ಐಎಸ್‌ಎಲ್‌ Live Score: 4ನೇ ಸ್ಥಾನಕ್ಕಾಗಿ ಗೋವಾ, ಜೆಮ್ಷೆಡ್ಪುರ ಸೆಣಸು

ಗೋವಾ, ಜನವರಿ 28: ಇಲ್ಲಿನ ನೆಹರು ಕ್ರೀಡಾಂಗಣದಲ್ಲಿ ಗೋವಾ ಮತ್ತು ಜೆಮ್ಷೆಡ್ಪುರ ತಂಡಗಳು ಇಂಡಿಯನ್‌ ಸೂಪರ್ ಲೀಗ್ ನಲ್ಲಿ ಸೋಮವಾರ (ಜನವರಿ 28) ಮುಖಾಮುಖಿ ಆಗುವುದರೊಂದಿಗೆ ನಾಲ್ಕನೇ ಸ್ಥಾನದ ಪೈಪೋಟಿ ಮತ್ತಷ್ಟು ತೀವ್ರಗೊಳ್ಳಲಿದೆ.

ಪಂದ್ಯದ Live Score ಇಲ್ಲಿದೆ. ಸ್ಕೋರ್‌ಕಾರ್ಡ್‌ಗೆ ಕೆಳಗಿನ ಲಿಂಕ್ ಕ್ಲಿಕ್ ಮಾಡಿ

ಗೋವಾ ತಂಡ ಜೆಮ್ಷೆಡ್ಪುರ ವಿರುದ್ಧದ ಪಂದ್ಯದಲ್ಲಿ ಸೋಲನುಭವಿಸುವ ಮೂಲಕ ಈ ಋತುವಿನಲ್ಲಿ ಮೊದಲ ಆಘಾತ ಕಂಡಿತ್ತು. ಫೆರಾನ್ ಕೊರೊಮಿನಾಸ್ ಅವರ ಅನುಪಸ್ಥಿತಿಯಲ್ಲಿ ತಂಡ 4-1 ಅಂತರದಲ್ಲಿ ಸೋಲನುಭವಿಸಿತ್ತು.

ಈ ಎರಡು ತಂಡಗಳು ಐಎಸ್ ಎಲ್ ನಲ್ಲಿ ಮೂರು ಬಾರಿ ಮುಖಾಮುಖಿ ಆಗಿವೆ. ಈ ಎರಡೂ ತಂಡಗಳು 11 ಗೋಲು ಗಳಿಸಿವೆ. ಗೋವಾ ತಂಡ ಮೊದಲ ಎರಡು ಪಂದ್ಯಗಳಲ್ಲಿ ಜಯ ಗಳಿಸಿತ್ತು. ಈ ಋತುವಿನ ಆರಂಭದಲ್ಲಿ ಗೋವಾ ವಿರುದ್ಧ ಜೆಮ್ಷೆಡ್ಪುರ ಜಯ ಗಳಿಸಿತ್ತು. ಗೋವಾದ ಆಕ್ರಮಣಕಾರಿ ಫುಟ್ಬಾಲ್ ಗೆ ಈ ಹಿಂದಿನ ಪಂದ್ಯ ಸಾಕ್ಷಿಯಾಗಿತ್ತು.

"ಅವರದ್ದು ಉತ್ತಮ ತಂಡ. ಅವರು ಶೇ. 100 ರಷ್ಟು ಪಕ್ಕಾ ಇದ್ದಾಗ ಆ ತಂಡವನ್ನು ಸೋಲಿಸುವುದು ಕಷ್ಟ. ಅವರು ಪ್ಲೇ ಆಫ್ ನಲ್ಲಿ ಎದುರಾಗಬಹುದಾದ ಒಂದು ಬಲಿಷ್ಠ ತಂಡ" ಎಂದು ಗೋವಾ ತಂಡದ ಕೋಚ್ ಸರ್ಗಿಯೊ ಲೊಬೆರಾ ಹೇಳಿದ್ದಾರೆ.