Euro Cup 2024 Quarter Final: ಫೆನಾಲ್ಟಿ ಶೂಟೌಟ್‌ನಲ್ಲಿ ಫ್ರಾನ್ಸ್‌ ವಿರುದ್ಧ ಎಡುವಿದ ಪೋರ್ಚುಗಲ್; ರೊನಾಲ್ಡೊ ಕಣ್ಣೀರಿನ ವಿದಾಯ

ಜುಲೈ 6 ಶನಿವಾರ, ಹ್ಯಾಂಬರ್ಗ್‌ನಲ್ಲಿ ನಡೆದ ಕ್ವಾರ್ಟರ್‌ಫೈನಲ್‌ನಲ್ಲಿ ಕ್ರಿಸ್ಟಿಯಾನೊ ರೊನಾಲ್ಡೊ ನೇತೃತ್ವದ ಪೋರ್ಚುಗಲ್‌ ವಿರುದ್ಧ ಕೈಲಿಯನ್ ಎಂಬಪ್ಪೆ ಅವರು ಮುನ್ನೆಡೆಸುತ್ತಿರುವ ಫ್ರಾನ್ಸ್‌ ತಂಡವು ಭರ್ಜರಿ ಗೆಲುವು ಸಾಧಿಸಿದೆ.

ಯುರೋ ಕಪ್‌ 2024ರ ಕ್ವಾರ್ಟರ್ ಫೈನಲ್‌ನ ಫೆನಾಲ್ಟಿ ಶೂಟೌಟ್‌ನಲ್ಲಿ ಫ್ರಾನ್ಸ್ ತಂಡವು 5-3 ಗೋಲುಗಳ ಅಂತರದಿಂದ ಪೋರ್ಚುಗಲ್ ಅನ್ನು ಸೋಲಿಸಿದೆ. ಈ ಗೆಲುವಿನೊಂದಿಗೆ ಫ್ರಾನ್ಸ್ ಕೊನೆಯ ನಾಲ್ಕರ ಘಟ್ಟಕ್ಕೆ ಲಗ್ಗೆ ಇಟ್ಟಿದೆ.

ಸೆಮಿಫೈನಲ್‌ನಲ್ಲಿ ಆತಿಥೇಯ ಜರ್ಮನಿಯನ್ನು ಸೋಲಿಸಿದ ಸ್ಪೇನ್‌ ತಂಡದ ವಿರುದ್ಧ ಸೆಮಿಫೈನಲ್‌ನಲ್ಲಿ ಫ್ರಾನ್ಸ್ ಎದುರಿಸಲಿದೆ. ಮತ್ತೊಂದೆಡೆ ಈ ಸೋಲಿನೊಂದಿಗೆ ಫುಟಬಾಲ್‌ ದಿಗ್ಗಜ ಕ್ರಿಸ್ಟಿಯಾನೊ ರೊನಾಲ್ಡೊ ಅವರ ಯೂರೋ ಕಪ್ ವೃತ್ತಿಜೀವನಕ್ಕೆ ತೆರೆ ಬಿದ್ದಿದೆ.

ಈ ಹಿಂದೆಯೇ ರೊನಾಲ್ಡೊ 2024ರ ಯುರೋ ಕಪ್‌ ತಮ್ಮ ಕೊನೆಯ ಆವೃತ್ತಿ ಎಂದು ಹೇಳಿದ್ದರು. ಫುಟ್‌ಬಾಲ್‌ ತಾರೆ ರೊನಾಲ್ಡೊ ಅವರಿಗೆ ಈ ಬಾರಿಯೂ ಯುರೋ ಕಪ್‌ನಲ್ಲಿ ಯಶಸ್ಸು ಸಿಕ್ಕಿಲ್ಲ. ಕಳೆದ ಬಾರಿ 2022ರ ಫಿಫಾ ವಿಶ್ವಕಪ್‌ನಲ್ಲಿಯೂ ರೊನಾಲ್ಡೊ ನಿರಾಸೆ ಅನುಭವಿಸಿದ್ದರು.

ಹ್ಯಾಂಬರ್ಗ್‌ನಲ್ಲಿ ನಡೆದ ಹೈವೋಲ್ಟೇಜ್‌ ಪಂದ್ಯದ ನಿಯಮಿತ ಸಮಯ ಅಥವಾ ಹೆಚ್ಚುವರಿ ಸಮಯದಲ್ಲಿ ಉಭಯ ತಂಡಗಳು ಯಾವುದೇ ಗೋಲು ಗಳಿಸಲು ಸಾಧ್ಯವಾಗಲಿಲ್ಲ. ಇದರೊಂದಿಗೆ ಪಂದ್ಯ ಶೂಟೌಟ್‌ಗೆ ಹೋಯಿತು. ಫ್ರಾನ್ಸ್‌ ಪರ
ಪ್ರತಿಯೊಬ್ಬರೂ ಗೋಲು ಮುಟ್ಟಿದರು. ಆದರೆ ಶೂಟೌಟ್ ನಲ್ಲಿ ಪೋರ್ಚುಗಲ್‌ನ ಜಾವೊ ಫೆಲಿಕ್ಸ್ ತಪ್ಪು ಮಾಡಿದರು.

ಚೆಂಡಿನ ಮೇಲೆ ಪ್ರಾಬಲ್ಯ ಸಾಧಿಸಲು ನಿಖರವಾದ ಯೋಜನೆಗಳೊಂದಿಗೆ ಫ್ರಾನ್ಸ್ ಮತ್ತು ಪೋರ್ಚುಗಲ್ ತಂಡಗಳು ಮೈದಾನ ಪ್ರವೇಶಿಸಿದವು. ಎರಡೂ ತಂಡಗಳು ಹಿಡಿತ ಹಾಗೂ ದಾಳಿಯತ್ತ ಗಮನ ಹರಿಸಿದವು. ಅವಕಾಶ ಸಿಕ್ಕಾಗಲೆಲ್ಲ ಎರಡೂ ತಂಡಗಳು ಗೋಲು ಗಳಿಸಲು ಯತ್ನಿಸಿದವು.

ಈ ಹಂತದಲ್ಲಿ ಎರಡೂ ತಂಡಗಳು ಉತ್ತಮ ಪ್ರಗತಿ ಸಾಧಿಸಿದವು. ಹಲವು ಬಾರಿ ಪೋರ್ಚುಗಲ್ ಫ್ರೆಂಚ್ ಗೋಲಿನ ಮುಖ ನಡುಗಿಸಿತು. ಗೋಲ್ ಕೀಪರ್ ಮೈಕ್ ಮ್ಯಾಗ್ನಾನನ್ ಗೋಲು ಬಿಟ್ಟುಕೊಡದೆ ಫ್ರಾನ್ಸ್ ಅನ್ನು ರಕ್ಷಿಸಿದರು.