ಕ್ರಿಸ್ಟಿಯಾನೊ ರೊನಾಲ್ಡೋಗೆ ಯುರೋಪಿನ ಶ್ರೇಷ್ಠ ಆಟಗಾರ ಕಿರೀಟ

ಮೊನಾಕೊ, ಆಗಸ್ಟ್ 26: ರಿಯಲ್ ಮ್ಯಾಡ್ರಿಡ್ ಹಾಗೂ ಪೋರ್ಚುಗೀಸ್ ತಂಡದ ತಾರೆ ಕ್ರಿಸ್ಟಿಯಾನೊ ರೊನಾಲ್ಡೋ ಅವರಿಗೆ ಈ ಬಾರಿಯ 'ಯುರೋಪಿನ ಶ್ರೇಷ್ಠ ಆಟಗಾರ' ಪ್ರಶಸ್ತಿ ಲಭಿಸಿದೆ

ಕಳೆದ ಸೀಸನ್ ನಲ್ಲಿ ಪೋರ್ಚುಗಲ್ ತಂಡವನ್ನು ಮುನ್ನಡೆಸಿ ಯುರೋ 2016 ಹಾಗೂ ಚಾಂಪಿಯನ್ಸ್ ಲೀಗ್ ಗೆದ್ದಿರುವ ರೊನಾಲ್ಡೊ ಅವರಿಗೆ ಸಹಜವಾಗಿ UEFA ಶ್ರೇಷ್ಠ ಆಟಗಾರ ಪ್ರಶಸ್ತಿ ಸಿಕ್ಕಿದೆ. [ಲಿಯೋನೆಲ್ ಮೆಸ್ಸಿ ಧೂಳಿಪಟ ಮಾಡಿದ ದಾಖಲೆಗಳು]

31ರ ಹರೆಯದ ರೊನಾಲ್ಡೊ ಅವರು ಎರಡನೇ ಬಾರಿಗೆ ಈ ಪ್ರಶಸ್ತಿಗೆ ಮುತ್ತಿಟ್ಟಿದ್ದಾರೆ. ರಿಯಲ್ ಮ್ಯಾಡ್ರಿಡ್ ನ ಗರೇಟ್ ಬೇಲ್ ಹಾಗೂ ಅಟ್ಲೆಟಿಕೊ ಮ್ಯಾಡ್ರಿಡ್ ನ ಅಂಟೊನೆ ಗ್ರಿಜ್ಮನ್ ರನ್ನು ಹಿಂದಿಕ್ಕಿ ರೊನೊಲ್ಡೋ ಪ್ರಶಸ್ತಿ ಗಳಿಸಿದ್ದಾರೆ. 2013-14ರಲ್ಲಿ ಕೂಡಾ ರೊನಾಲ್ಡೊ ಈ ಪ್ರಶಸ್ತಿ ಗೆದ್ದಿದ್ದರು.[ಕ್ಲಬ್ಬಿನಿಂದ ಕ್ಲಬ್ಬಿಗೆ ಜಿಗಿಯಲು 813 ಕೋಟಿ ರು]

Very happy and proud to win such a special award. Thank you to my team mates from Real Madrid and Portugal! ✌🏼️🔝👍🏼 pic.twitter.com/vR61LXyW9o

— Cristiano Ronaldo (@Cristiano) August 25, 2016

ಮೇ ತಿಂಗಳಿನಲ್ಲಿ ಅಟ್ಲೆಟಿಕೋ ವಿರುದ್ಧ ಉತ್ತಮ ನಿರ್ವಹಣೆ ತೋರಿ ರಿಯಲ್ ಮ್ಯಾಡ್ರಿಡ್ ಗೆ 11ನೇ ಯುರೋಪಿಯನ್ ಕಪ್ ಗೆಲ್ಲಿಸಿಕೊಟ್ಟ ರೊನಾಲ್ಡೊ ಅವರು ಯುರೋ 2016 ಗೆಲುವು ಸಾಧಿಸಿದರು. ಯುರೋಪಿಯನ್ ಚಾಂಪಿಯನ್ ಶಿಪ್ ಫೈನಲ್ಸ್ ನಲ್ಲಿ ಒಟ್ಟು 9 ಗೋಲು ಬಾರಿಸಿ ಫ್ರಾನ್ಸಿನ ಪ್ಲಾಟಿನಿ ದಾಖಲೆ ಸರಿಗಟ್ಟಿದರು. [ವಿಶ್ವದ ಅತ್ಯಂತ ಶ್ರೀಮಂತ ಫುಟ್ಬಾಲ್ ತಂಡಗಳಿವು]

ಯುಇಎಫ್ಎಗೆ ಸಂಬಂಧಿಸಿದ 55ಕ್ಕೂ ಅಧಿಕ ಅಸೊಸಿಯೇಷನ್ಸ್ ನ ಪತ್ರಕರ್ತರಿದ್ದ ಆಯ್ಕೆ ಸಮಿತಿ ನೀಡಿದ ವರದಿಯಂತೆ, ಪೋರ್ಚುಗಲ್ ನ ರೊನಾಲ್ಡೊ ಗೆ ಪುರುಷರ ವಿಭಾಗದ ಪ್ರಶಸ್ತಿ ಹಾಗೂ ನಾರ್ವೆಯ ಅಡಾ ಹೆಗರ್ ಬರ್ಗ್ ಮಹಿಳಾ ಪ್ರಶಸ್ತಿ ಸಿಕ್ಕಿದೆ. (ಎಎಫ್ ಪಿ)