ಐಎಸ್‌ಎಲ್‌ 2019: ನಾಲ್ಕನೇ ಸ್ಥಾನ ತಲುಪಲು ಐದು-ಆರರ ಹೋರಾಟ

ಕೇವಲ 12 ಗೋಲುಗಳು

ಎಟಿಕೆ ತಂಡದ ಡಿಫೆನ್ಸ್ ವಿಭಾಗ ಈ ಬಾರಿ ಉತ್ತಮ ರೀತಿಯಲ್ಲಿ ಕಾರ್ಯನಿರ್ವಹಿಸಿದೆ. ಆಡರುವ 13 ಪಂದ್ಯಗಳಲ್ಲಿ ನೀಡಿದ್ದು ಕೇವಲ 12 ಗೋಲುಗಳು. ಬೆಂಗಳೂರು ತಂಡವನ್ನು ಹೊರತುಪಡಿಸಿದರೆ ಎಟಿಕೆ ಡಿಫೆನ್ಸ್ ವಿಭಾಗದಲ್ಲಿ ಎರಡನೇ ಸ್ಥಾನದಲ್ಲಿದೆ. ಜಾನ್ ಜಾನ್ಸನ್ ಹಾಗೂ ಆಂಡ್ರೆ ಬಿಕೆ ಸೆಂಟರ್ ಬ್ಯಾಕ್‌ನಲ್ಲಿ ತಂಡದ ಯಶಸ್ಸಿಗೆ ಶ್ರಮಿಸಿದ್ದಾರೆ. ಸ್ಟ್ರೆಕರ್‌ಗಳು ಯಶಸ್ಸು ಕಾಣದಿರುವುದು ತಂಡದ ಗೋಲು ಗಳಿಕೆಯಲ್ಲಿ ಹಿನ್ನಡೆಗೆ ಕಾರಣವಾಯಿತು.

ಹಿಂದಿನ ಪಂದ್ಯದಲ್ಲೇ ಸ್ಪಷ್ಟವಾಗಿತ್ತು

ಕಲು ಅಚೆ, ಎಡು ಗಾರ್ಸಿಯಾ ತಂಡಕ್ಕೆ ಆಗಮಿಸಿರುವುದು ಎಷ್ಟು ಲಾಭದಾಯಕವಾಗಿದೆ ಎಂಬುದು ಈ ಹಿಂದಿನ ಪಂದ್ಯದಲ್ಲೇ ಸ್ಪಷ್ಟವಾಗಿತ್ತು. ಅಮಾನತುಗೊಂಡಿದ್ದ ಪ್ರಮುಖ ಆಟಗಾರರ ಮ್ಯಾನ್ವೆಲ್ ಲಾನ್ಜೆರೊಟ್ ಕೇರಳ ವಿರುದ್ಧದ ಪಂದ್ಯದಿಂದ ವಂಚಿತರಾಗಿದ್ದರು, ಆದರೆ ಎಟಿಕೆ ವಿರುದ್ಧದ ಪಂದ್ಯದಲ್ಲಿ ಆಡಲು ಸಜ್ಜಾಗಿದ್ದಾರೆ. ಲಾನ್ಜೆರೋಟ್ ಹಾಗೂ ಗಾರ್ಸಿಯಾ ಆಡುವ ಹನ್ನೊಂದರಲ್ಲಿ ಅವಕಾಶ ಪಡೆದರೆ ಎಟಿಕೆ ತಂಡವನ್ನು ಸೋಲಿಸುವುದು ಕಷ್ಟ.

ಮೂರು ಅಂಕಗಳ ಅಗತ್ಯ

ಅಂಕಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿರುವ ಸೆಸಾರ್ ಫೆರಾಂಡೊ ಅವರ ಪಡೆ, ಜೆಮ್ಷೆಡ್ಪುರಕ್ಕೆ ಅಂತಿಮ ನಾಲ್ಕರ ಹಂತ ತಲುಪಲು ಕೇವಲ ಮೂರು ಅಂಕಗಳ ಅಗತ್ಯವಿದೆ. ಭಾನುವಾರ (ಫೆಬ್ರವರಿ 3) ಜಯ ಗಳಿಸಿದರೆ ಟಾಟಾ ಪಡೆ ನಾರ್ತ್ ಈಸ್ಟ್ ಯುನೈಟೆಡ್ ಜತೆ ಸಮಬಲ ಸಾಧಿಸುವುದಲ್ಲದೆ, ಎಟಿಕೆಯಿಂದ ಆರು ಅಂಕಗಳಿಂದ ಮುಂದೆ ಸಾಗಲಿದೆ. ಆದರೆ ಇವೆಲ್ಲ ಲೆಕ್ಕಾಚಾರ ಕಾರ್ಯರೂಪಕ್ಕೆ ಬರಬೇಕಾದರೆ ತಂಡ ಭಾನುವಾರ ಜಯ ಗಳಿಸಲೇಬೇಕು. ಆದರೆ ಹಾದಿ ಅಷ್ಟು ಸುಲಭವಾಗಿಲ್ಲ.

ಸರ್ಗಿಯೊ ಸಿಡೊಂಚಾಗೆ ಗಾಯ

ಪ್ರಮುಖ ಆಟಗಾರರಾದ ಮೈಕಲ್ ಸುಸೈರಾಜ್ ಹಾಗೂ ಸರ್ಗಿಯೊ ಸಿಡೊಂಚಾ ಗಾಯದ ಕಾರಣ ತಂಡದಿಂದ ಹೊರಗುಳಿಯುವ ಸಾಧ್ಯತೆ ಇದೆ. ಸೆಂಟರ್ ಬ್ಯಾಕ್ ರಾಜು ಗಾಯಕ್ವಾಡ್ ಕೂಡ ಗಾಯದಿಂದ ಬಳಲುತ್ತಿದ್ದಾರೆ. ಗಾಯಗೊಂಡಿರುವ ಟಿಮ್ ಕಹಿಲ್ ತಂಡವನ್ನು ಯಾವಾಗ ಸೇರುತ್ತಾರೆಂದು ಹೇಳಲಾಗದು, ಅದೇ ರೀತಿ ಮೂರು ತಿಂಗಳು ನಿಷೇಧಕ್ಕೊಳಗಾಗಿರುವ ಕಾರ್ಲೋಸ್ ಕಾಲ್ವೋ ಕೂಡ ಭಾನುವಾರದ ಪಂದ್ಯಕ್ಕೆ ಗೈರು.