Year Ender 2023: ವರ್ಷದ ಏಕದಿನ ತಂಡ ಪ್ರಕಟಿಸಿದ ಸ್ಟಾರ್ ಸ್ಪೋರ್ಟ್ಸ್; 8 ಭಾರತೀಯರಿಗೆ ಸ್ಥಾನ, ಸಿಡಿದೆದ್ದ ರವಿಶಾಸ್ತ್ರಿ

2023 ವರ್ಷದ ಮುಕ್ತಾಯಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಈ 12 ತಿಂಗಳುಗಳನ್ನು ಹಿಂತಿರುಗಿ ನೋಡಿದರೆ, ಕ್ರಿಕೆಟ್‌ ಲೋಕದಲ್ಲಿ ಕೆಲವು ಅದ್ಭುತ ಘಟನೆಗಳು ನಡೆದಿವೆ. 2023ರ ವರ್ಷ ಕ್ರಿಕೆಟ್‌ನಲ್ಲಿ ಹಲವಾರು ಉತ್ತಮ ಪ್ರದರ್ಶನಗಳನ್ನು ಕಂಡಿದೆ. ಪ್ರಮುಖವಾಗಿ ಆಸ್ಟ್ರೇಲಿಯಾ ತಮ್ಮ ಆರನೇ ಏಕದಿನ ಕ್ರಿಕೆಟ್ ವಿಶ್ವಕಪ್ ಗೆದ್ದರೆ, ಭಾರತ ತಮ್ಮ 8ನೇ ಏಷ್ಯಾ ಕಪ್ ಚಾಂಪಿಯನ್ ಆಯಿತು.

ಭಾರತ ಮತ್ತು ದಕ್ಷಿಣ ಆಫ್ರಿಕಾ ಟೆಸ್ಟ್ ಪಂದ್ಯದ ಸಂದರ್ಭದಲ್ಲಿ ಸರಣಿಯ ಅಧಿಕೃತ ಪ್ರಸಾರಕರಾದ ಸ್ಟಾರ್ ಸ್ಪೋರ್ಟ್ಸ್, ವರ್ಷದ ಏಕದಿನ ತಂಡವನ್ನು ಪ್ರಕಟಿಸಿದೆ. ಇದರಲ್ಲಿ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ಕೆಎಲ್ ರಾಹುಲ್, ಕುಲದೀಪ್ ಯಾದವ್ ಸೇರಿದಂತೆ ಎಂಟು ಭಾರತೀಯರು ಸ್ಥಾನ ಪಡೆದಿದ್ದಾರೆ.

ನ್ಯೂಜಿಲೆಂಡ್‌ನ ಡೇರಿಲ್ ಮಿಚೆಲ್ ಆಯ್ಕೆ ಆಗಿದ್ದರೆ, ಏಕದಿನ ವಿಶ್ವಕಪ್ ವಿಜೇತ ಆಸ್ಟ್ರೇಲಿಯಾ ತಂಡದಿಂದ ಆಡಮ್ ಝಂಪಾ ಮಾತ್ರ ಸ್ಥಾನ ಗಳಿಸಲು ಸಫಲರಾದರು.

ವರ್ಷದ ಏಕದಿನ ತಂಡವು ಸರಿಯಾಗಿದೆಯೇ ಅಥವಾ ಇಲ್ಲವೇ ಎಂದು ಪ್ರಶ್ನಿಸಬಹುದು. ವಿಶ್ವಕಪ್ ಹೀರೋ ಟ್ರಾವಿಸ್ ಹೆಡ್ ಮತ್ತು ಸ್ಟಾರ್ ಆಲ್‌ರೌಂಡರ್ ಗ್ಲೆನ್ ಮ್ಯಾಕ್ಸ್‌ವೆಲ್‌ರಂತಹ ಆಟಗಾರರು ಸ್ಟಾರ್ ಸ್ಪೋರ್ಟ್ಸ್ ತಂಡದಲ್ಲಿ ಸ್ಥಾನ ಗಳಿಸದಿರಬಹುದು, ಆದರೆ ಅವರು ಭಾರಿ ಪ್ರಭಾವ ಬೀರಿದ್ದಾರೆ.

ದಿಲ್ಶನ್ ಮಧುಶಂಕ, ಮಾರ್ಕೊ ಜಾನ್ಸೆನ್ ಮತ್ತು ಜೆರಾಲ್ಡ್ ಕೊಯೆಟ್ಜಿ ಅವರಂತಹ ವೇಗದ ಬೌಲರ್‌ಗಳು ಎಲ್ಲರನ್ನೂ ಮೆಚ್ಚಿಸಿದರೂ, ವರ್ಷದ ಏಕದಿನ ತಂಡದಲ್ಲಿ ಸ್ಥಾನ ಗಳಿಸಲು ಸಾಧ್ಯವಾಗಲಿಲ್ಲ.

ಸ್ಟಾರ್ ಸ್ಪೋರ್ಟ್ಸ್‌ನ ವರ್ಷದ ಏಕದಿನ ತಂಡ

1) ರೋಹಿತ್ ಶರ್ಮಾ (ಭಾರತ)
2) ಶುಭ್ಮನ್ ಗಿಲ್ (ಭಾರತ)
3) ವಿರಾಟ್ ಕೊಹ್ಲಿ (ಭಾರತ)
4) ಡೇರಿಲ್ ಮಿಚೆಲ್ (ನ್ಯೂಜಿಲೆಂಡ್)
5) ಕೆಎಲ್ ರಾಹುಲ್ (ಭಾರತ)
6) ಹೆನ್ರಿಕ್ ಕ್ಲಾಸೆನ್ (ದಕ್ಷಿಣ ಆಫ್ರಿಕಾ)
7) ಆಡಮ್ ಝಂಪಾ (ಆಸ್ಟ್ರೇಲಿಯಾ)
8) ಕುಲದೀಪ್ ಯಾದವ್ (ಭಾರತ)
9) ಮೊಹಮ್ಮದ್ ಶಮಿ (ಭಾರತ)
10) ಮೊಹಮ್ಮದ್ ಸಿರಾಜ್ (ಭಾರತ)
11) ಜಸ್ಪ್ರೀತ್ ಬುಮ್ರಾ (ಭಾರತ)

ಕ್ರಿಕೆಟ್ ಅಭಿಮಾನಿಗಳ ಮತಗಳ ಆಧಾರದ ಮೇಲೆ ವರ್ಷದ ಏಕದಿನ ತಂಡವನ್ನು ಆಯ್ಕೆ ಮಾಡಲಾಗುತ್ತದೆ. ಆದರೆ, ಆಯ್ಕೆಯಾದ ತಂಡವು ಭಾರತ ಕ್ರಿಕೆಟ್ ತಂಡದ ಮಾಜಿ ಕೋಚ್ ರವಿಶಾಸ್ತ್ರಿ ಅವರನ್ನು ಮೆಚ್ಚಿಸಲಿಲ್ಲ.

"ಇದೊಂದು ತಮಾಷೆಯಾಗಿದೆ. ರಶೀದ್ ಖಾನ್ ಆಡಿಲ್ಲವಾ? ಅಲ್ಲಿ ಕೇವಲ ಭಾರತೀಯರು ಮಾತ್ರ ಮತ ಚಲಾಯಿಸಿರಬೇಕು ಎಂದು ನಾನು ಭಾವಿಸುತ್ತೇನೆ. ಬೇರೆ ಯಾರೂ ಮತ ಹಾಕಿಲ್ಲ. ಮಿಚೆಲ್ ಮಾರ್ಷ್, ರಶೀದ್ ಖಾನ್, ಕ್ವಿಂಟನ್ ಡಿ ಕಾಕ್ ಎಲ್ಲಿ ಹೋದರು?. ವಿಶ್ವಕಪ್ ವಿಜೇತ ತಂಡದಿಂದ ಆಡಮ್ ಝಂಪಾ ಒಬ್ಬ ಆಟಗಾರನೇ? 7ನೇ ಸ್ಥಾನಕ್ಕೆ ರಶೀದ್ ಖಾನ್ ಅತ್ಯುತ್ತಮ ಆಟಗಾರರಲ್ಲಿ ಒಬ್ಬರು. ಅವನಿಗೆ ಅಲ್ಲಿ ಸ್ಥಾನ ನೀಡದಿರುವುದು, ನಂಬಲಸಾಧ್ಯ," ಎಂದು ಮಾಜಿ ಕ್ರಿಕೆಟಿಗ ರವಿಶಾಸ್ತ್ರಿ ಟೀಕಿಸಿದರು.

"ರವೀಂದ್ರ ಜಡೇಜಾ ಅತ್ಯುತ್ತಮ ಆಲ್‌ರೌಂಡರ್. ಆತ ಮತ್ತು ರಶೀದ್ ಖಾನ್ ವಿಶ್ವದ ಎಲ್ಲಾ ಪಿಚ್‌ಗಳಲ್ಲಿ ಆದರ್ಶ ಸಂಯೋಜನೆಯಾಗಿದ್ದರು," ಎಂದು ಭಾರತೀಯ ಕ್ರಿಕೆಟ್ ತಂಡದ ಮಾಜಿ ಕೋಚ್ ಶಾಸ್ತ್ರಿ ತಿಳಿಸಿದರು.

ದಕ್ಷಿಣ ಆಫ್ರಿಕಾದ ಮಾಜಿ ವೇಗದ ಬೌಲರ್ ವೆರ್ನಾನ್ ಫಿಲಾಂಡರ್, ಗ್ಲೆನ್ ಮ್ಯಾಕ್ಸ್‌ವೆಲ್ ಕೂಡ ಈ ತಂಡದ ಸ್ಥಾನ ಗಳಿಸದಿರುವುದು ಅಚ್ಚರಿ ಮೂಡಿಸಿದೆ ಎಂದರು.

"ನಾನು ಕ್ವಿಂಟನ್ ಡಿ ಕಾಕ್ ಆಗಿದ್ದರೆ, ಸ್ಟಾರ್ ಸ್ಪೋರ್ಟ್ಸ್ ಆಯ್ಕೆಯ ತಂಡದಿಂದ ಹೊರಗುಳಿಯಲು ನಾನು ತುಂಬಾ ನಿರಾಶೆಗೊಳ್ಳುತ್ತೇನೆ. ಅವರ ಕೊನೆಯ ಏಕದಿನ ವಿಶ್ವಕಪ್‌ನಲ್ಲಿ ಹೇಗೆ ಆಡಿದರ ಮತ್ತು ಅವರು ಆಡಿದ ರೀತಿಯಲ್ಲಿ ಸ್ಥಾನ ನೀಡಲು ನಾನು ನಿಮಗೆ ಹೇಳುತ್ತೇನೆ. ಅವರು ನಂಬಲಾಗದ ಆಟಗಾರ".

"ಈ ಎಲ್ಲ ಆಟಗಾರರು ಆಯ್ಕೆಗೆ ಅರ್ಹರು ಎಂದು ನಾನು ಅರ್ಥಮಾಡಿಕೊಂಡಿದ್ದೇನೆ. ಅವರು ಅದ್ಭುತ ವರ್ಷವನ್ನು ಹೊಂದಿದ್ದಾರೆ, ವಿಶೇಷವಾಗಿ ಭಾರತೀಯರು," ಎಂದು ಭಾರತದ ಮಾಜಿ ಕೋಚ್ ರವಿಶಾಸ್ತ್ರಿ ಹೇಳಿದ್ದಾರೆ.

"ವಿರಾಟ್ ಕೊಹ್ಲಿ ಸ್ಥಿರ ಪ್ರದರ್ಶನ ನೀಡುತ್ತಾನೆ. ಆದರೆ ನನಗೆ, ಬಹುಶಃ ಏಡೆನ್ ಮಾರ್ಕ್ರಾಮ್, ಡೇವಿಡ್ ಮಿಲ್ಲರ್ ಇನ್ನೊಂದು ಹೆಸರು ತೆಗೆದುಕೊಂಡರೆ ಗ್ಲೆನ್ ಮ್ಯಾಕ್ಸ್‌ವೆಲ್. ನೀವು ಆತನನ್ನು ಹೇಗೆ ಬಿಡಲು ಸಾಧ್ಯ?. ಮ್ಯಾಕ್ಸಿ ಆಸ್ಟ್ರೇಲಿಯಾ ತಂಡವನ್ನು ನಾಕೌಟ್‌ಗೇರಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದನು," ಎಂದರು.