Team India: ಗೌತಮ್ ಗಂಭೀರ್‌ಗೆ ರೆಡ್ ಅಲರ್ಟ್ ನೀಡಿದ ಜಹೀರ್ ಖಾನ್

ಗೌತಮ್ ಗಂಭೀರ್ ಟೀಮ್ ಇಂಡಿಯಾದ ಹೆಡ್‌ಕೋಚ್ ಆದ ನಂತರ ಹೇಳಿಕೊಳ್ಳುವಷ್ಟು ಏನನ್ನೂ ಸಾಧಿಸಿಲ್ಲ. ಶ್ರೀಲಂಕಾ ಪ್ರವಾಸದಲ್ಲಿ ಏಕದಿನ ಸರಣಿ ಸೋಲಿನ ನಂತರ ತವರಿನಲ್ಲಿ ನ್ಯೂಜಿಲೆಂಡ್ ಟೆಸ್ಟ್ ಸರಣಿಯನ್ನು ಕಳೆದುಕೊಂಡಿತ್ತು. ಇದಾದ ಬಳಿಕ ಬಾರ್ಡರ್-ಗವಾಸ್ಕರ್ ಟ್ರೋಫಿಗಾಗಿ ಆಸ್ಟ್ರೇಲಿಯಾ ಪ್ರವಾಸ ಕೈಗೊಂಡಿದ ಭಾರತ ಟೆಸ್ಟ್ ಸರಣಿಯನ್ನು ಕಳೆದುಕೊಂಡಿತ್ತು. ಇದೀಗ ತವರಿನಲ್ಲಿ ಇಂಗ್ಲೆಂಡ್ ವಿರುದ್ಧ ಟಿ20 ಮತ್ತು ಏಕದಿನ ಸರಣಿಯನ್ನು ಭಾರತ ಗೆದ್ದು ಬೀಗಿದೆ. ಆದರೂ ಟೀಮ್ ಇಂಡಿಯಾ ಹೆಡ್‌ಕೋಚ್‌ ಗೌತಮ್ ಗಂಭೀರ್ ಅವರಿಗೆ ಮಾಜಿ ದಿಗ್ಗಜ ಬೌಲರ್ ಜಹೀರ್ ಖಾನ್ ರೆಡ್ ಅಲರ್ಟ್ ನೀಡಿದ್ದಾರೆ.

ಗೌತಮ್ ಗಂಭೀರ್ ಅವರ ವೈಟ್-ಬಾಲ್ ತಂಡಕ್ಕೆ ಹೆಚ್ಚು ಹೊಂದಿಕೊಳ್ಳುವ ವಿಧಾನದ ಬಗ್ಗೆ ಜಹೀರ್ ಖಾನ್ ಕಳವಳ ವ್ಯಕ್ತಪಡಿಸಿದ್ದಾರೆ. ತಂಡದಲ್ಲಿ ಅತಿಯಾದ ಪ್ರಯೋಗ ಮತ್ತು ನಿರಂತರ ಬದಲಾವಣೆಗಳ ಬಗ್ಗೆ ಗಂಭೀರ್ ಅವರಿಗೆ ಜಹೀರ್ ಎಚ್ಚರಿಕೆ ನೀಡಿದ್ದಾರೆ. ಇದು ಆಟಗಾರರಲ್ಲಿ ಅಭದ್ರತೆಯ ಭಾವನೆಯನ್ನು ಉಂಟುಮಾಡಬಹುದು. ತಂಡದ ಸ್ಥಿರತೆಯನ್ನು ಕಾಪಾಡಿಕೊಳ್ಳಲು ಸ್ಪಷ್ಟ ಸಂವಹನ ಮುಖ್ಯ ಎಂದು ಜಹೀರ್ ಸ್ಪಷ್ಟಪಡಿಸಿದ್ದಾರೆ.

ಒಂದು ಮತ್ತು ಎರಡು ಸಂಖ್ಯೆಗಳು ಇರುತ್ತವೆ. ಆದರೆ ಉಳಿದವುಗಳು ಸಹ ಹೊಂದಿಕೊಳ್ಳುತ್ತವೆ. ಆ ಹೊಂದಿಕೊಳ್ಳುವಿಕೆಯೊಳಗೆ ಕೆಲವು ನಿಯಮಗಳು ಸಹ ಅನ್ವಯಿಸುತ್ತವೆ. ನೀವು ಅನುಸರಿಸಬೇಕಾದ ಕೆಲವು ಶಿಷ್ಟಾಚಾರಗಳಿವೆ. ವಿಷಯಗಳನ್ನು ಸುಗಮಗೊಳಿಸಲು ಸ್ವಲ್ಪ ಸಂವಹನ ಅಗತ್ಯವಿದೆ. ಇಲ್ಲದಿದ್ದರೆ ನೀವು ಅಭದ್ರತೆಯನ್ನು ಸೃಷ್ಟಿಸುತ್ತಿದ್ದೀರಿ, ಅದು ಮತ್ತೆ ಬಂದು ಯಾವುದೋ ಹಂತದಲ್ಲಿ ನಿಮಗೆ ನೋವುಂಟು ಮಾಡುತ್ತದೆ ಎಂದು ಗಂಭೀರ್ ಅವರಿಗೆ ಜಹೀರ್ ಖಾನ್ ಹೇಳಿದ್ದಾರೆ.

ರಾಹುಲ್ ದ್ರಾವಿಡ್ ಮತ್ತು ಗೌತಮ್ ಗಂಭೀರ್ ವಿಧಾನವನ್ನು ಹೋಲಿಸಿದರೆ ಪರಿಸ್ಥಿತಿ ಚಲನಶೀಲವಾಗಿದೆ. ನೀವು ಅದನ್ನು ಒಳ್ಳೆಯದು, ಕೆಟ್ಟದು ಅಥವಾ ಕೊಳಕು ಎಂದು ಹೇಳಬಹುದು. ನಾವು ಹೇಗೆ ಹೊಂದಿಕೊಳ್ಳುತ್ತೇವೆ, ನೀವು ಹೇಳುತ್ತೀರಾ? ಹಿರಿಯ ಆಡಳಿತ ಮಂಡಳಿಯಾಗಿರಲಿ, ಚಿಂತಕರರಾಗಿರಲಿ, ಆಟಗಾರರಾಗಿರಲಿ ಅಥವಾ ಆಯ್ಕೆದಾರರಾಗಿರಲಿ, ಎಲ್ಲರೂ ಇದನ್ನು ನಿರ್ಣಯಿಸಿ ಚಕ್ರ ಸರಿಯಾಗಿ ತಿರುಗುವಂತೆ ವ್ಯವಸ್ಥೆಯನ್ನು ಜಾರಿಗೆ ತರಬೇಕು ಎಂದು ಜಹೀರ್ ಸಲಹೆ ನೀಡಿದ್ದಾರೆ.

ಗೌತಮ್ ಗಂಭೀರ್ ಅವರ ಕೋಚಿಂಗ್‌ಗೆ 2024 ತುಂಬಾ ಕೆಟ್ಟ ವರ್ಷವಾಗಿತ್ತು. ಇದು ಟೀಮ್ ಇಂಡಿಯಾದ ಐತಿಹಾಸಿಕ ಸೋಲಿನೊಂದಿಗೆ ಪ್ರಾರಂಭವಾಯಿತು. ಶ್ರೀಲಂಕಾ ಏಕದಿನ ಸರಣಿ ಸೋತಿತ್ತು. ನಂತರ ಟೀಮ್ ಇಂಡಿಯಾ ನ್ಯೂಜಿಲೆಂಡ್ ಮತ್ತು ಆಸ್ಟ್ರೇಲಿಯಾ ವಿರುದ್ಧವೂ ಹೀನಾಯ ಸೋಲನ್ನು ಎದುರಿಸಬೇಕಾಯಿತು. ಇದೀಗ ಭಾರತ ತಂಡವು 2025ರ ವರ್ಷದಲ್ಲಿ ಸರಿಯಾದ ಹಾದಿಯಲ್ಲಿದೆ. ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯಲ್ಲಿ ಟೀಮ್ ಇಂಡಿಯಾ ಪ್ರಸ್ತುತ 2-0 ಮುನ್ನಡೆಯಲ್ಲಿದೆ. ಆದರೆ 2025 ರ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಎಲ್ಲರ ಗಮನ ಗಂಭೀರ್ ಮೇಲೆ ಇದೆ.

ಗೌತಮ್ ಗಂಭೀರ್ ಟೀಮ್ ಇಂಡಿಯಾದಿಂದ ಚಾಂಪಿಯನ್ಸ್ ಟ್ರೋಫಿ ಗೆಲ್ಲಿಸುವ ಪಣ ತೊಟ್ಟಿದ್ದಾರೆ. ಈಗಾಗಲೇ ಭಾರತ ತಂಡ ಉತ್ತಮವಾಗಿ ಕಾಣುತ್ತಿದೆ. ಆದರೆ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ಆಡುವ ಬಗ್ಗೆ ಯಾವದೇ ಅಪ್ಡೇಟ್ ಹೊರಬಿದ್ದಿಲ್ಲ.