ಮಳೆಯಿಂದಾಗಿ ಪಂದ್ಯಕ್ಕೆ ಅಡಚಣೆ
ಜೂನ್ 18ರಂದು ಆರಂಭಗೊಳ್ಳಬೇಕಿದ್ದ ವರ್ಲ್ಡ್ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯ ಮಳೆಯಿಂದಾಗಿ ಶುರುವಾಗಿರಲಿಲ್ಲ. ಸೌತಾಂಪ್ಟನ್ನಲ್ಲಿ ತೀವ್ರ ಮಳೆ ಇದ್ದಿದ್ದರಿಂದ ಟಾಸ್ ಕೂಡ ನಡೆಸಲಾಗದ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಆರಂಭಿಕ ದಿನವಾಗಿದ್ದ ಶುಕ್ರವಾರ ಬೆಳಗ್ಗೆಯಿಂದಲೂ ಸೌತಾಂಪ್ಟನ್ನಲ್ಲಿ ಮಳೆ ಸುರಿಯುತ್ತಿತ್ತು. ಅಂದು ಅಲ್ಲಿನ ತಾಪಮಾನ 17 ಡಿಗ್ರೀ ಸೆಲ್ಶಿಯಸ್ ಇತ್ತು.
ಪಂದ್ಯ ಆರಂಭದ ಪಕ್ಕಾ ಸಮಯ
ಜೂನ್ 19ರಂದು ಭಾರತ-ನ್ಯೂಜಿಲೆಂಡ್ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯ ಭಾರತೀಯ ಕಾಲಮಾನ 3 PMಗೆ ಆರಂಭಗೊಳ್ಳಲಿದೆ. ಅದಕ್ಕೂ ಅರ್ಧಗಂಟೆ ಮುನ್ನ ಅಂದರೆ 2.30 PMಗೆ ಟಾಸ್ ನಡೆಯಲಿದೆ. ಬಳಿಕ ಪಂದ್ಯ ಮುಂದುವರೆಯಲಿದೆ ಎಂದು ನಿರೀಕ್ಷಿಸಲಾಗಿದೆ.
ಯಾವ ದಿನ ಎಷ್ಟು ಮಳೆ?
ಸೌತಾಂಪ್ಟನ್ನಲ್ಲಿ ಯಾವ ದಿನ ಎಷ್ಟೆಷ್ಟು ಮಳೆಯಾಗಲಿದೆ ಎನ್ನುವ ಅಂದಾಜನ್ನೂ ಯುಕೆ ಹವಾಮಾನ ಇಲಾಖೆ ನೀಡಿದೆ. ಪಂದ್ಯ ನಡೆಯುವ ಸಾಧ್ಯತೆಯನ್ನೂ ನಾವು ಈ ಮಾಹಿತಿಯಲ್ಲೇ ಅಂದಾಜಿಸಬಹುದು.
* Day 1, ಜೂನ್ 18, ವಾಶ್ಔಟ್ (ಪಂದ್ಯ ನಡೆಯೋದಿಲ್ಲ)
* Day 2, ಜೂನ್ 19, 98 ಓವರ್ ವರೆಗೆ ಪಂದ್ಯ
* Day 3, ಜೂನ್ 20, 50-70 ಓವರ್ ವರೆಗೆ ಪಂದ್ಯ
* Day 4, ಜೂನ್ 21, 30-50 ಓವರ್ ವರೆಗೆ ಪಂದ್ಯ
* Day 5, ಜೂನ್ 22, 98 ಓವರ್ ವರೆಗೆ ಪಂದ್ಯ
* Day 6, ಜೂನ್ 23 (ರಿಸರ್ವ್ ಡೇ), 98 ಓವರ್ ವರೆಗೆ ಪಂದ್ಯ