FIFA World Cup 2022 : ಕೋಸ್ಟರಿಕಾ ವಿರುದ್ಧ ಗೆದ್ದರೂ ವಿಶ್ವಕಪ್‌ನಿಂದ ಹೊರಬಿದ್ದ ಜರ್ಮನಿ

ಫಿಫಾ ವಿಶ್ವಕಪ್‌ನ ಇ ಗುಂಪಿನ ರೋಚಕ ಹೋರಾಟದಲ್ಲಿ ಕೋಸ್ಟರಿಕಾ ವಿರುದ್ಧ ಜರ್ಮನಿ 4-2 ಗೋಲುಗಳ ಅಂತರದಿಂದ ಮಣಿಸಿದೆ. ಹಾಗಿದ್ದರು ಕೂಡ ಜರ್ಮನಿ ನಾಕೌಟ್ ಹಂತವನ್ನು ಪ್ರವೇಶಿಸಲು ಸಾಧ್ಯವಾಗದೆ ಗ್ರೂಪ್ ಹಂತದಿಂದ ಹೊರಬಿದ್ದಿದೆ. ಗ್ರೂಪ್ ಇ ವಿಭಾಗದಲ್ಲಿ ಜಪಾನ್ ಮತ್ತು ಸ್ಪೇನ್ ಪ್ರಿ ಕ್ವಾರ್ಟರ್ ಫೈನಲ್‌ಗೆ ಟಿಕೆಟ್ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ನಿರ್ಣಾಯಕ ಪಂದ್ಯದಲ್ಲಿ ಸ್ಪೇನ್ ತಂಡವನ್ನು 2-1 ಗೋಲುಗಳಿಂದ ಸೋಲಿಸಿದ ಜಪಾನ್ 6 ಅಂಕಗಳೊಂದಿಗೆ ಇ ಗುಂಪಿನಲ್ಲಿ ಅಗ್ರಸ್ಥಾನಿಯಾಗಿ ಪ್ರೀ ಕ್ವಾರ್ಟರ್ ಹಂತಕ್ಕೆ ಪ್ರವೇಶ ಗಿಟ್ಟಿಸಿಕೊಂಡಿತ್ತು. ಇತ್ತ ಈ ಪಂದ್ಯದಲ್ಲಿ ಸ್ಪೇನ್ ಸೋಲು ಅನುಭವಿಸಿದ್ದರು ಕೂಡ 9.3 ಗೋಲುಗಳ ಸರಾಸರಿಯೊಂದಿಗೆ ಪ್ರೀ ಕ್ವಾರ್ಟರ್ ಅರ್ಹತೆ ಸಂಪಾದಿಸಿದೆ. ಕೋಸ್ಟರಿಕಾವನ್ನು 4-2 ಗೋಲುಗಳಿಂದ ಸೋಲಿಸಿದ ಹೊರತಾಗಿಯೂ, ಜರ್ಮನಿಯು ಗೋಲು ಸರಾಸರಿಯಲ್ಲಿ ಸ್ಪೇನ್‌ಗಿಂತ ಹಿಂದೆ ಬಿದ್ದ ಕಾರಣ ಆಘಾತಕ್ಕೆ ಒಳಗಾಗಿದೆ.

ಜಪಾನ್ ಹಾಗೂ ಸ್ಪೈನ್ ತಂಡಗಳ ನಡುವಿನ ಸೆಣೆಸಾಟ ಕೂಡ ಸಾಕಷ್ಟು ರೋಚಕತೆಯಿಂದ ಕೂಡಿತ್ತು. ಈ ಪಂದ್ಯದಲ್ಲಿ ಜಪಾನ್ ಪಡೆ 2010ರ ಚಾಂಪಿಯನ್ ಸ್ಪೈನ್ ತಂಡವನ್ನು ಮಣಿಸುವಲ್ಲಿ ಯಶಸ್ವಿಯಾಯಿತು. ಈ ಮೂಲಕ ಜಪಾನ್ ತಮ್ಮ ಗುಂಪಿನಲ್ಲಿ ಅಗ್ರಸ್ಥಾನವನ್ನು ಪಡೆದುಕೊಂಡಿದೆ. ಮತ್ತೊಂದೆಡೆ ಈ ಫಲಿತಾಂಶ ಮುಂದಿನ ಹಂತಕ್ಕೇರುಇವ ಕನಸು ಕಾಣುತ್ತಿದ್ದ ಜರ್ಮನಿಗೆ ಆಘಾತ ನೀಡಿದೆ.

ಇನ್ನು ಜಪಾನ್ ತಂಡಕ್ಕೆ ಇದು ಅತ್ಯಂತ ವಿಶೇಷವಾದ ಸಾಧನೆಯಾಗಿದೆ. ಕಳೆದ ನಾಲ್ಕು ವಿಶ್ವಕಪ್‌ಗಳಲ್ಲಿ ಜಪಾನ್ ತಂಡ ಮೂರನೇ ಬಾರಿಗೆ ಗ್ರೂಫ್ ಆಫ್ 16ಗೆ ಅರ್ಹತೆ ಪಡೆಯುವಲ್ಲಿ ಯಶಸ್ವಿಯಾಗಿದೆ. ಈ ಮೂಲದ ಏಷ್ಯಾದ ದ್ವೀಪ ರಾಷ್ಟ್ರ ಫುಟ್ಬಾಲ್ ಲೋಕದಲ್ಲಿ ವಿಶೇಷ ಸಾಧನೆ ಮಾಡಿದೆ. ಈ ಹಿಂದೆ 2010 ಹಾಗೂ 2014ರಲ್ಲಿ ಈ ಹಂತಕ್ಕೆ ಜಪಾನ್ ಪ್ರವೇಶಿಸಿತ್ತು. ಇನ್ನು ಬಲಿಷ್ಠ ಜರ್ಮನಿ ತಂಡ ಸತತ ಎರಡನೇ ಬಾರಿಗೆ ಗ್ರೂಫ್ ಆಫ್ 16 ಹಂತಕ್ಕೆ ಪ್ರವೇಶ ಪಡೆಯುವಲ್ಲಿ ವಿಫಲವಾಗಿದೆ.