ಐಎಸ್‌ಎಲ್‌ Live Score: ಮುಂಬೈ ಎದುರು ಗೆಲ್ಲಲೇಬೇಕಾದ ಒತ್ತಡದಲ್ಲಿ ಡೆಲ್ಲಿ

ಗೆಲ್ಲಲು ಡೆಲ್ಲಿ ಉತ್ಸುಕ

ಡೆಲ್ಲಿ ತಂಡದಲ್ಲಿ ಸೃಜನಶೀಲತೆ ಇರುವ ಆಟಗಾರರ ಕೊರತೆ ಇದೆ. ಈ ಕಾರಣಕ್ಕಾಗಿ ಉತ್ತಮವಾಗಿ ಆಡಿದರೂ ಗೋಲು ಗಳಿಸುವಲ್ಲಿ ವಿಲವಾಗುತ್ತಿದೆ. ಅಂತಿಮ ಹಂತದಲ್ಲಿ ತಂಡ ವಿಲವಾಗುವುದು ಸಾಮಾನ್ಯವಾಗಿದೆ. ಋತುವಿನ ಮೊದಲ ಜಯ ಗಳಿಸಲು ಡೆಲ್ಲಿ ತಂಡ ಉತ್ಸುಕವಾಗಿದೆ.
'ಗೋವಾ ಹಾಗೂ ಬೆಂಗಳೂರು ವಿರುದ್ಧದ ಪಂದ್ಯದಲ್ಲಿ ನಮ್ಮ ತಂಡ ಉತ್ತಮವಾಗಿಯೇ ಆಡಿತ್ತು. ಆದರೆ ಅಂತಿಮ ಹಂತದಲ್ಲಿ ಗೋಲು ಗಳಿಸಲು ವಿಲವಾಗಿತ್ತು. ಈ ಬಾರಿ ತಂಡ ಗೋಲು ಗಳಿಸುವುದನ್ನೇ ಗುರಿಯಾಗಿಸಿಕೊಂಡಿದೆ' ಎಂದು ಡೆಲ್ಲಿ ಕೋಚ್ ಹೇಳಿದ್ದಾರೆ.

ಡೆಲ್ಲಿ ಬಗ್ಗೆ ಎಚ್ಚರಿಕೆ

ಮುಂಬೈ ಸಿಟಿ ತಂಡ ಒಂಬತ್ತು ದಿನಗಳ ಅವಧಿಯಲ್ಲಿ ಮೂರು ಪಂದ್ಯಗಳನ್ನು ಆಡಿಲಿದ್ದು, ಡೆಲ್ಲಿ ವಿರುದ್ಧ ಮೊದಲ ಪಂದ್ಯವನ್ನಾಡಲಿದೆ. ಎರಡು ಪಂದ್ಯಗಳು ಮನೆಯಂಗಣದ ಹೊರಗಡೆ ನಡೆಯಲಿದೆ. ಹಿಂದಿನ ಪಂದ್ಯದಲ್ಲಿ 2-0 ಅಂತರದಲ್ಲಿ ಜಯ ಗಳಿಸಿದರೂ ಮುಂಬೈ ಕೋಚ್ ಜಾರ್ಜ್ ಕೋಸ್ಟಾ ಡೆಲ್ಲಿ ತಂಡದ ಬಗ್ಗೆ ಎಚ್ಚರಿಕೆ ವಹಿಸಿದ್ದಾರೆ.
'ಡೆಲ್ಲಿ ತಂಡದ ಆಟವನ್ನು ನೋಡಿ, ಅವರ ಅಂಕ ಪಟ್ಟಿಯನ್ನು ಗಮನಿಸಿದಾಗ ನಿಜವಾಗಿಯೂ ಬೇಸರವಾಗುತ್ತದೆ. ಬೆಂಗಳೂರು ವಿರುದ್ಧ ಪಂದ್ಯದಲ್ಲಿ ಡೆಲ್ಲಿಗೆ ಗೋಲು ಗಳಿಸುವ ಅವಕಾಶವನ್ನು ಹೊಂದಿತ್ತು,.ಆದರೆ ಅದುಸಾಧ್ಯವಾಗಲಿಲ್ಲ. ಡೆಲ್ಲಿ ತಂಡ ಉತ್ತಮವಾಗಿಯೂ ಆಡುತ್ತಿದೆ' ಎಂದು ಹೇಳಿದರು.

ಮುಂಬೈಯಿಂದ ಉತ್ತಮ ಆಟ

ಮನೆಯಂಗಣದ ಹೊರಗಡೆ ನಡೆದ ಪಂದ್ಯದಲ್ಲಿ ಮುಂಬೈ ಉತ್ತಮವಾಗಿ ಆಡಿದೆ. ಆಡಿರುವ ನಾಲ್ಕು ಪಂದ್ಯಗಳಲ್ಲಿ ಸೋತಿರುವುದ ಒಮ್ಮೆ ಮಾತ್ರ. ಪೌಲೊ ಮಚಾಡೊ ಮಿಡ್‌ಫೀಲ್ಡ್‌ನಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸಿದರು. ಲೂಸಿಯಾನ್ ಗೊಯೇನ್ ಹಾಗೂ ಸುಭಾಶೀಶ್ ಬೋಸ್ ತಂಡದ ಯಶಸ್ಸಿನಲ್ಲಿ ಪ್ರಮುಖ ಪಾತ್ರವಹಿಸಿರುತ್ತಾರೆ.

ತಲಾ ಏಳು ಗೋಲು

ಕುತೂಹಲದ ಸಂಗತಿಯೆಂದರೆ ಡೆಲ್ಲಿ ಹಾಗೂ ಮುಂಬೈ ತಲಾ ಏಳು ಗೋಲುಗಳನ್ನು ಗಳಿಸಿವೆ. ಇದು ಲೀಗ್‌ನಲ್ಲಿ ಜಂಟಿಯಾಗಿ ಅತಿ ಕಡಿಮೆ ಎನ್ನಬಹುದು. ಮುಂಬೈ ಗಳಿಸಿರುವ ಏಳು ಗೋಲುಗಳಲ್ಲಿ ಆರು ಗೋಲುಗಳನ್ನು ವಿದೇಶಿ ಆಟಗಾರರು ಗಳಿಸಿರುತ್ತಾರೆ. ಡೆಲ್ಲಿ ಗಳಿಸಿರುವ ಏಳು ಗೋಲುಗಳಲ್ಲಿ ಐದು ಗೋಲುಗಳನ್ನು ಭಾರತದ ಆಟಗಾರರು ಗಳಿಸಿರುತ್ತಾರೆ.