ಟಿ20 ಕ್ರಿಕೆಟ್‌ನ ವಿಶ್ವದ ನಂಬರ್‌ 1 ಬೌಲರ್‌ ಆದಿಲ್ ರಶೀದ್‌ ಐಪಿಎಲ್ ಹರಾಜಿನಲ್ಲಿ ಅನ್‌ಸೋಲ್ಡ್

ಐಪಿಎಲ್ 2024 ರ ಹರಾಜನ್ನು ಡಿಸೆಂಬರ್ 19 ರಂದು ದುಬೈನಲ್ಲಿ ಆಯೋಜಿಸಲಾಗಿತ್ತು. ಈ ಹರಾಜಿನಲ್ಲಿ ಎಲ್ಲಾ ಹತ್ತು ಐಪಿಎಲ್ ತಂಡಗಳು ಸೇರಿ ಒಟ್ಟು 230 ಕೋಟಿ ರೂಪಾಯಿ ಖರ್ಚು ಮಾಡಿ 72 ಆಟಗಾರರನ್ನು ತಮ್ಮ ತಂಡದಲ್ಲಿ ಸೇರಿಸಿಕೊಂಡಿವೆ. ಐಪಿಎಲ್‌ ಹರಾಜಿನಲ್ಲಿ ಅನ್‌ಕ್ಯಾಪ್ಡ್‌ ಪ್ಲೇಯರ್‌ಗಳಿಗೂ ಹೆಚ್ಚಿನ ಆದ್ಯತೆ ಸಿಕ್ಕಿದೆ. ಅದರೆ, ಹರಾಜಿನಲ್ಲಿ ವಿಶ್ವದ ನಂಬರ್‌ ಟಿ20 ಬೌಲರ್‌ನನ್ನು ಫ್ರಾಂಚೈಸಿಗಳು ಕಡೆಗಣನೆ ಮಾಡಿದ್ದಾರೆ.

ಈ ಬಾರಿಯ ಅನ್‌ಸೋಲ್ಡ್‌ ಆಟಗಾರರ ಪಟ್ಟಿಯಲ್ಲಿ ಖ್ಯಾತ ನಾಮ ಆಟಗಾರರು ಇದ್ದಾರೆ. ಇದರಲ್ಲಿ ಪ್ರಮುಖವಾಗಿ ಕಾಣಿಸಿಕೊಳ್ಳುವ ಹೆಸರು ಸ್ಟೀವನ್ ಸ್ಮಿತ್, ಜೋಶ್ ಇಂಗ್ಲೀಷ್, ಜೋಶ್ ಹ್ಯಾಜಲ್‌ ವುಡ್, ಫಿಲ್ ಸಾಲ್ಟ್‌, ಜೇಸನ್ ಹೋಲ್ಡರ್, ಕ್ರಿಸ್ ಜೋರ್ಡಾನ್‌, ಟೀಮ್ ಸೌಥಿ ಹೀಗೆ ಸಾಲು ಸಾಲು ಆಟಗಾರರು ಫ್ರಾಂಚೈಸಿಗಳ ಚಿತ್ತ ಕದ್ದಿಯುವಲ್ಲಿ ಹಿಂದೆ ಬಿದ್ದಿದ್ದಾರೆ. ಈ ಪಟ್ಟಿಯಲ್ಲಿ ಕಾಣಿಸಿಕೊಳ್ಳುವ ಇನ್ನೊಂದು ಹೆಸರೇ ಇಂಗ್ಲೆಂಡ್ ತಂಡದ ಆಲ್‌ರೌಂಡರ್‌ ಆದಿಲ್ ರಶೀದ್.

ಮಾರಾಟವಾಗದ ನಂಬರ್ 1 ಬೌಲರ್

ವಿಶ್ವದ ಅತಿ ದೊಡ್ಡ T20 ಲೀಗ್‌ನ ಹರಾಜಿನಲ್ಲಿ ವಿಶ್ವದ ನಂಬರ್-1 T20 ಬೌಲರ್ ಕೂಡ ಮಾರಾಟವಾಗದೆ ಉಳಿದಿದ್ದಾರೆ. ಆದಿಲ್ ರಶೀದ್ ಐಪಿಎಲ್ 2024 ರ ಹರಾಜಿನಲ್ಲಿ 2 ಕೋಟಿ ರೂ ಮೂಲ ಬೆಲೆಗೆ ತಮ್ಮ ಹೆಸರನ್ನು ನೋಂದಾಯಿಸಿದ್ದರು. ಡಿಸೆಂಬರ್ 19 ರಂದು ನಡೆದ ಹರಾಜಿನಲ್ಲಿ, ಯಾವುದೇ ತಂಡವು ಆದಿಲ್ ರಶೀದ್ ಅವರನ್ನು ಖರೀದಿಸಲು ಆಸಕ್ತಿ ತೋರಿಸಲಿಲ್ಲ, ಆದ್ದರಿಂದ ಅವರು ಮಾರಾಟವಾಗದೆ ಉಳಿದರು. ಮತ್ತು ಮರುದಿನ ಅಂದರೆ ಡಿಸೆಂಬರ್ 20 ರಂದು, ಆದಿಲ್ ರಶೀದ್ ಐಸಿಸಿ ಶ್ರೇಯಾಂಕದಲ್ಲಿ ವಿಶ್ವದ ನಂಬರ್ -1 T20 ಬೌಲರ್ ಪಟ್ಟ ಅಲಂಕರಿಸಿದರು

ಅಫ್ಘಾನಿಸ್ತಾನದ ಅನುಭವಿ ಸ್ಪಿನ್ನರ್ ರಶೀದ್ ಖಾನ್ ಮತ್ತು ಭಾರತದ ಯುವ ಸ್ಪಿನ್ ಬೌಲರ್ ರವಿ ಬಿಷ್ಣೋಯ್ ಅವರನ್ನು ಬಿಟ್ಟು ಆದಿಲ್ ರಶೀದ್ ನಂಬರ್-1 ಸ್ಥಾನವನ್ನು ಪಡೆದರು. ಅಂತಾರಾಷ್ಟ್ರೀಯ T20 ಮಾದರಿಯಲ್ಲಿ ವಿಶ್ವದ ನಂಬರ್-1 ಬೌಲರ್ ಆದರು. ಪ್ರಸ್ತುತ, ಐಸಿಸಿ T20 ಬೌಲರ್‌ಗಳ ಶ್ರೇಯಾಂಕದಲ್ಲಿ ಆದಿಲ್ ರಶೀದ್ ಅತ್ಯಧಿಕ 715 ಅಂಕಗಳನ್ನು ಹೊಂದಿದ್ದಾರೆ. ರಶೀದ್ ಖಾನ್ 692 ಅಂಕಗಳೊಂದಿಗೆ 2 ನೇ ಸ್ಥಾನದಲ್ಲಿದ್ದಾರೆ. ಇವರಿಬ್ಬರ ನಂತರ ಭಾರತದ ರವಿ ಬಿಷ್ಣೋಯ್ ಹೆಸರು 685 ಅಂಕಗಳೊಂದಿಗೆ ಮೂರನೇ ಸ್ಥಾನದಲ್ಲಿದೆ.

ಆದಿಲ್ ರಶೀದ್ ಒಂದು ದಿನ ಮುಂಚಿತವಾಗಿ ಐಸಿಸಿ ರ್ಯಾಂಕಿಂಗ್‌ನಲ್ಲಿ ನಂಬರ್-1 ಟಿ20 ಬೌಲರ್ ಆಗಿದ್ದರೆ, ಬಹುಶಃ ಅವರು 5-7 ಕೋಟಿ ರೂ.ಗೆ ಖರೀದಿಸಬಹುದಿತ್ತು. ಆದಾಗ್ಯೂ, ಐಸಿಸಿ ಶ್ರೇಯಾಂಕಗಳು ಅಥವಾ ಅಂತಾರಾಷ್ಟ್ರೀಯ ಕ್ರಿಕೆಟ್ ಐಪಿಎಲ್ ಹರಾಜಿನಲ್ಲಿ ಹೆಚ್ಚು ಪರಿಣಾಮ ಬೀರುವುದಿಲ್ಲ.

ಶ್ರೀಲಂಕಾದ ಸ್ಪಿನ್ ಆಲ್‌ರೌಂಡರ್ ವನಿಂದು ಹಸರಂಗಾ ಅವರು ಐಸಿಸಿ ಟಿ20 ಬೌಲರ್‌ಗಳ ಶ್ರೇಯಾಂಕದಲ್ಲಿ 4 ನೇ ಸ್ಥಾನದಲ್ಲಿದ್ದಾರೆ. ಆದರೆ ಯಾವುದೇ ತಂಡವು ಅವರ ಹೆಸರನ್ನು ಬಿಡ್ ಮಾಡಿಲ್ಲ. ಅಂತಿಮವಾಗಿ, ಸನ್‌ರೈಸರ್ಸ್ ಹೈದರಾಬಾದ್ ಅವರನ್ನು ಅವರ ಮೂಲ ಬೆಲೆ ರೂ 1.50 ಕೋಟಿಗೆ ಖರೀದಿಸಿತು.

ಆಸ್ಟ್ರೇಲಿಯದ ಸ್ಟೀವ್ ಸ್ಮಿತ್‌ಗೂ ಇದೇ ಪರಿಸ್ಥಿತಿ ಎದುರಾಗಿದೆ. ಸ್ಟೀವ್ ಸ್ಮಿತ್ ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ 3 ನೇ ಸ್ಥಾನದಲ್ಲಿದ್ದು, ಐಪಿಎಲ್ ಆಡಿದ ಅನುಭವವಿದೆ. ದಕ್ಷಿಣ ಆಫ್ರಿಕಾದ ರಾಸಿ ಏಕದಿನ ಶ್ರೇಯಾಂಕದಲ್ಲಿ 8 ನೇ ಸ್ಥಾನ ಹೊಂದಿದ್ದಾರೆ. ಇವರು ಹರಾಜಿನಲ್ಲಿ ಅನ್‌ಸೋಲ್ಡ್ ಆಗಿ ಉಳಿದರು.