ಜೆಕ್‌ ಗಣರಾಜ್ಯ ತಂಡದ ಮಾಜಿ ಫುಟ್ಬಾಲ್ ಆಟಗಾರ ಆತ್ಮಹತ್ಯೆ

ಟರ್ಕಿ, ಏಪ್ರಿಲ್ 24 : ಜೆಕ್‌ ಗಣರಾಜ್ಯ ಫುಟ್ಬಾಲ್ ತಂಡದ ಮಾಜಿ ಡಿಫೆಂಡರ್ ಫ್ರಾಂಟಿಸೆಕ್ ರಜ್ಟೋರಾಲ್ (31) ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ರಜ್ಟೋರಾಲ್ ಅವರು ಭಾನುವಾರ ಟರ್ಕಿಯ ತಮ್ಮ ನಿವಾಸದಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಜೆಕ್‌ ಗಣರಾಜ್ಯ ಫುಟ್‌ಬಾಲ್‌ ಫೆಡರೇಷನ್ ಸಂಸ್ಥೆ ತಿಳಿಸಿದೆ.

ಇವರು ಜೆಕ್‌ ಗಣರಾಜ್ಯ ತಂಡವನ್ನು 14 ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ ಪ್ರತಿನಿಧಿಸಿದ್ದರು. ಜೆಕ್‌ ಗಣರಾಜ್ಯದ ದೇಶೀಯ ಪಂದ್ಯಾವಳಿಗಳಲ್ಲಿ ಹಲವು ಪ್ರಮುಖ ಪ್ರಶಸ್ತಿಗಳಿಗೆ ಭಾಜನರಾಗಿದ್ದರು.