ನವದೆಹಲಿ, ಅಕ್ಟೋಬರ್ 30: ತನ್ನ ಗೆಳತಿಗೆ ಹೆಂಗೆಂಗೋ ಪ್ರಪೋಸ್ ಮಾಡೋರಿದ್ದಾರೆ. ಅಂಥವರ ಸಾಲಿಗೆ ಆಂಟೊಫಾಗಸ್ಟಾ ತಂಡದ ಎಡ್ವರ್ಡ್ ಬೆಲ್ಲೊ ಕೂಡ ಸೇರುತ್ತಾರೆ. ಬೆಲ್ಲೊ ಗೋಲ್ ಬಾರಿಸಿ ಬಂದು ಗೆಳತಿಗೆ ಪ್ರಪೋಸ್ ಮಾಡಿದ್ದಾರೆ. ಅನಂತರ ರೆಫರಿಯ ಕೆಂಗಣ್ಣಿಗೂ ಗುರಿಯಾಗಿದ್ದಾರೆ. ಇಂಥದ್ದೊಂದು ಸ್ವಾರಸ್ಯಕರ ಘಟನೆ ನಡೆದಿದೆ.
ರಿಯಲ್ ಮ್ಯಾಡ್ರಿಡ್ ಅಧ್ಯಕ್ಷಗೆ ರೋಹಿತ್ ಶರ್ಮಾ ಅವರಲ್ಲೊಂದು ಪ್ರಶ್ನೆಯಿದೆ!
ಸಂಗತಿ ನಡೆದಿದ್ದು ಭಾನುವಾರ (ಅಕ್ಟೋಬರ್ 28). ಆದರೆ ಈ ಸುದ್ದಿ ಈಗಲೂ ಸಾಮಾಜಿಕ ಜಾಲತಾಣದಲ್ಲಿ ಗಮ್ಮತ್ತಾಗಿ ಓಡಾಡುತ್ತಿದೆ. ಚಿಲಿಯಲ್ಲಿ ನಡೆಯುತ್ತಿರುವ 2018ರ ಚಿಲಿಯನ್ ಪ್ರಿಮೆರಾ ಡಿವಿಷನ್ ಫುಟ್ಬಾಲ್ ಟೂರ್ನಿಯಲ್ಲಿ ಭಾನುವಾರ ಆಂಟೊಫಾಗಸ್ಟಾ ಎಫ್ಸಿ ಮತ್ತು ಎವೆರ್ಟನ್ ತಂಡಗಳು ಮುಖಾಮುಖಿಯಾಗಿದ್ದವು.
Eduard Bello scored for Antofagasta against Everton in the Chilean league. He celebrated by proposing to his girlfriend in the stands... 😎pic.twitter.com/zEft52mmDK
— The LFC Couch 🗣🎙 (@LFCCouch) October 30, 2018
ಈ ವೇಳೆ ಪಂದ್ಯಾರಂಭಗೊಂಡು 2ನೇ ನಿಮಿಷದಲ್ಲೇ ಗೋಲ್ ಬಾರಿಸಿದ ಆಂಟೊಫಾಗಸ್ಟಾ ಮಿಡ್ ಫೀಲ್ಡರ್ ಎಡ್ವರ್ಡ್ ಬೆಲ್ಲೊ ಮೈದಾನದಿಂದ ಪ್ರೇಕ್ಷಕರು ಕೂತಿದ್ದೆಡೆಗೆ ಹತ್ತಿ ಬಂದವರೇ ಅಲ್ಲಿ ಕುಳಿತಿದ್ದ ತನ್ನ ಗೆಳತಿ, ಬೀಚ್ ವಾಲಿಬಾಲ್ ಪ್ಲೇಯರ್ ಗಾಬ್ರಿಯೆಲಾ ಬ್ರಿಟೊ ಮುಂದೆ ಮೊಣಕಾಲೂರಿ, ತಬ್ಬಿ ಪ್ರಪೋಸ್ ಮಾಡಿ ರಿಂಗೂ ತೊಡಿಸಿಬಿಟ್ಟರು!
ಎಲ್ ಕ್ಲಾಸಿಕೋ: ಮೆಸ್ಸಿ-ರೊನಾಲ್ಡೋ ಇಲ್ಲದ ತಂಡದಲ್ಲಿ ಮಿಂಚುವರ್ಯಾರು?!
ಆಟಗಾರನ ಈ ಅಚಾನಕ್ ವರ್ತನೆಗೆ ಒಮ್ಮೆ ದಂಗಾದರೂ ಹೇಗೋ ಸಾವರಿಸಿಕೊಂಡ ಪ್ರೇಕ್ಷಕರು ಚಪ್ಪಾಳೆ ತಟ್ಟಿ ಪ್ರೇಮಿಗಳನ್ನು ಬೆಂಬಲಿಸಿದ್ದರೆನ್ನಿ; ಆದರೆ ರೆಫ್ರಿ ಕೇಳಬೇಕೆ?! ಹೇಳದೆ ಕೇಳದೆ ಮೈದಾನದ ಹೊರಗೆ ಬಂದ ಬೆಲ್ಲೊಗೆ ಯೆಲ್ಲೋ ಕಾರ್ಡ್ ತೋರಿಸಿಬಿಟ್ಟರು. ಅಂದ್ಹಾಗೆ ಈ ಪಂದ್ಯದಲ್ಲಿ ಆಂಟೊಫಾಗಸ್ಟಾ ತಂಡ ಎವರ್ಟನ್ ವಿರುದ್ಧ 3-2ರಿಂದ ಸೋತಿತು!