ಕಳೆದ ವರ್ಷ ನಿವೃತ್ತಿ
ಯುವರಾಜ್ ಸಿಂಗ್ ಅವರು ಕಳೆದ ವರ್ಷ ಅಂದರೆ ಜೂನ್ 2019ಕ್ಕೆ ಅಂತಾರಾಷ್ಟ್ರೀಯ ನಿವೃತ್ತಿ ಘೋಷಿಸಿದ್ದರು. ಕಳೆದ ಬಾರಿ ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡಿದ್ದ ಯುವಿ ಒಂದೆರಡು ಪಂದ್ಯಗಳಲ್ಲಿ ಕಣಕ್ಕಿಳಿದು ರಂಜಿಸಿದ್ದರು. ಆದರೆ ಅದ್ಯಾಕೋ ಎಂಐ ತಂಡ ಕೂಡ ಯುವಿಗೆ ಹೆಚ್ಚಿನ ಆದ್ಯತೆ-ಅವಕಾಶ ನೀಡಿದ್ದು ಕಾಣಿಸಿರಲಿಲ್ಲ.
ನಿವೃತ್ತಿ ವಾಪಸ್ಗೆ ವಿನಂತಿ
ಈಗಾಗಲೇ ಶುಭ್ಮಾನ್ ಗಿಲ್, ಅಭಿಷೇಕ್ ಶರ್ಮಾ, ಪ್ರಭ್ಸಿಮ್ರನ್ ಮತ್ತು ಅನ್ಮೋಲ್ಪ್ರೀತ್ ಸಿಂಗ್ ಸೇರಿ ಇನ್ನೂ ಕೆಲವರಿಗೆ ಮಾರ್ಗದರ್ಶನ ನೀಡುತ್ತಿರುವ ಯುವಿ ಅವರಲ್ಲಿ ಕಮ್ಬ್ಯಾಕ್ ಮಾಡುವಂತೆ, ಆಟಗಾರರಾಗಿ-ಮೆಂಟರ್ ಆಗಿ ರಾಜ್ಯ ಕ್ರಿಕೆಟ್ನಲ್ಲಿ ಜವಾಬ್ದಾರಿ ವಹಿಸುವಂತೆ ವಿನಂತಿಸಿದ್ದೇವೆ ಎಂದು ಪಂಜಾಬ್ ಕ್ರಿಕೆಟ್ ಅಸೋಸಿಯೇಶನ್ನ ಕಾರ್ಯದರ್ಶಿ ಪುನೀತ್ ಬಲಿ ಅವರು ಆಗಸ್ಟ್ 14ರಂದು ಹೇಳಿದ್ದರು.
ಯುವಕರು ಕಲಿಯುತ್ತಿದ್ದಾರೆ
38ರ ಹರೆಯದ ಯುವಿ ಕ್ರಿಕ್ಬಝ್ ಜೊತೆ ಮಾತನಾಡಿ, 'ಯುವ ಆಟಗಾರರ ಜೊತೆ ಖುಷಿಯ ಕ್ಷಣಗಳನ್ನು ಕಳೆಯುತ್ತಿದ್ದೇನೆ. ಅವರ ಜೊತೆ ಆಟದ ಬೇರೆ ಬೇರೆ ಆಯಾಮಗಳ ಬಗ್ಗೆ ಮಾತನಾಡುತ್ತಿದ್ದೇನೆ. ನಾನು ಹೇಳುವ ಹಲವಾರು ವಿಚಾರಗಳನ್ನು ಅವರು ಅಳವಡಿಕೊಳ್ಳುತ್ತಿರುವುದನ್ನು ನಾನು ಗಮನಿಸುತ್ತಿದ್ದೇನೆ,' ಎಂದರು.
ಕಮ್ಬ್ಯಾಕ್ ಖಾತರಿ
'ನಾನು ಪಂಜಾಬ್ ಪರ ಆಡಬೇಕೆನ್ನುವ ಪುನೀತ್ ಬಲಿ ಅವರ ಆಫರ್ ನಿಜಕ್ಕೂ ತೆಗೆದುಕೊಳ್ಳುತ್ತೇನೋ ಗೊತ್ತಿಲ್ಲ. ನಾನು ಈಗಾಗಲೇ ಸಾಕಷ್ಟು ದೇಸಿ ಕ್ರಿಕೆಟ್ಗಳನ್ನು ಆಡಿದ್ದೇನೆ. ಇನ್ನು ವಿದೇಶಿ ಲೀಗ್ಗಳಲ್ಲಿ ಆಡಲು ಯೋಚಿಸಿದ್ದೆ. ಆದರೆ ಒಂದು ವೇಳೆ ಬಿಸಿಸಿಐ ಅವಕಾಶ ನೀಡಿದರೆ, ನಾನು ಬಲಿ ಅವರ ವಿನಂತಿಯನ್ನು ಕಡೆಗಣಿಸಲಾರೆ,' ಎಂದು ಯುವಿ ಹೇಳಿದ್ದಾರೆ. ದೊರೆತಿರುವ ಮಾಹಿತಿಯ ಪ್ರಕಾರ ಯುವಿ ಏನಿಲ್ಲವೆಂದರೂ ಪಂಜಾಬ್ ಪರ ಟಿ20 ಪಂದ್ಯವಾಡುವ ನಿರೀಕ್ಷೆಯಿದೆ.