ಬಿಗ್ ಬಾಷ್ ಲೀಗ್ ನಲ್ಲಿ ಆಡಲು ಕನ್ನಡತಿ ವೇದಾ ಸಜ್ಜು

ಬೆಂಗಳೂರು, ಅಕ್ಟೋಬರ್ 18: ಕರ್ನಾಟಕ ಮೂಲದ ಟೀಂ ಇಂಡಿಯಾ ಆಟಗಾರ್ತಿ ವೇದಾ ಕೃಷ್ಣಮೂರ್ತಿ ಅವರು ಆಸ್ಟ್ರೇಲಿಯಾದ ಮಹಿಳಾ ಬಿಗ್‌ ಬಾಷ್‌ ಲೀಗ್‌ನಲ್ಲಿ ಕಣಕ್ಕಿಳಿಯುವ ಸಾಧ್ಯತೆ ಇದೆ.

ಜತೆಗೆ ಯುವ ಆಲ್‌ರೌಂಡರ್‌ ದೀಪ್ತಿ ಶರ್ಮಾ ಅವರು ಕೂಡಾ ಲೀಗ್‌ ಗೆ ಪದಾರ್ಪಣೆ ಮಾಡುವ ಸಾಧ್ಯತೆಯಿದೆ.

ದೀಪ್ತಿ, ಜುಲೈನಲ್ಲಿ ನಡೆದ ವಿಶ್ವಕಪ್‌ನಲ್ಲಿ ಭಾರತ ತಂಡವನ್ನು ಫೈನಲ್‌ ಹಂತಕ್ಕೇರಿಸುವಲ್ಲಿ ವೇದಾ, ಹರ್ಮನ್‌ಪ್ರೀತ್‌, ದೀಪ್ತಿ, ರಾಜೇಶ್ವರಿ ಮಹತ್ವದ ಪಾತ್ರ ವಹಿಸಿದ್ದರು. ಹರ್ಮನ್‌ಪ್ರೀತ್‌ ಕೌರ್‌ ಮತ್ತು ಸ್ಮೃತಿ ಮಂದಾನ ಅವರು ಲೀಗ್‌ನಲ್ಲಿ ಆಡಿದ ಭಾರತದ ಆಟಗಾರ್ತಿಯರೆನಿಸಿದ್ದಾರೆ.

'ವೇದಾ ಮತ್ತು ದೀಪ್ತಿ ಅವರೊಂದಿಗೆ ಹಲವು ಫ್ರಾಂಚೈಸ್‌ಗಳು ಮಾತುಕತೆ ನಡೆಸಿದ್ದು, ಈ ಋತುವಿನಲ್ಲಿ ಇಬ್ಬರೂ ಬಿಗ್‌ ಬಾಷ್‌ ಲೀಗ್‌ನಲ್ಲಿ ಆಡುವುದು ನಿಶ್ಚಿತ' ಎಂದು ಬಿಸಿಸಿಐ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ನವೆಂಬರ್‌ 8ರಿಂದ ಬೆಂಗಳೂರಿನಲ್ಲಿ ರಾಷ್ಟ್ರೀಯ ತಂಡದ ಶಿಬಿರ ಆರಂಭವಾಗಲಿದೆ. ಅದರಲ್ಲಿ ಭಾಗವಹಿಸಿ ಫಿಟ್‌ನೆಸ್‌ ಕಾಪಾಡಿಕೊಳ್ಳಲು ಹೆಚ್ಚಿನ ಒತ್ತು ನೀಡುತ್ತೇನೆ' ಎಂದು ವೇದಾ ಹೇಳಿದ್ದಾರೆ.