ಕೇಪ್ ಟೌನ್, ನವೆಂಬರ್ 29: ತನ್ನ ಮೀಸೆ, ಗಡ್ಡವನ್ನು ಅರ್ಧಕ್ಕೆ ಬೋಳಿಸಿ ಸಾಮಾಜಿಕ ಜಾಲತಾಣದಲ್ಲಿ ಕಾಣಿಸಿಕೊಂಡು ದಕ್ಷಿಣ ಆಫ್ರಿಕಾ ಮಾಜಿ ಆಲ್ ರೌಂಡರ್ ಜಾಕ್ ಕ್ಯಾಲೀಸ್ ಅಚ್ಚರಿ ಮೂಡಿಸಿದ್ದಾರೆ. ವಿಚಿತ್ರವಾಗಿ ಕಾಣಿಸಿಕೊಂಡಿರುವ ಕ್ಯಾಲೀಸ್ ಅವರ ಈ ಹೊಸ ಅವತಾರದ ಗುಟ್ಟು ಆರಂಭದಲ್ಲಿ ಅಭಿಮಾನಿಗಳಿಗೂ ಅರ್ಥವಾಗಿರಲಿಲ್ಲ.
ರಿಷಬ್ ಪಂತ್, ಸಂಜು ಸ್ಯಾಮ್ಸನ್ ಪ್ರದರ್ಶನದ ಮೇಲೆ ಎಂಎಸ್ ಧೋನಿ ಕಣ್ಣು!?
'ಕೆಲ ಆಸಕ್ತಿದಾಯಕ ದಿನಗಳತ್ತ ಹೋಗುತ್ತಿದ್ದೇನೆ. ರೈನೋಸ್ ಮತ್ತು ಗಾಲ್ಫ್ ಅಭಿವೃದ್ಧಿಯ ಒಳ್ಳೆಯ ಉದ್ದೇಶ ಇದರ ಹಿಂದಿದೆ,' ಎಂದು ಕ್ಯಾಲೀಸ್ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ. ಅಸಲಿಗೆ ಘೇಂಡಾಮೃಗಗಳ ಉಳಿವಿಕೆ ಕುರಿತು ಅಭಿಯಾನದಲ್ಲಿ ಕ್ಯಾಲೀಸ್ ಪಾಲ್ಗೊಂಡಿರುವುದು ಅವರ ಈ ಹೊಸ ಅವತಾರಕ್ಕೆ ಕಾರಣ.
Going to be an interesting few days 😂🙈@cutmaker @DunhillChamps @LeopardCreekCC #charity pic.twitter.com/0NjmeCzUuG
— Jacques Kallis (@jacqueskallis75) November 27, 2019
44ರ ಹರೆಯದ ಜಾಕ್ ಕ್ಯಾಲೀಸ್, ದಕ್ಷಿಣ ಆಫ್ರಿಕಾದಲ್ಲಿ 'ಘೇಂಡಾಮೃಗಗಳನ್ನು ಉಳಿಸಿ' ಚಾಲೆಂಜ್ ಸ್ವೀಕರಿಸಿದ್ದಾರೆ. ಈ ಸವಾಲು ಸ್ವೀಕರಿಸಿದರು ತನ್ನ ಮುಖ ಮತ್ತು ಎದೆಯ ಅರ್ಧ ಭಾಗದಷ್ಟು ಕೂದಲನ್ನು ತೆಗೆಯಬೇಕು. ಈ ಮೂಲಕ ದೇಶದಲ್ಲಿ ರೈನೊಗಳ ಉಳಿವಿನ ಜಾಗೃತಿ ಮೂಡಿಸಬೇಕು.
ಜಾಹೀರಾತು ವಲಯದಲ್ಲೂ ಬಿಗ್ಹಿಟ್: ಗಗನಕ್ಕೇರಿದ ರೋಹಿತ್ ಬ್ರ್ಯಾಂಡ್ ವ್ಯಾಲ್ಯೂ
ವಿಶ್ವದ ಆಕರ್ಷಣೀಯ ಕ್ರಿಕೆಟ್ ಆಟಗಾರರಲ್ಲಿ ಗುರುತಿಸಿಕೊಂಡಿದ್ದವರು ಜಾಕ್ ಕ್ಯಾಲೀಸ್, ದಕ್ಷಿಣ ಆಫ್ರಿಕಾ ಪರ 166 ಟೆಸ್ಟ್, 328 ಏಕದಿನ ಮತ್ತು 25 ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಟೆಸ್ಟ್ ಮತ್ತು ಏಕದಿನದಲ್ಲಿ 10,000 ರನ್, 250 ವಿಕೆಟ್ ವಿಕೆಟ್ ಪಡೆದ ವಿಶ್ವದ ಏಕಮಾತ್ರ ಆಲ್ ರೌಂಡರ್ ಕ್ಯಾಲೀಸ್.
ಭಾರತದ ವಿರುದ್ಧದ ಸೆಣೆಸಾಟಕ್ಕೆ ವಿಂಡೀಸ್ ತಂಡ ಪ್ರಕಟ
ಟೆಸ್ಟ್, ಏಕದಿನ, ಟಿ20 ಮಾದರಿಗಳಲ್ಲಿ ಕ್ರಮವಾಗಿ 13,289, 11,579 ಮತ್ತು 666 ರನ್, 292, 273 ಮತ್ತು 12 ವಿಕೆಟ್ ದಾಖಲೆ ಕ್ಯಾಲೀಸ್ ಹೆಸರಿನಲ್ಲಿದೆ. ಟೆಸ್ಟ್ ಕ್ರಿಕೆಟ್ನಲ್ಲಿ ಕ್ಯಾಲೀಸ್ ಒಟ್ಟು 45 ಶತಕಗಳನ್ನು ಬಾರಿಸಿದ್ದಾರೆ. ಇದು ಸಚಿನ್ ತೆಂಡೂಲ್ಕರ್ ಅವರ 51 ಟೆಸ್ಟ್ ಶತಕಗಳ ದಾಖಲೆ ಬಳಿಕ ಎರಡನೇ ಅತ್ಯಧಿಕ ಟೆಸ್ಟ್ ಶತಕಗಳ ದಾಖಲೆಯಾಗಿದೆ.