ಭಾರತದ ಹೆಸರಿನಲ್ಲಿ ದಾಖಲೆ
ಛೆಟ್ರಿ ಬಾರಿಸಿದ ಎರಡು ಗೋಲ್ಗಳ ಸಹಾಯದಿಂದ ಭಾರತ ಕಳೆದ 6 ವರ್ಷಗಳಲ್ಲಿ ವಿಶ್ವಕಪ್ ಕ್ವಾಲಿಫೈಯರ್ ಪಂದ್ಯದಲ್ಲಿ ಮೊದಲ ಗೆಲುವು ಕಂಡಿದೆಯಲ್ಲದೆ ವಿಶೇಷ ದಾಖಲೆಯೂ ನಿರ್ಮಿಸಿದೆ. ಛೆಟ್ರಿ ಈಗ ಒಟ್ಟು 74 ಗೋಲ್ಗಳೊಂದಿಗೆ ಸಕ್ರಿಯ ಆಟಗಾರರಲ್ಲಿ ಅರ್ಜೆಂಟೀನಾ ಸ್ಟಾರ್ ಮೆಸ್ಸಿ ಹಿಂದಿಕ್ಕಿ ದ್ವಿತೀಯ ಸ್ಥಾನಕ್ಕೇರಿದ್ದಾರೆ.
ರೊನಾಲ್ಡೋಗೆ ಮೊದಲ ಸ್ಥಾನ
ಅಂತಾರಾಷ್ಟ್ರೀಯ ಫುಟ್ಬಾಲ್ನಲ್ಲಿ ಸಕ್ರಿಯರಾಗಿರುವ ಆಟಗಾರರಲ್ಲಿ ಅತ್ಯಧಿಕ ಗೋಲ್ ಪಟ್ಟಿಯಲ್ಲಿ ಸದ್ಯ ಪೋರ್ಚುಗಲ್ನ ಕ್ರಿಸ್ಚಿಯಾನೊ ರೊನಾಲ್ಡೋ ಮೊದಲ ಸ್ಥಾನದಲ್ಲಿದ್ದಾರೆ. ರೊನಾಲ್ಡೋ 103 ಗೋಲ್ಗಳನ್ನು ಬಾರಿಸಿದ್ದಾರೆ. ಈ ಪಟ್ಟಿಯಲ್ಲಿ 3ನೇ ಸ್ಥಾನದಲ್ಲಿ ಯುಎಇಯ ಅಲಿ ಮಾಬ್ಖೌಟ್ ಇದ್ದಾರೆ.
4ನೇ ಸ್ಥಾನದಲ್ಲಿ ಮೆಸ್ಸಿ
72 ಗೋಲ್ ಬಾರಿಸಿರುವ ಮೆಸ್ಸಿ ಸಕ್ರಿಯ ಫುಟ್ಬಾಲ್ ಆಟಗಾರರಲ್ಲಿ 4ನೇ ಸ್ಥಾನದಲ್ಲಿದ್ದಾರೆ. ಕಳೆದ ಗುರುವಾರ (ಜೂನ್ 3) ನಡೆದ ವಿಶ್ವಕಪ್ ಕ್ವಾಲಿಫೈಯರ್ ಪಂದ್ಯದಲ್ಲಿ ಚಿಲಿ ವಿರುದ್ಧ ಮೆಸ್ಸಿ 72ನೇ ಗೋಲ್ ಬಾರಿಸಿದ್ದರು. ಕಳೆದ ವಾರವೇ ಮಾಬ್ಖೌಟ್ ಅವರು ಮಲೇಷ್ಯಾ ವಿರುದ್ಧ 73ನೇ ಗೋಲ್ ಬಾರಿಸಿದ್ದರು.
ವಿಶ್ವದ ಸಕ್ರಿಯ ಆಟಗಾರರ ಅತ್ಯಧಿಕ ಗೋಲ್ ಪಟ್ಟಿ
1. ಕ್ರಿಸ್ಚಿಯಾನೊ ರೊನಾಲ್ಡೋ, ಪೋರ್ಚುಗಲ್, 103 ಗೋಲ್ಗಳು
2. ಸುನಿಲ್ ಛೆಟ್ರಿ, ಭಾರತ, 74 ಗೋಲ್ಗಳು
3. ಅಲಿ ಮಾಬ್ಖೌಟ್, ಯುಎಇ, 73 ಗೋಲ್ಗಳು
4. ಲಿಯೋನೆಲ್ ಮೆಸ್ಸಿ, ಅರ್ಜೆಂಟೀನಾ, 72 ಗೋಲ್ಗಳು
5. ರಾಬರ್ಟ್ ಲೆವಾಂಡೋವ್ಸ್ಕಿ, ಪೋಲೆಂಡ್, 66 ಗೋಲ್ಗಳು