FIFA World Cup 2026: ಬೆಲ್ಜಿಯಂ ವಿರುದ್ಧ ಅಬ್ಬರಿಸಿದ ಸ್ಪೇನ್‌ ಸೆಮಿಫೈನಲ್‌ಗೆ

ಲಾಸ್ ಏಂಜಲೀಸ್: ಕೊನೆಯ ಕ್ಷಣದಲ್ಲಿ ಮೈಕೆಲ್ ಮೆರಿನೊ ಅವರು ಬಾರಿಸಿದ ಭರ್ಜರಿ ಗೋಲಿನ ನೆರವಿನಿಂದ ಸ್ಪೇನ್‌ 2-1 ರಿಂದ ಬೆಲ್ಜಿಯಂ ತಂಡವನ್ನು ಫಿಫಾ ವಿಶ್ವಕಪ್‌ 2026 ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಮಣಿಸಿತು. ಈ ಮೂಲಕ ಸ್ಪೇನ್‌ ಟೂರ್ನಿಯ ಸೆಮಿಫೈನಲ್‌ ಹಂತಕ್ಕೆ ಪ್ರವೇಶ ಪಡೆದಿದೆ.

ಶನಿವಾರ ನಡೆದ ಕ್ವಾರ್ಟರ್ ಫೈನಲ್‌ ಪಂದ್ಯದಲ್ಲಿ ಸ್ಪೇನ್‌ ಭರ್ಜರಿ ಪ್ರದರ್ಶನ ನೀಡಿತು. ಸ್ಪೇನ್‌ ಈ ಪಂದ್ಯದ ಮೊದಲಾವಧಿಯಿಂದಲೂ ಪಂದ್ಯದ ಮೇಲೆ ಹಿಡಿತ ಸಾಧಿಸಲು ಹರಸಾಹಸ ಪಟ್ಟಿತು. ಈ ವೇಳೆ ಬೆಲ್ಜಿಯಂ ಸಹ ಜಿದ್ದಾಜಿದ್ದಿನ ಪೈಪೋಟಿ ನಡೆಸಿತು. ಆದರೆ ಕೊನೆಯ ಹಂತದ ವರೆಗೂ ಭರ್ಜರಿ ಪ್ರದರ್ಶನ ನೀಡಿದವು. ಆದರೆ ಸ್ಪೇನ್‌ ಸ್ಥಿರ ಪ್ರದರ್ಶನ ನೀಡಿ ಜಯ ಸಾಧಿಸಿತು. ಕೊನೆಯ ಕ್ಷಣದಲ್ಲಿ ಸ್ಪೇನ್‌ ಪರ ಚಾರ್ಲ್ಸ್ ಡಿ ಕೆಟೆಲೇರ್ ಬಾರಿಸಿದ ಗೋಲು ತಂಡವನ್ನು ಸೆಮಿಫೈನಲ್‌ ಹಂತಕ್ಕೆ ತಂದು ನಿಲ್ಲಿಸಿತು.

ಮೊದಲ ಅರ್ಧದ ಆಟದಲ್ಲಿ ಸ್ಪೇನ್‌ ಗೋಲು ಪೆಟ್ಟಿಗೆಯಲ್ಲಿ ಚೆಂಡನ್ನು ತಳ್ಳಲು ಹಲವು ಬಾರಿ ಪ್ರಯತ್ನವನ್ನು ಮಾಡಿತು. ಆದರೆ ತಂಡಕ್ಕೆ 30 ನಿಮಿಷದಲ್ಲಿ ಯಶ ಸಿಕ್ಕಿತು. ಗೋಲು ಪೆಟ್ಟಿಗೆಯ ಎಡಭಾಗದಿಂದ ಬಂದ ಪಾಸ್‌ನ ಸಂಪೂರ್ಣ ಲಾಭ ಪಡೆದ ಸ್ಪೇನ್‌ ಆಟಗಾರ ಚೆಂಡನ್ನು ಗೋಲ್ ಬಾಕ್ಸ್‌ನತ್ತ ನೂಕಿದರು. ಆದರೆ ಬೆಲ್ಜಿಯಂ ಗೋಲಿ ಈ ಪ್ರಯತ್ನವನ್ನು ತಡೆದರು. ಆದರೆ ಅಲ್ಲಿಯೇ ನಿಂತು ಹೊಂಚು ಹಾಕಿದ್ದ ಸ್ಪೇನ್‌ನ ಫ್ಯಾಬಿಯನ್ ಅಮೋಘ ಪ್ರದರ್ಶನ ನೀಡಿ, ಬೆಲ್ಜಿಯಂ ಗೋಲಿಯನ್ನು ವಂಚಿಸಿದರು. ಸ್ಪೇನ್ ಮುನ್ನಡೆ ಸಾಧಿಸಿತು.

ಮೊದಲ ಅರ್ಧದಲ್ಲಿ ಡ್ರಾ

ಆದರೆ ಇದೇ ಅವಧಿಯ ಕೊನೆಯ ಕ್ಷಣದಲ್ಲಿ ಬೆಲ್ಜಿಯಂ ಆಟಗಾರ ಭರ್ಜರಿ ಪ್ರದರ್ಶನ ನೀಡಿದರು. ಇವರು ಸಹ ಆಟಗಾರ ಗೋಲು ಬಾಕ್ಸ್‌ನ ಎಡಭಾಗದಿಂದ ನೀಡಿದ ಉತ್ತಮ ಪಾಸ್‌ಗೆ ಹೆಡ್‌ ಮೂಲಕ ಚೆಂಡನ್ನು ಗೋಲು ಪೆಟ್ಟಿಗೆಗೆ ತಳ್ಳಿದರು. ಸ್ಪೇನ್‌ ಗೋಲಿಯ ಬಳಿ ಇದಕ್ಕೆ ಉತ್ತರವೇ ಇರಲಿಲ್ಲ. ಪರಿಣಾಮ ಉಭಯ ತಂಡಗಳು ಮೊದಲ ಅರ್ಧದಲ್ಲಿ ತಲಾ ಒಂದು ಗೋಲು ಬಾರಿಸಿ ಮಿಂಚಿದವು.

ಕೊನೆಯ ಕ್ಷಣದಲ್ಲಿ ಮಿಂಚಿದ ಮೈಕೆಲ್

ಎರಡನೇ ಅರ್ಧದಲ್ಲೂ ಉಭಯ ತಂಡಗಳು ಜಿದ್ದಾಜಿದ್ದಿನ ಪೈಪೋಟಿ ನೀಡಿದವು. ಆದರೆ ಈ ಹಂತದಲ್ಲಿ ಎರಡೂ ತಂಡಗಳು ಜಿದ್ದು ಪ್ರದರ್ಶಿಸಿದವು. ಪರಿಣಾಮ ಗೋಲುಗಳು ದಾಖಲಾಗಿಲ್ಲ. ಪಂದ್ಯ ರೋಚಕತೆ ಹುಟ್ಟಿಸಿತ್ತು. ಈ ಪಂದ್ಯ ಹೆಚ್ಚುವರಿ ಸಮಯದತ್ತ ಮುಖ ಮಾಡುತ್ತದೆ ಎನ್ನುವಾಗಲೇ ಸ್ಪೇನ್‌ ತಂಡ ಮೈಕೆಲ್ ಮೆರಿನೊ ಅಬ್ಬರಿಸಿದರು.

ಪಂದ್ಯದ 88ನೇ ನಿಮಿಷದಲ್ಲಿ ಸ್ಪೇನ್ ಆಟಗಾರ ನೇರವಾಗಿ ಗೋಲ್‌ ಪೋಸ್ಟ್‌ಗೆ ಚೆಂಡನ್ನು ತಳ್ಳಲು ನೋಡಿದರು. ಆದರೆ ಬೆಲ್ಜಿಯಂ ಗೋಲಿ ಇದನ್ನು ಸೇವ್ ಮಾಡಿ ಚೆಂಡನ್ನು ಹಿಡಿಯುವಲ್ಲಿ ವಿಫಲರಾದರು. ಆಗಲೇ ಮೈಕೆಲ್ ಮೆರಿನೊ ಅಮೋಘ ಕಾಲ್ಚಳಕದ ಪ್ರದರ್ಶನ ನೀಡಿ ತಂಡಕ್ಕೆ ಗೆಲುವಿನ ಮಾಲೆ ತೊಡಿಸಿದರು.

ಸ್ಪೇನ್‌ ಎರಡನೇ ಬಾರಿಗೆ ಫಿಫಾ ವಿಶ್ವಕಪ್‌ ಸೆಮಿಫೈನಲ್‌ ತಲುಪಿದ ಇತಿಹಾಸವನ್ನು ನಿರ್ಮಿಸಿತು. ಅಲ್ಲದೆ ಸ್ಪೇನ್‌ ಇಬ್ಬರು ಯುವ ಆಟಗಾರರೊಂದಿಗೆ (ಲ್ಯಾಮಿನ್ ಯಮಲ್ ಮತ್ತು ಪೌ ಕ್ಯೂಬಾರ್ಸಿ) ಕಣಕ್ಕಿಳಿದ ದಾಖಲೆಯನ್ನು ಬರೆದಿದೆ.