ವಿಶ್ವಕಪ್ ಫೈನಲ್: ಏನು ಹೇಳುತ್ತೆ ರೋಹಿತ್, ವಿರಾಟ್ ರಾಶಿ ಭವಿಷ್ಯ?

ಭಾರತದಲ್ಲಿ ಏಕದಿನ ವಿಶ್ವಕಪ್ ನಡೆಯುತ್ತಿದ್ದು ಭಾನುವಾರ ಈ ಮಹಾ ಕ್ರಿಕೆಟ್ ಕುಂಭಮೇಳಕ್ಕೆ ತೆರೆ ಬೀಳಲಿದೆ. ಸುಮಾರು ಒಂದೂವರೆ ತಿಂಗಳುಗಳಿಂದ ವಿಶ್ವದ ಚಿತ್ತ ಕದ್ದಿರುವ ವಿಶ್ವಕಪ್ ಕ್ರಿಕೆಟ್‌ನ ಚಾಂಪಿಯನ್ ಪಟ್ಟವನ್ನು ಯಾರು ತೊಡಲಿದ್ದಾರೆ ಎಂಬುದು ಕೆಲವೇ ಗಂಟೆಗಳಲ್ಲಿ ತಿಳಿಯುತ್ತದೆ. ಪ್ರಸಕ್ತ ವಿಶ್ವಕಪ್ ನಲ್ಲಿ ಟೀಮ್ ಇಂಡಿಯಾ ಅಮೋಘ ಪ್ರದರ್ಶನ ನೀಡಿದೆ. ಬ್ಯಾಟಿಂಗ್ ಹಾಗೂ ಬೌಲಿಂಗ್ ನಲ್ಲಿ ಸ್ಥಿರ ಪ್ರದರ್ಶನ ನೀಡಿರುವ ಟೀಮ್ ಇಂಡಿಯಾ ಅಬ್ಬರಿಸುತ್ತಿದೆ. ಲೀಗ್ ಹಂತದಲ್ಲಿ ಆಡಿದ 9 ಪಂದ್ಯಗಳನ್ನು ಗೆದ್ದು, ಸೆಮಿಫೈನಲ್ ನಲ್ಲಿ ನ್ಯೂಜಿಲೆಂಡ್ ತಂಡವನ್ನು ಮಣಿಸಿ ಫೈನಲ್ ಗೆ ಪ್ರವೇಶಿಸಿರುವ ರೋಹಿತ್ ಶರ್ಮಾ ಟೀಮ್ ಭರ್ಜರಿ ಲಯದಲ್ಲಿದೆ.

ಟೂರ್ನಿಯುದ್ದಕ್ಕೂ ರೋಹಿತ್ ಶರ್ಮಾ ಹಾಗೂ ತಂಡದ ಪ್ರದರ್ಶನ ಮನಮೋಹಕ. ರೋಹಿತ್ ಶರ್ಮಾ ಆರಂಭದಲ್ಲಿ ಬಿರುಸಿನ ಬ್ಯಾಟಿಂಗ್ ನಡೆಸಿ ಅಬ್ಬರಿಸಿದರೆ, ಮಿಡ್ಲ್ ಆರ್ಡರ್ ನಲ್ಲಿ ಆಟಗಾರರು ಸ್ಥಿರ ಪ್ರದರ್ಶನ ನೀಡುತ್ತಿದ್ದಾರೆ. ಬೌಲರ್ ಗಳು ಸಹ ಬಿಗುವಿನ ದಾಳಿ ನಡೆಸಿ ತಂಡದ ಜಯದಲ್ಲಿ ಮಿಂಚಿದ್ದಾರೆ. ಬ್ಯಾಟಿಂಗ್ ನಲ್ಲಿ ವಿರಾಟ್ ಕೊಹ್ಲಿ ರನ್ ಶಿಖರವನ್ನು ಏರಿದರೆ, ಬೌಲಿಂಗ್ ನಲ್ಲಿ ಮೊಹಮ್ಮದ್ ಶಮಿ ವಿಕೆಟ್ ಬೇಟೆ ನಡೆಸಿ ಎಲ್ಲರ ಚಿತ್ತ ಕದ್ದಿದ್ದಾರೆ. ಹಾಗಿದ್ದರೆ ಟೀಮ್ ಇಂಡಿಯಾದ ಸ್ಟಾರ್ ಆಟಗಾರರಾದ ರೋಹಿತ್ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ರಾಶಿ ಭವಿಷ್ಯ ಏನು ಹೇಳುತ್ತದೆ ಎಂಬ ಕುತೂಹಲ ಇದ್ದೇ ಇರುತ್ತದೆ.

ರೋಹಿತ್ ಶರ್ಮಾ 29 ಏಪ್ರಿಲ್ 1987 ರಂದು ಮಧ್ಯಾಹ್ನ 12:00 ಗಂಟೆಗೆ ನಾಗ್ಪುರದಲ್ಲಿ ಜನಿಸಿದರು ಎಂದು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯ ಆಧಾರದ ಮೇಲೆ ಜ್ಯೋತಿಷ್ಯವನ್ನು ಲೆಕ್ಕಾಚಾರಮಾಡಲಾಗಿದೆ. ಭಾರತೀಯ ಜ್ಯೋತಿಷ್ಯ'ದ ಪ್ರಕಾರ ರೋಹಿತ್ ಶರ್ಮಾ ಅವರ ಜಾತಕದಲ್ಲಿ 27 ಏಪ್ರಿಲ್ 2009 ರಿಂದ 27 ಏಪ್ರಿಲ್ 2027 ರವರೆಗೆ ರಾಹುವಿನ ಮಹಾದಶಾ ಇದೆ.
15ನೇ ನವೆಂಬರ್ 2023 ರಿಂದ 9ನೇ ಅಕ್ಟೋಬರ್ 2024 ರವರೆಗೆ ರಾಹುವಿನ ಮಹಾದಶಾ ಸಮಯದಲ್ಲಿ ಸೂರ್ಯನ ಅಂತರದಶಾ ನಡೆಯುತ್ತದೆ. ಇದರೊಂದಿಗೆ, ರೋಹಿತ್ ಜನ್ಮ ಚಕ್ರದಲ್ಲಿ, ರಾಹು, ಶನಿ ಮತ್ತು ಗುರುಗಳು ಒಂಬತ್ತನೇ ಮನೆಯಲ್ಲಿ ಅಂದರೆ ಧರ್ಮದ ಸ್ಥಳದಲ್ಲಿ ಇರುತ್ತಾರೆ. ಇವು ಯಾವುದೇ ಶುಭ ಅಥವಾ ಅಶುಭ ಗ್ರಹಗಳಿಂದ ಗೋಚರಿಸುವುದಿಲ್ಲ. ಅಲ್ಲದೆ, ಅಂತರದಶಾ ಅಧಿಪತಿಯಾದ ಸೂರ್ಯನು ರೋಹಿತ್ ಶರ್ಮನ ಸಂಪತ್ತಿನ ಮನೆಗೆ ಅಧಿಪತಿಯಾಗಿದ್ದು ಮಂಗಳನ ರಾಶಿಯಲ್ಲಿ ಚಂದ್ರ ಮತ್ತು ಬುಧನೊಂದಿಗೆ ಹತ್ತನೇ ಮನೆಯಲ್ಲಿ ಸ್ಥಿತನಾಗಿದ್ದಾನೆ. ಯಾವುದೇ ಶುಭ ಅಥವಾ ಅಶುಭ ಗ್ರಹಗಳಿಂದ ಬುಧವು ಗೋಚರಿಸುವುದಿಲ್ಲ.

ಆದ್ದರಿಂದ, ಜನಪ್ರಿಯತೆಯ ದೃಷ್ಟಿಯಿಂದ ರೋಹಿತ್ ಶರ್ಮಾಗೆ ಈಗಿನ ಸಮಯ ಅಷ್ಟು ಒಳ್ಳೆಯದಲ್ಲ. ಆದರೆ ನವೆಂಬರ್ 19 ರ ದಿನವು ರೋಹಿತ್ ಶರ್ಮಾ ಅವರ ಜೀವನಕ್ಕೆ ತುಂಬಾ ಉಪಯುಕ್ತ ಮತ್ತು ಅನುಕೂಲಕರವಾಗಿರುತ್ತದೆ.

ವಿರಾಟ್ ಕೊಹ್ಲಿ 5 ನವೆಂಬರ್ 1988 ರಂದು ನವದೆಹಲಿಯಲ್ಲಿ ಬೆಳಿಗ್ಗೆ 10:28 ಕ್ಕೆ ಜನಿಸಿದರು.. ಲಭ್ಯ ಇರುವ ಮಾಹಿತಿಯ ಪ್ರಕಾರ 13 ಮಾರ್ಚ್ 2010 ರಿಂದ 13 ಮಾರ್ಚ್ 2028 ರವರೆಗೆ ರಾಹುವಿನ ಮಹಾದಶಾ ಇದೆ ಮತ್ತು 01 ಅಕ್ಟೋಬರ್ 2021 ರಿಂದ 01 ಅಕ್ಟೋಬರ್ 2024 ರವರೆಗೆ ರಾಹುವಿನ ಮಹಾದಶಾದಲ್ಲಿ ಶುಕ್ರನ ಅಂತರದಶಾ ಇದೆ. ವಿರಾಟ್ ಕೊಹ್ಲಿಯ ಜನ್ಮ ಚಕ್ರದಲ್ಲಿ ಮಹಾದಶಾ ನಡೆಯುತ್ತಿದೆ