ಐಎಸ್‌ಎಲ್‌ 2018: ಚೆನ್ನೈಯಿನ್ ಎಫ್‌ಸಿಗೆ ಸೋಲಿನ ಆಘಾತ ನೀಡಿದ ಎಟಿಕೆ

ತೋಯಿ ಸಮಬಲ

ಎಟಿಕೆಯ ಮುನ್ನಡೆಯ ಸಂಭ್ರಮ ಹೆಚ್ಚು ಕಾಲ ಉಳಿಯಲಿಲ್ಲ. 24ನೇ ನಿಮಿಷದಲ್ಲಿ ತೋಯಿ ಸಿಂಗ್ ಗಳಿಸಿದ ಮಿಂಚಿನ ಗೋಲಿನಿಂದ ಪಂದ್ಯ ಸಮಬಲಗೊಂಡಿತು. ಇಲ್ಲಿ ಸೋತರೆ ಉಳಿಗಾಲವಿಲ್ಲವೆಂದು ಅರಿತ ಚೆನ್ನೈ ಎಟಿಕೆ ಮುನ್ನಡೆ ಕಂಡ ನಂತರ ಆಕ್ರಮಣಕಾರಿ ಆಟ ಆರಂಭಿಸಿತು. ಚೆಂಡು ಮೈಲ್ಸನ್ ಆಲ್ವೆಸ್ ಕಡೆಗೆ ಸಾಗಿತ್ತು. ಸಣ್ಣ ಸ್ಪರ್ಷದ ಮೂಲಕ ಅಲ್ವೆಸ್ ಚೆಂಡನ್ನು ಪೆನಾಲ್ಟಿ ವಲಯದತ್ತ ಕಳುಹಿಸಿದರು. ಚೆಂಡು ತೋಯಿ ಸಿಂಗ್ ಅವರ ನಿಯಂತ್ರಣಕ್ಕೆ ಸಿಲುಕಿತು. ತೋಯಿ ಸಿಂಗ್ ತುಳಿದ ಚೆಂಡು ಅತ್ಯಂತ ಕೆಳಭಾಗದಲ್ಲಿ ಸಾಗಿ ಬಂತು ಗೋಲ್‌ಕೀಪರ್‌ನನ್ನು ವಂಚಿಸಿತು ಪಂದ್ಯ 1-1ರಲ್ಲಿ ಸಮಬಲ.

ಉತ್ತಮ ರೀತಿಯ ಸ್ಪಂದನೆ

14ನೇ ನಿಮಿಷದಲ್ಲಿ ಜಯೇಶ್ ರಾಣೆ ಗಳಿಸಿದ ಗೋಲಿನಿಂದ ಎಟಿಕೆ ಮುನ್ನಡೆ ಕಂಡಿತು. ಹೀತೇಶ್ ಶರ್ಮಾ ನೀಡಿದ ಪಾಸ್‌ಗೆ ಉತ್ತಮ ರೀತಿಯಲ್ಲಿ ಸ್ಪಂದಿಸಿದ ಜಯೇಶ್ 15 ಅಂಡಿಗಳ ಅಂತರದಿಂದ ಚೆಂಡನ್ನು ತುಳಿದರು. ಅತ್ಯಂತ ಎತ್ತರದಲ್ಲಿ ಸಾಗಿದ ಚೆಂಡು ಬಲಭಾಗದ ಅಂಚಿನಿಂದ ಸಾಗಿ ನೆಟ್‌ಗೆ ಮುತ್ತಿಟ್ಟಿತು. ಸಂಜಿಬಾನ್ ಘೋಷ್ ಅಲ್ಲ ಆ ಸ್ಥಾನದಲ್ಲಿ ಯಾರೇ ಗೋಲ್‌ಕೀಪರ್ ಆಗಿದ್ದರೂ ಗೋಲಾಗುವುದನ್ನು ತಪ್ಪಿಸಲು ಸಾಧ್ಯವಾಗುತ್ತಿರಲಿಲ್ಲ. ಏಕೆಂದರೆ ನೆಟ್‌ನ ಅಂಚಿಗೆ ತಗಲಿಕೊಂಡು ಚೆಂಡು ಸಾಗಿತ್ತು.

ಗೆಲ್ಲಬೇಕಿತ್ತು, ಗೆಲ್ಲಲಿಲ್ಲ

ಚೆನ್ನೈಯಿನ್ ತಂಡ ಇಂಡಿಯನ್ ಸೂಪರ್ ಲೀಗ್‌ನಲ್ಲಿ ಚಾಂಪಿಯನ್ ಪಟ್ಟವನ್ನು ಉಳಿಸಿಕೊಳ್ಳಲು ನಾಕೌಟ್ ಹಂತ ತಲುಪಬೇಕಾದರೆ ಮನೆಯಂಗಣದಲ್ಲಿ ಎಟಿಕೆ ವಿರುದ್ಧ ನಡೆಯುವ ಪಂದ್ಯದಲ್ಲಿ ಗೆಲ್ಲಲೇಬೇಕಾಗಿತ್ತು. ಚಾಂಪಿಯನ್ ತಂಡ ಮನೆಯಂಗಣದಲ್ಲಿ ಈ ಬಾರಿ ಇದುವರೆಗೂ ಜಯ ಗಳಿಸಿಲ್ಲ.

ಸೋಲು ಖಚಿತವಾಗಿತ್ತು

ಒಂದು ವೇಳೆ ಎಟಿಕೆ ವಿರುದ್ಧ ಸೋಲನುಭವಿಸಿದರೆ ಚೆನ್ನೈ ಚಾಂಪಿಯನ್ ಪಟ್ಟ ಕೈ ಜಾರುವುದು ಸ್ಪಷ್ಟವಾಗಿತ್ತು. ಚೆನ್ನೈನ ಫಾರ್ವರ್ಡ್ ಆಟಗಾರರು ಇದುವರೆಗೂ ಗಳಿಸಿದ್ದು ಕೇವಲ ಒಂದು ಗೋಲು. ಎಟಿಕೆ ಮೂರು ಪಂದ್ಯಗಳಲ್ಲಿ ಮೂರು ಕ್ಲೀನ್ ಶೀಟ್ ಸಾಧನೆ ಮಾಡಿದೆ. ಅಟ್ಯಾಕ್ ವಿಭಾಗದಲ್ಲಿ ಎಟಿಕೆ ಕೂಡ ಸಮಸ್ಯೆಗಳನ್ನು ಎದುರಿಸುತ್ತಿದೆ. ಗಳಿಸಿದ್ದು ಕೇವಲ ಏಳು ಗೋಲುಗಳು. ಫಾರ್ವರ್ಡ್ ವಿಭಾಗದಲ್ಲಿ ಬಲ್ವಂತ್ ಸಿಂಗ್ ಮಾತ್ರ ಗೋಲು ಗಳಿಸಿದ್ದಾರೆ.