ಸಿಡ್ನಿ: ಆಸ್ಟ್ರೇಲಿಯಾದ ಡೈನಮಿಕ್ ಆರಂಭಿಕ ಬ್ಯಾಟ್ಸ್ಮನ್ ಡೇವಿಡ್ ವಾರ್ನರ್ ತಾನು ಕಳೆದ 6-9 ತಿಂಗಳಿನಿಂದಲೂ ತೊಡೆ ಸಂದು ಬೇನೆ (ಗ್ರೋಯಿನ್ ಇಂಜುರಿ) ಅನುಭವಿಸುತ್ತಿದ್ದುದಾಗಿ ಹೇಳಿಕೊಂಡಿದ್ದಾರೆ. ಆದರೆ ತಾನೀಗ ಗಾಯದಿಂದ ಚೇತರಿಸಿಕೊಳ್ಳುತ್ತಿದ್ದು, ಮುಂದಿನ ವಾರ ಕಣಕ್ಕಿಳಿಯುವುದಾಗಿ ಮಾಹಿತಿ ನೀಡಿದ್ದಾರೆ.
ಭಾರತ vs ಇಂಗ್ಲೆಂಡ್: ವಿಶ್ವದಾಖಲೆ ಸನಿಹದಲ್ಲಿದ್ದಾರೆ ವಿರಾಟ್ ಕೊಹ್ಲಿ!
34 ಹರೆಯದ ಡೇವಿಡ್ ವಾರ್ನರ್ ಭಾರತ-ಆಸ್ಟ್ರೇಲಿಯಾ ನಡುವಿನ ದ್ವಿತೀಯ ಏಕದಿನ ಸರಣಿಯ ವೇಳೆ ಗಾಯಕ್ಕೀಡಾಗಿದ್ದರು. ಆ ಬಳಿಕ ವಾರ್ನರ್ ತಂಡದಿಂದ ಹೊರ ಬಿದ್ದಿದ್ದರು. ಮೂರು ಪಂದ್ಯಗಳ ಟಿ20ಐ ಮತ್ತು ನಾಲ್ಕು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಎರಡು ಪಂದ್ಯಗಳಲ್ಲಿ ವಾರ್ನರ್ ಆಡಿರಲಿಲ್ಲ.
ಈಗ ನ್ಯೂಜಿಲೆಂಡ್ಗೆ ಪ್ರವಾಸ ಹೋಗಿರುವ ಆಸ್ಟ್ರೇಲಿಯಾ ತಂಡ ಅಲ್ಲಿ ಐದು ಪಂದ್ಯಗಳ ಟಿ20ಐ ಸರಣಿ ಆಡುತ್ತಿದೆ. ಈ ಸರಣಿಗೆ ಆಸ್ಟ್ರೇಲಿಯಾ ತಂಡದಲ್ಲಿ ವಾರ್ನರ್ ಹೆಸರಿಸಲ್ಪಟ್ಟಿಲ್ಲ. ಆದರೆ ಗಾಯದಿಂದ ಚೇತರಿಸಿಕೊಳ್ಳುತ್ತಿರುವ ವಾರ್ನರ್ ತಾನು ಮುಂದಿನ ವಾರ ಮೈದಾನಕ್ಕೆ ಮರಳುವುದಾಗಿ ಹೇಳಿದ್ದಾರೆ.
ಐಪಿಎಲ್ನಲ್ಲಿ ಆಡುವ ಆಸ್ಟ್ರೇಲಿಯಾ ಆಟಗಾರರಿಗೆ ನಿರ್ಬಂಧ ಹೇರಿದ ಸಿಎ
'ನನಗೆ ತೊಡೆಸಂದಿ ನೋವು ಕಳೆದ 6-9 ತಿಂಗಳಿನಿಂದ ಕಾಡುತ್ತಿದೆ. ಸದ್ಯ ನಡೆಯುತ್ತಿರುವ ಉಪಚಾರದಿಂದ ಗಾಯ ಸುಧಾರಿಸುತ್ತಿದೆ. ಮಾರ್ಚ್ 4ರಂದು ನ್ಯೂಜಿಲೆಂಡ್ ವಿರುದ್ಧದ ಸರಣಿ ಆಡಲು ಬರುತ್ತಿದ್ದೇನೆ,' ಎಂದು ವಾರ್ನರ್ ತನ್ನ ಟ್ವಿಟರ್ನಲ್ಲಿ ಬರೆದುಕೊಂಡಿದ್ದಾರೆ.