ಭಾರತದಲ್ಲಿ ನಡೆಯೋ ವಿಶ್ವಕಪ್ ಕ್ವಾಲಿಫೈಯರ್ಸ್‌ಗೆ ಜಿಂಬಾಬ್ವೆ ಆತಿಥ್ಯ

ನವದೆಹಲಿ: ಭಾರತದಲ್ಲಿ ನಡೆಯಲಿರುವ 2023ರ ಏಕದಿನ ವಿಶ್ವಕಪ್ ಟೂರ್ನಿಯ ಅರ್ಹತಾ ಪಂದ್ಯಗಳಿಗೆ ಜಿಂಬಾಬ್ವೆ ಆತಿಥ್ಯ ವಹಿಸಲಿದೆ. ಕ್ವಾಲಿಫೈಯರ್ ಪಂದ್ಯಗಳು 2023ರ ಜೂನ್ 18ರಿಂದ ಜುಲೈ 9ರ ವರೆಗೆ ನಡೆಯಲಿದೆ. ಕೊರೊನಾ ವೈರಸ್ ಕಾರಣ ಸಿದ್ಧವಾಗಿರುವ ಇಂಟರ್‌ ನ್ಯಾಷನಲ್ ಕ್ರಿಕೆಟ್ ಕೌನ್ಸಿಲ್ ಹೊಸ ವೇಳಾಪಟ್ಟಿಯ ಪ್ರಕಾರ ಒಡಿಐ ವಿಶ್ವಕಪ್‌ ಅರ್ಹತಾ ಪಂದ್ಯಗಳು ಜಿಂಜಾಬ್ವೆಯಲ್ಲಿ ನಡೆಯಲಿವೆ.

2023ರ ಒಡಿಐ ವಿಶ್ವಕಪ್‌ಗೆ ಆತಿಥ್ಯ ಭಾರತ ವಹಿಸಿಕೊಳ್ಳಲಿದೆ. ಭಾರತವೂ ಸೇರಿ ಇನ್ನಿತರ 7 ಟಾಪ್ ಸೂಪರ್‌ ಲೀಗ್‌ ತಂಡಗಳು ಅಕ್ಟೋಬರ್-ನವೆಂಬರ್‌ನಲ್ಲಿ ನಡೆಯಲಿರುವ ಪ್ರತಿಷ್ಠಿತ ವಿಶ್ವಕಪ್‌ ಟೂರ್ನಿಯಲ್ಲಿ ಸೆಣಸಾಡಲಿವೆ.

ಟಾಪ್ ಏಳು ತಂಡಗಳಲ್ಲದೆ ಇನ್ನುಳಿದ 5 ತಂಡಗಳು 2023ರ ವಿಶ್ವಕಪ್ ಕ್ವಾಲಿಫೈಯರ್‌ನಲ್ಲಿ ಸ್ಪರ್ಧಿಸಲಿವೆ. ಇದರಲ್ಲಿ ಲೀಗ್‌ 2ರಲ್ಲಿ ಬೆಸ್ಟ್ ಟೀಮ್‌ಗಳಾಗಿ ಗುರುತಿಸಿಕೊಳ್ಳುವ 3 ತಂಡಗಳು ವಿಶ್ವಕಪ್‌ಗೆ ಅರ್ಹತೆ ಗಿಟ್ಟಿಸಿಕೊಳ್ಳಲಿದೆ.

'ನಾವು ಐಸಿಸಿ ಪುರುಷರ ಕ್ರಿಕೆಟ್ ವಿಶ್ವಕಪ್ 2023 ಅನ್ನು ಅಕ್ಟೋಬರ್ ಮತ್ತು ನವೆಂಬರ್ 2023ಕ್ಕೆ ಮರುಹೊಂದಿಸಿದಾಗ ಅದು ಅರ್ಹತಾ ಪಂದ್ಯಗಳು ನಡೆಯುವ ಅವಕಾಶವನ್ನು ವಿಸ್ತರಿಸಲು ನಮಗೆ ಅನುವು ಮಾಡಿಕೊಟ್ಟಿತು. ಆ ಮೂಲಕ ಆಟದ ಮೈದಾನದಲ್ಲಿ ಅರ್ಹತೆಯನ್ನು ನಿರ್ಧರಿಸುವ ಅವಕಾಶವನ್ನು ನಾವು ತಂಡಗಳಿಗೆ ನೀಡುತ್ತಿದ್ದೇವೆ,' ಎಂದು ಐಸಿಸಿ ಹೇಳಿದೆ.