ಐಎಸ್‌ಎಲ್‌ 2018-19: ಕೊನೆಯಲ್ಲಿರುವವರ ಗತಿ ಮುಂದೇನು?

ಕನ್ನಡ Edition

ICC T20 World Cup 2026

Get Updates

Get notified on match updates, sports news, and in-depth analysis!

ಇಂಡಿಯನ್ ಸೂಪರ್ ಲೀಗ್ ಪೂರ್ವಭಾವಿಗಳು

March 14 2026, 05:00 PM

ಎಸ್‌ ಈಸ್ಟ್ ಬೆಂಗಾಲ್

ಕೇರಳ ಬ್ಲಾಸ್ಟರ್ಸ್

ಮುಂಬೈ, ಜನವರಿ 29: ಇಂಡಿಯನ್ ಸೂಪರ್ ಲೀಗ್ ನಲ್ಲಿ ಅಗ್ರಸ್ಥಾನದ ಹೋರಾಟ ದಿನದಿಂದ ದಿನಕ್ಕೆ ಹೊಸ ತಿರುವನ್ನು ಕಾಣುತ್ತಿದೆ. ಭಾನುವಾರ ಬೆಂಗಳೂರು ಎಫ್ ಸಿ ತಂಡ ಮುಂಬೈ ಸಿಟಿ ವಿರುದ್ಧ ಸೋಲನುಭವಿಸುವ ಮೂಲಕ ಆರು ತಂಡಗಳಿಗೆ ಅಂತಿಮ ನಾಲ್ಕರ ಹಂತ ತಲುಪಲು ಹೋರಾಟ ನಡೆಸುವ ಅವಕಾಶ ಸಿಕ್ಕಂತಾಯಿತು.

ಬೆಂಗಳೂರು, ನಾರ್ತ್ಈಸ್ಟ್, ಗೋವಾ , ಜೆಮ್ಷೆಡ್ಪುರ, ಹಾಗೂ ಎಟಿಕೆ ತಂಡಗಳು ಅಗ್ರ ನಾಲ್ಕರಲ್ಲಿ ಸ್ಥಾನ ಪಡೆಯಲು ಹೋರಾಡುತ್ತಿವೆ. ಹಾಗಾದರೆ ಉಳಿದ ತಂಡಗಳ ಪಾಡೇನು? ಉಳಿದಿರುವ ಪಂದ್ಯಗಳ ಮೂಲಕ ಕೆಳ ಕ್ರಮಾಂಕದ ತಂಡಗಳ ಸ್ಥಾನವೇನು?, ಅವರ ಹೋರಾಟ ಇಲ್ಲಿಗೇ ನಿಂತಿತೇ,? ಅಥವಾ ಗೌರವಕ್ಕಾಗಿ ಹೋರಾಡಲಿವೆಯೇ?

ಪುಣೆ, ಕೇರಳ, ಡೆಲ್ಲಿ ಹಾಗೂ ಹಾಲಿ ಚಾಂಪಿಯನ್ ಪುಣೆ ಚೆನ್ನೈಯಿನ್ ಎಫ್ ಸಿ ತಂಡಗಳು ಆಭದಿಂದಲೂ ಲಯ ಕಂಡಿಕೊಳ್ಳುವಲ್ಲಿ ವಿಫಲವಾಗಿವೆ. ಆದರೆ ಅಂತ್ಯದಲ್ಲಿ ಉತ್ತಮ ಪ್ರದರ್ಶನ ನೀಡುವ ಗುರಿ ಹೊಂದಿವೆ.

"ತಂಡ ಉತ್ತಮ ರೀತಿಯಲ್ಲಿ ಪ್ರದರ್ಶನ ನೀಡಲು ವಿಫಲವಾದಾಗ ತಂಡದ ಪ್ರಧಾನ ಕೋಚ್ ಆದ ನಾನು ಜವಾಬ್ದಾರಿ ಹೊರಬೇಕಾಗುತ್ತದೆ. ಇದೊಂದು ಅವಕಾಶ ವಂಚಿತರ ವೇದನೆ. ನಾವು ಸಿಕ್ಕ ಅವಕಾಶವನ್ನು ಸದುಪಯೋಗಪಡಿಸಿಕೊಂಡಿಲ್ಲ. ಈ ಋತುವಿನ ಫಲಿತಾಂಶದ ಜವಾಬ್ದಾರಿಯನ್ನು ನಾನೇ ಹೊರಬೇಕು. " ಎಂದು ಚೆನ್ನೈಯಿನ್ ಎಫ್ ಸಿ ತಂಡದ ಕೋಚ್ ಜಾನ್ ಗ್ರಗೋರಿ ಹೇಳಿದ್ದಾರೆ.

ಚೆನ್ನೈಯಿನ್ ಈ ಬಾರಿ ವಿಭಿನ್ನ

ಕಳೆದ ವರ್ಷ ಫೈನಲ್ ಪಂದ್ಯದಲ್ಲಿ ಬೆಂಗಳೂರು ತಂಡವನ್ನು ಸೋಲಿಸಿದ್ದ ಚೆನ್ನೈಯಿನ್ ಈ ಬಾರಿ ವಿಭಿನ್ನ ತಂಡವಾಗಿ ಕಂಡುಬಂತು. ಮೊದಲ ಪಂದ್ಯದಲ್ಲೇ ಸೋಲನುಭವಿಸುವ ಮೂಲಕ ಪ್ರಶಸ್ತಿ ಉಳಿಸಿಕೊಳ್ಳುವಲ್ಲಿ ವೈಫಲ್ಯದ ಹೆಜ್ಜೆ ಇಟ್ಟಿತು. ಮೊದಲ ಜಯ ಕಾಣಲು ಆರು ಪಂದ್ಯಗಳನ್ನಾಡಿದ ತಂಡ ಈಗ ಆರು ಪಂದ್ಯಗಳಲ್ಲೂ ಯಶಸ್ಸು ಕಾಣಲಿಲ್ಲ. ಇದರೊಂದಿಗೆ ಎಎಫ್ ಸಿ ಕಪ್ ಗಾಗಿ ಜಾನ್ ಗ್ರೆಗೊರಿ ನಿರಾಸೆಯೊಂದಿಗೆ ಹೆಜ್ಜೆ ಇಡಬೇಕಾಗಿದೆ.

ಒಂದು ಪಂದ್ಯದಲ್ಲಿ ಮಾತ್ರ ಜಯ

ಕೇರಳ ಬ್ಲಾಸ್ಟರ್ಸ್ ಹಾಗೂ ಡೆಲ್ಲಿ ಡೈನಮೋಸ್ ಈ ಋತುವಿನಲ್ಲಿ ಇದುವರೆಗೂ ಒಂದು ಪಂದ್ಯದಲ್ಲಿ ಮಾತ್ರ ಜಯ ಗಳಿಸಿವೆ. ಪುಣೆ ಮೂರು ಪಂದ್ಯಗಳಲ್ಲಿ ಗೆದ್ದಿದೆ. ಈ ನಾಲ್ಕು ತಂಡಗಳಲ್ಲಿ ಪುಣೆ 11 ಅಂಕ ಗಳಿಸಿ ಅಗ್ರ ಸ್ಥಾನದಲ್ಲಿದೆ. ಇದರಿಂದಾಗಿ ಈ ತಂಡಗಳು ಪ್ಲೇ ಆಫ್ ನಿಂದ ದೂರ ಉಳಿಯುವಂತಾಗಿದೆ. ಎಫ್ ಸಿ ಗೋವಾ 11 ಪಂದ್ಯಗಳಲ್ಲಿ 20 ಅಂಕ ಗಳಿಸಿ ಕೊನೆಯ ಸ್ಥಾನವನ್ನು ತನ್ನದಾಗಿಸಿಕೊಂಡಿದೆ.

ಅವಕಾಶ ಇದೆ

ಈ ನಾಲ್ಕೂ ತಂಡಗಳ ಪ್ಲೇ ಆಫ್ ಅವಕಾಶ ದೂರವಾದರೂ ಗೌರವ ಕಾಯ್ದುಕೊಳ್ಳುವ ಅವಕಾಶ ಇದೆ. ಪಟ್ಟಿಯಲ್ಲಿ ಕೊನೆಯ ಸ್ಥಾನ ತಲುಪದಿರಲು ಈ ತಂಡಗಳು ಈಗ ಹೋರಾಟ ನಡೆಸಲಿವೆ. ಉಳಿದಿರುವ ಪಂದ್ಯಗಳಲ್ಲಿ ಯಶಸ್ಸು ಕಾಣಲು ತಂಡಗಳು ಹೋರಾಡಲಿವೆ.

ಉತ್ತಮವಾಗಿ ಆಡಿದ್ದೆವು

"ಆರಂಭದಲ್ಲಿ ಕೆಲವು ಪಂದ್ಯಗಳನ್ನು ಗೆಲ್ಲುವ ಅವಕಾಶ ನಮಗಿದ್ದಿತು. ಫುಟ್ಬಾಲ್ ದೃಷ್ಟಿಯಲ್ಲಿ ಯೋಚಿಸಿದರೆ ನಾವು ಉತ್ತಮವಾಗಿ ಆಡಿದ್ದೆವು. " ಎಂದು ಡೆಲ್ಲಿ ಡೈನಮೋಸ್ ತಂಡದ ಕೋಚ್ ಜೊಸೆಫ್ ಗೊಂಬವ್ ಹೇಳಿದ್ದಾರೆ. ಈ ತಂಡ ಕೇವಲ ಒಂದು ಪಂದ್ಯದಲ್ಲಿ ಜಯ ಗಳಿಸಿದ್ದರೂ, ಉತ್ತಮ ಆಟ ಪ್ರದರ್ಶಿಸಿತ್ತು.