Women's Ashes 2023: ಆಸೀಸ್ ವಿರುದ್ಧದ ಏಕೈಕ ಟೆಸ್ಟ್ ಪಂದ್ಯಕ್ಕೆ ಇಂಗ್ಲೆಂಡ್‌ನ ಆಡುವ 11ರ ಬಳಗ ಪ್ರಕಟ

ಮುಂಬರುವ ಮಹಿಳಾ ಆಶಸ್ ಆವೃತ್ತಿಗೆ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ತಂಡಗಳು ಸಜ್ಜಾಗಿವೆ. ಜೂನ್ 22ರಿಂದ ನಡೆಯಲಿರುವ ಏಕೈಕ ಟೆಸ್ಟ್ ಪಂದ್ಯಕ್ಕೆ ಆತಿಥೇಯ ಇಂಗ್ಲೆಂಡ್ ತಮ್ಮ ಆಡುವ 11ರ ಬಳಗವನ್ನು ಹೆಸರಿಸಿದ್ದಾರೆ.

ನಾಟಿಂಗ್‌ಹ್ಯಾಮ್‌ನ ಟ್ರೆಂಟ್ ಬ್ರಿಡ್ಜ್‌ನಲ್ಲಿ ಸಾಂಪ್ರದಾಯಿಕ ಎದುರಾಳಿಗಳು ಮಹಿಳಾ ಆಶಸ್ ಸರಣಿಯನ್ನು ಪ್ರಾರಂಭಿಸಲಿದ್ದಾರೆ. ಗಾಯಾಳುಗಳ ಹಿನ್ನೆಲೆಯಲ್ಲಿ ಇಂಗ್ಲೆಂಡ್ ತಮ್ಮ ಆಡುವ 11ರ ಬಳಗದಲ್ಲಿ ಕೆಲವೊಂದು ಬದಲಾವಣೆ ಮಾಡಿದೆ.

ಇಸ್ಸಿ ವಾಂಗ್ ಮತ್ತು ಡೇನಿಯಲ್ ಗಿಬ್ಸನ್ ಸ್ಪರ್ಧೆಯಿಂದ ಹೊರಗುಳಿಯುವುದರೊಂದಿಗೆ, ಲಾರೆನ್ ಫೈಲರ್ ಮತ್ತು ಡ್ಯಾನಿ ವ್ಯಾಟ್ ಆಡುವ 11ರ ಬಳಗದಲ್ಲಿ ಸ್ಥಾನ ಪಡೆದಿದ್ದಾರೆ. 2023ರ ಅರ್ಧಭಾಗದಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ ಕಾರಣ, 22 ವರ್ಷದ ಲಾರೆನ್ ಫೈಲರ್ ಅವರನ್ನು ಇಸ್ಸಿ ವಾಂಗ್ ಬದಲಿಗೆ ಟೆಸ್ಟ್‌ ತಂಡದ ಭಾಗವಾಗಿ ಆಯ್ಕೆ ಮಾಡಲಾಗಿದೆ.

ಇಸ್ಸಿ ವಾಂಗ್ ಅವರು ದಕ್ಷಿಣ ಆಫ್ರಿಕಾ ವಿರುದ್ಧ ಇಂಗ್ಲೆಂಡ್‌ನ ಆಡುವ 11ರ ಬಳಗದ ಭಾಗವಾಗಿದ್ದರು. ಉದ್ಘಾಟನಾ ಮಹಿಳಾ ಪ್ರೀಮಿಯರ್ ಲೀಗ್‌ನ ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಪಂದ್ಯಾವಳಿಯ ಮೊದಲ ಮತ್ತು ಏಕೈಕ ಹ್ಯಾಟ್ರಿಕ್ ಸಾಧನೆಯನ್ನು ಮಾಡಿದರು. ಆದರೆ ಅವರು ಟೆಸ್ಟ್ ತಂಡದಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲರಾಗಿದ್ದಾರೆ.

ಲಾರೆನ್ ಫೈಲರ್ ದೇಶೀಯ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಚಾರ್ಲೊಟ್ ಎಡ್ವರ್ಡ್ಸ್ ಕಪ್‌ನಲ್ಲಿ ಐದು ವಿಕೆಟ್‌ಗಳನ್ನು ಮತ್ತು ಈ ಬಾರಿಯ ರಾಚೆಲ್ ಹೇಹೋ ಫ್ಲಿಂಟ್ ಟ್ರೋಫಿಯಲ್ಲಿ ಎಂಟು ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಹೀಗಾಗಿ ಆಶಸ್‌ನ ಏಕೈಕ ಟೆಸ್ಟ್ ಪಂದ್ಯದಲ್ಲಿ ಕೆಂಪು-ಚೆಂಡಿನೊಂದಿಗೆ ಅದೃಷ್ಟ ಪರೀಕ್ಷಿಸಲಿದ್ದಾರೆ. ಲಾರೆನ್ ಫೈಲರ್ ಚೆಂಡನ್ನು ಸ್ವಿಂಗ್ ಮಾಡುವ ಸಾಮರ್ಥ್ಯದಿಂದ ಅವರನ್ನು ಅಸಾಧಾರಣ ಆಟಗಾರ್ತಿಯನ್ನಾಗಿ ಮಾಡಿದೆ.

ಡೇನಿಯಲ್ ಗಿಬ್ಸನ್ ಹೊರಗುಳಿದ ಕಾರಣ, ಡ್ಯಾನಿ ವ್ಯಾಟ್‌ಗೆ ಅವಕಾಶವನ್ನು ಒದಗಿಸಿದೆ. ಆಡುವ 11ರ ಬಳಗದಲ್ಲಿ ಹೆಸರಿಸಿದ ನಂತರ ಡ್ಯಾನಿ ವ್ಯಾಟ್ ತಮ್ಮ ಮೊದಲ ಕೆಂಪು-ಚೆಂಡಿನಲ್ಲಿ ಆಡಲಿದ್ದಾರೆ.

ಆಲಿಸ್ ಕ್ಯಾಪ್ಸೆ ಮತ್ತು ಆಲಿಸ್ ಡೇವಿಡ್ಸನ್-ರಿಚರ್ಡ್ಸ್ ಅವರು ಆಸ್ಟ್ರೇಲಿಯ ಎ ವಿರುದ್ಧದ ಟಿ20 ಪಂದ್ಯದಲ್ಲಿ ಇಂಗ್ಲೆಂಡ್ ಎ ತಂಡದ ಪರವಾಗಿ ಆಡಬೇಕಾದ ಕಾರಣದಿಂದ ಆಶಸ್ ಟೆಸ್ಟ್ ತಂಡದಿಂದ ಬಿಡುಗಡೆ ಮಾಡಲಾಗಿದೆ. ಆದ್ದರಿಂದ, ಡ್ಯಾನಿ ವ್ಯಾಟ್ ಅವರು ಅಂತಿಮವಾಗಿ ಸುದೀರ್ಘ ಕಾಯುವಿಕೆಯ ನಂತರ ಆಡುವ 11ರ ಬಳಗದಲ್ಲಿ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾದರು.

ಮಹಿಳಾ ಆಶಸ್; ಏಕೈಕ ಟೆಸ್ಟ್ ಪಂದ್ಯಕ್ಕಾಗಿ ಇಂಗ್ಲೆಂಡ್‌ ತಂಡ

ಟಮ್ಮಿ ಬ್ಯೂಮಾಂಟ್, ಎಮ್ಮಾ ಲ್ಯಾಂಬ್, ಹೀದರ್ ನೈಟ್ (ನಾಯಕಿ), ನ್ಯಾಟ್ ಸ್ಕಿವರ್-ಬ್ರಂಟ್, ಸೋಫಿಯಾ ಡಂಕ್ಲಿ, ಡ್ಯಾನಿ ವ್ಯಾಟ್, ಆಮಿ ಜೋನ್ಸ್, ಸೋಫಿ ಎಕ್ಲೆಸ್ಟೋನ್, ಕೇಟ್ ಕ್ರಾಸ್, ಲಾರೆನ್ ಫೈಲರ್, ಲಾರೆನ್ ಬೆಲ್.