾದರೆ ಅದು ಉತ್ತಮ ಆಯ್ಕೆಯೂ ಆಗಲಿದೆ. 1985-87ರ ಅವಧಿಯಲ್ಲಿ ಲಾಲ್‌ಚಂದ್ ರಜಪೂತ್ ಭಾರತ ತಂಡದ ಪರವಾಗಿ ಎರಡು ಟೆಸ್ಟ್ ಪಂದ್ಯಗಳಲ್ಲಿ ಹಾಗೂ ನಾಲ್ಕು ಏಕದಿನ ಪಂದ್ಯಗಳಲ್ಲಿ ಆಡಿದ್ದರು. 59ರ ಹರೆಯದ ರಜಪೂತ್‌ಗೆ ಕೋಚ್ ಹುದ್ದೆಗೆ ಅರ್ಜಿ ಸಲ್ಲಿಸಲು ಅರ್ಹತೆಯಿದೆ. 2007ರಲ್ಲಿ ಟೀಮ್ ಇಂಡಿಯಾ ಟಿ20 ವಿಶ್ವಕಪ್ ಗೆದ್ದ ಸಂದರ್ಭದಲ್ಲಿ ತಂಡದ ಮ್ಯಾನೇಜರ್ ಆಗಿದ್ದರು ಈ ಲಾಲ್‌ಚಂದ್ ರಜಪೂತ್. ಐಪಿಎಲ್‌ನಲ್ಲಿ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಹಾಗೂ ಜಿಂಬಾಬ್ವೆ ಅಂತಾರಾಷ್ಟ್ರೀಯ ಕ್ರಿಕೆಟ್ ತಂಡಕ್ಕೆ ಮುಖ್ಯ ಕೋಚ್ ಆಗಿ ಕರ್ತವ್ಯ ನಿರ್ವಹಿಸಿದ ಅನುಭವವೂ ಇವರಿಗಿದೆ.