ಐಎಸ್‌ಎಲ್‌ 2018: ಡೆಲ್ಲಿಗೆ ಸೋಲುಣಿಸಿದ ಮುಂಬೈ ನಾಲ್ಕನೇ ಸ್ಥಾನಕ್ಕೆ

ಆರಂಭದಲ್ಲೇ ಡೆಲ್ಲಿ ಮುನ್ನಡೆ

ಪಂದ್ಯ ಆರಂಭಗೊಂಡ 3ನೇ ನಿಮಿಷದಲ್ಲಿ ಡೆಲ್ಲಿ ಡೈನಮೋಸ್ ತಂಡ ಗೋಲಿನ ಮೂಲಕ ಮೇಲುಗೈ ಸಾಧಿಸಿತು. ಪ್ರವಾಸಿ ಮುಂಬೈ ತಂಡಕ್ಕೆ ಇದು ನಿಜವಾದ ಅಚ್ಚರಿ. ಸೌವಿಕ್ ಚಕ್ರವರ್ತಯಿಂದ ಜಾರಿದ ಚೆಂಡು ಮಾರ್ಕಸ್ ತೆಬರ್ ಅವರ ನಿಯಂತ್ರಣಕ್ಕೆ ಸಿಲುಕಿತು. ಪೆನಾಲ್ಟಿ ಬಾಕ್ಸ್‌ನ ಸ್ಪಲ್ಪ ಹೊರಗಡೆ ಸಿಕ್ಕ ಚೆಂಡನ್ನು ತೆಬರ್ ತನ್ನ ಎಡಭಾಗದಲ್ಲಿದ್ದ ಲಾಲಿಯಾನ್ಜುವಾಲಾ ಚಾಂಗ್ಟೆ ಅವರಿಗೆ ನೀಡಿದರು. ಚಾಂಗ್ಟೆ ಹೆಚ್ಚು ಸಮಯ ತೆಗೆದುಕೊಳ್ಳಲದೆ ಚೆಂಡನ್ನು ನೇರವಾಗಿ ಗೋಲ್‌ಬಾಕ್ಸ್‌ಗೆ ಗುರಿ ಇಟ್ಟರು. ಸೌವಿಕ್ ಅವರಿಗೆ ತಡೆಯುವ ಅವಕಾಶ ಇಲ್ಲದೆ ಚೆಂಡು ಅರ್ಮಿಂದರ್ ಸಿಂಗ್ ಅವರನ್ನು ವಂಚಿಸಿ ನೆಟ್‌ಗೆ ಮುತ್ತಿಟ್ಟಿತು. ಡೆಲ್ಲಿಗೆ 1-0 ಅಂತರದಲ್ಲಿ ಮುನ್ನಡೆ.

ಪ್ರಮುಖ ಪಂದ್ಯವಿದು

ಇಂಡಿಯನ್ ಸೂಪರ್ ಲೀಗ್‌ನಲ್ಲಿ ಮತ್ತೊಂದು ನಡೆದ ಪ್ರಮುಖ ಪಂದ್ಯವಿದು. 47ನೇ ಪಂದ್ಯಕ್ಕೆ ಡೆಲ್ಲಿ ಡೈನಮೋಸ್ ತಂಡ ಮುಂಬೈ ಸಿಟಿ ತಂಡಕ್ಕೆ ಆತಿಥ್ಯ ನೀಡಿತು. ಮನೆಯಂಗಣದಲ್ಲಿ ಅಂಕವನ್ನು ಕಳೆದುಕೊಳ್ಳಬಾರದು ಎಂಬ ಉದ್ದೇಶದಿಂದ ಡೆಲ್ಲಿ ಅಂಗಣಕ್ಕಿಳಿಯಿತು. ಇದುವರೆಗೂ ಡೆಲ್ಲಿ ತಂಡ ಜಯದ ರುಚಿ ಕಂಡಿಲ್ಲ. ಮನೆಯಲ್ಲಿ ಗೆಲ್ಲಬೇಕಾದ ಪಂದ್ಯದಲ್ಲಿ 4 ಅಂಕಗಳನ್ನು ಕಳೆದುಕೊಂಡಿತು. ಕಳೆದ ಋತು ಆರಂಭವಾದಾಗಿನಿಂದ ಡೆಲ್ಲಿ ಮನೆಯಂಗಣದಲ್ಲಿ ಗೆದ್ದಿರುವುದು ಕೇವಲ ಮೂರು ಪಂದ್ಯಗಳಲ್ಲಿ.

ಡೆಲ್ಲಿ ಕಠಿಣ ಹೋರಾಟ ನಡೆಸಬೇಕು

ಈಗ ಬಲಿಷ್ಠ ತಂಡವೆನಿಸಿರುವ ಮುಂಬೈ ವಿರುದ್ಧ ಡೆಲ್ಲಿ ಕಠಿಣ ಹೋರಾಟ ನಡೆಸಬೇಕಾಗಿದೆ. ಮುಂಬೈ ತಂಡ ಆರಂಭದಲ್ಲಿ ಹಿನ್ನಡೆ ಕಂಡಿದ್ದರೂ ನಂತರದ ಪಂದ್ಯಗಳಲ್ಲಿ ಜಯದ ಹಾದಿ ಹಿಡಿದಿತ್ತು. ಮುಂಬೈ ಮನೆಯಂಗಣದ ಹೊರಗಡೆ ನಡೆದ ಪಂದ್ಯಗಳಲ್ಲಿ ಸೋತಿರುವುದು ಒಮ್ಮೆ ಮಾತ್ರ.

ಮುಂಬೈಗೆ ಉತ್ತಮ ಸ್ಥಿತಿಯಲ್ಲಿ

ಈ ಹಿಂದಿನ ಋತುವಿಗಿಂತ ಹೆಚ್ಚು ಅಂಕಗಳನ್ನು ಪಡೆದು ಮುಂಬೈ ತಂಡ ಉತ್ತಮ ಸ್ಥಿತಿಯತ್ತ ತಲಪುತ್ತಿದೆ. ಡೆಲ್ಲಿ ತನ್ನ ಜಯದ ಕಾಲಂ ಪೂರ್ಣಮಾಡಲು ಯತ್ನಿಸಿದರೆ, ಮುಂಬೈ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನ ತಲಪಲು ಯತ್ನಿಸುತ್ತಿದೆ.