ರಾಷ್ಟ್ರಗೀತೆ ಹಾಡಲು ಬಿಗ್ ಬಿ ಅವರು ಬಿಡಿಗಾಸು ಪಡೆದಿಲ್ಲ!

ಅಮಿತಾಬ್ ಹೋಟೆಲ್ ಬಿಲ್ ಕೂಡಾ ಸಿಎಬಿ ಕೊಟ್ಟಿಲ್ಲ

ಅಮಿತಾಬ್ ರಾಷ್ಟ್ರಗೀತೆಯನ್ನು ಹಾಡಲು ಮುಂಬೈನಿಂದ ಕೋಲ್ಕತ್ತಾಗೆ ವಿಮಾನದಲ್ಲಿ ಆಗಮಿಸಿರುವ ಟಿಕೆಟ್ ಬಿಲ್ ಮತ್ತು ಹೋಟೆಲ್ ಬಿಲ್ ಗಳುನ್ನು ಅವರೇ ಭರಿಸಿದ್ದಾರೆಂದು ಸಿಎಬಿ ಮಾಧ್ಯಮಗಳಿಗೆ ತಿಳಿಸಿದೆ. 30-40 ಲಕ್ಷ ರು ಖರ್ಚು ಮಾಡಿಕೊಂಡು ದೇಶಗೀತೆ ಹಾಡಿದ ಬಿಗ್ ಬಿ ಬಗ್ಗೆ ಇಲ್ಲಸಲ್ಲದ ಆರೋಪಕ್ಕೆ ತೆರೆ ಎಳೆಯಲಾಗಿದೆ.

ಕ್ರಿಕೆಟ್ ದಿಗ್ಗಜರ ಜೊತೆ ಬಿಗ್ ಬಿಗೂ ಸನ್ಮಾನ

73 ವರ್ಷದ ಬಿಗ್ ಬಿ ಭಾರತ ಮತ್ತು ಪಾಕಿಸ್ತಾನ ಪಂದ್ಯಕ್ಕೂ ಮುಂಚೆ ರಾಷ್ಟ್ರಗೀತೆ ಹಾಡುತ್ತೇನೆಂದು ಒಪ್ಪಿಕೊಂಡು, ಮಾರ್ಚ್ 19 ರಂದು ತಾವು ಹೇಳಿದಂತೆ ರಾಷ್ಟ್ರಗೀತೆಯನ್ನು ಹಾಡಿದ್ದರು. ಇದೇ ಸಂದರ್ಭದಲ್ಲಿ ಪಶ್ಚಿಮ ಬಂಗಾಲದ ಮುಖ್ಯಂತ್ರಿ ಮಮತಾ ಬ್ಯಾನರ್ಜಿ ಅವರು ಕ್ರಿಕೆಟ್ ದಿಗ್ಗಜರ ಜೊತೆ ಅಮಿತಾಬ್ ಬಚ್ಚನ್ ಅವರನ್ನು ಸನ್ಮಾನಿಸಿದರು.

ಬಿಗ್ ಬಿ ಅವರು ಸುಮಾರು 4 ಕೋಟಿ ರು ಪಡೆದಿದ್ರಾ?

ರಾಷ್ಟ್ರಗೀತೆ ಹಾಡಲು ಬಿಗ್ ಬಿ ಅವರು ಸುಮಾರು 4 ಕೋಟಿ ರುಗಳನ್ನು ಸಂಭವನೆ ಪಡೆದುಕೊಂಡಿದ್ದಾರೆಂದು ಸಾಮಾಜಿಕ ಜಾಲ ತಾಣಗಳಲ್ಲಿ ಸುದ್ದಿ ಹಬ್ಬಿತ್ತು. ಈ ಸುದ್ದಿ ಪರ ವಿರೋಧ ಚರ್ಚೆ ನಡೆದಿತ್ತು. ಬಂಗಾಲ ಕ್ರಿಕೆಟ್ ಮಧ್ಯ ಪ್ರವೇಶಿಸಿ ಸ್ಪಷ್ಟನೆ ನೀಡಿ ಸುಳ್ಳು ಸುದ್ದಿಗಳಿಗೆ ತೆರೆ ಎಳೆದಿದೆ

ಬಿಗ್ ಬಿ ಜೊತೆ ಸಚಿನ್ ರಿಂದ ಪಂದ್ಯ ವೀಕ್ಷಣೆ

ಭಾರತ-ಪಾಕ್ ದಾಯಾದಿಗಳ ಕದನವನ್ನು ವೀಕ್ಷಿಸಲು ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್, ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ, ಅಭಿಷೇಕ್ ಬಚ್ಚನ್, ಸೌರವ್ ಸಂಗೂಲಿ ಸೇರಿದಂತೆ ಭಾರತ ಮತ್ತು ಪಾಕಿಸ್ತಾನದ ಕ್ರಿಕೆಟ್ ದಿಗ್ಗಜರ ಬಳಗವೇ ಈಡನ್ ಗಾರ್ಡನ್ ಮೈದಾನದಲ್ಲಿ ಹಾಜರಿತ್ತು.

ವಿರಾಟ್ ಕೊಹ್ಲಿ ಅದ್ಭುತ ಬ್ಯಾಟಿಂಗ್

ವಿರಾಟ್ ಅವರ ಅಮೋಘ ಪ್ರದರ್ಶನದಿಂದ ಭಾರತ ತಂಡ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ವಿರುದ್ಧ 6 ವಿಕೆಟ್ ಗಳ ಭರ್ಜರಿ ಜಯಗಳಿಸಿತು.
ಪಂದ್ಯದ ವೇಳೆ ವಿರಾಟ್ ಕೊಹ್ಲಿ ಅವರು ಅರ್ಧಶತಕ ಸಿಡಿಸಿ ಬಿಗ್ ಬಿ, ಸಚಿನ್ ಅವರಿದ್ದ ಗ್ಯಾಲರಿಯತ್ತ ತಲೆ ಬಾಗಿಸಿ ನಮಿಸಿದ್ದು ವಿಶೇಷ ಪಂದ್ಯ ಶ್ರೇಷ್ಠ ಪ್ರಶಸ್ತಿಯನ್ನು ಸಚಿನ್ ಅವರಿಗೆ ಕೊಹ್ಲಿ ಅವರು ಅರ್ಪಿಸಿದರು.