ಐಎಸ್‌ಎಲ್ 2019: ಗೋಲಿನ ಗುರಿ ಕಂಡ ಸ್ಟಾರ್ ಆಟಗಾರ ಜೆಜೆ

ಚೆನ್ನೈನ ಸ್ಟಾರ್ ಆಟಗಾರ ಜೆಜೆ

ಜೆಜೆ ಅವರು ಗೋಲು ಗಳಿಸುವಲ್ಲಿ ವಿಫಲವಾಗಿರುವುದೂ, ಚೆನ್ನೈಯಿನ್ ತಂಡ ಪ್ರಶಸ್ತಿ ಉಳಿಸಿಕೊಳ್ಳುವಲ್ಲಿ ವಿಫಲವಾಗಿರುವುದು ಕಾಕತಾಳೀಯ ಅಲ್ಲ. ಕಳೆದ ಋತುವಿನಲ್ಲಿ ಮಿಜೋ ಸ್ನಿಪರ್ ಖ್ಯಾತಿಯ ಜೆಜೆ ಚೆನ್ನೈ ತಂಡ ಪ್ರಶಸ್ತಿ ಗೆಲ್ಲುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಕಳೆದ ಬಾರಿ ಆಡಿರುವ 20 ಪಂದ್ಯಗಳಲ್ಲಿ ಜೆಜೆ 9 ಗೋಲುಗಳನ್ನು ಗಳಿಸಿದ್ದರು.

ಜೆಜೆ ವೈಫಲ್ಯದಿಂದ ತಂಡಕ್ಕೆ ಹಿನ್ನಡೆ

ಈ ಬಾರಿ ಚೆನ್ನೈಯಿನ್ ತಂಡ ಕೇವಲ ಜೆಜೆ ವೈಫಲ್ಯದಿಂದಾಗಿ ಕಳಪೆ ಪ್ರದರ್ಶನ ತೋರಿದ್ದಲ್ಲ, ಬದಲಾಗಿ ಇಡೀ ತಂಡವೇ ಒಂದು ರೀತಿಯಲ್ಲಿ ವೈಲ್ಯದ ಹೆಜ್ಜೆ ಇಟ್ಟಿತು. ಆರಂಭದಲ್ಲೇ ಗೋಲು ಗಳಿಸುವಲ್ಲಿ ತಂಡ ವಿಲವಾದಾಗ ಅದು ತಂಡದ ಯಶಸ್ಸಿನ ಮೇಲೆ ಹಾಗೂ ಮನೋಬಲದ ಮೇಲೆ ಪರಿಣಾಮ ಬೀರುತ್ತದೆ. ತಂಡದ ಆಟಗಾರರು ಆಕ್ರಮಣಕಾರಿ ಆಟವಾಡುವಲ್ಲಿ ವಿಫಲವಾಗಿರುವುದೇ ತಂಡದ ಗೋಲು ಗಳಿಕೆಯ ಮೇಲೆ ಅಡ್ಡ ಪರಿಣಾಮ ಬೀರಿತು. ಸ್ಚ್ರೆಕರ್‌ಗಳು ಗೋಲು ಗಳಿಸುವಲ್ಲಿ ವಿಫಲವಾಗುವುದು ಸಾಮಾನ್ಯ. ಆದರೆ ಜೆಜೆ ಸುಮಾರು ಒಂದು ಪೂರ್ಣ ಋತುವಿನಲ್ಲಿ ಗೋಲಿಲ್ಲದೆ ಸಾಗಿದರು.

ಕಳೆದ ಋತುವಿನಲ್ಲಿ ಶೇ 27ರಷ್ಟು ಯಶ

ಪ್ರತಿಯೊಂದು ಪಂದ್ಯವನ್ನೂ ಗೋಲಿಲ್ಲದೆ ಕೊನೆಗಾಣಿಸುವಾಗ ಆಟಗಾರನಲ್ಲಿರುವ ಆತ್ಮವಿಶ್ವಾಸಕ್ಕೆ ಅಡ್ಡಿಯಾಗುತ್ತದೆ. ಮಿಜೋರಾಮ್ ಮೂಲದ ಆಟಗಾರ ಇಂಡಿಯನ್ ಸೂಪರ್ ಲೀಗ್‌ನಲ್ಲಿ ಭಾರತದ ಪರ ಅತಿ ಹೆಚ್ಚು ಗೋಲು ಗಳಿಸಿರುವ ಆಟಗಾರರೆನಿಸಿದ್ದಾರೆ, ಬೆಂಗಳೂರು ಪಂದ್ಯಕ್ಕೆ ಮುನ್ನ ಅವರು 22 ಗೋಲುಗಳನ್ನು ಗಳಿಸಿದ್ದರು. ಪಾಸನ್ನು ಗೋಲಾಗಿ ಪರಿವರ್ತಿಸಿದ ಸರಾಸರಿಯಲ್ಲಿ ಜೆಜೆ ಕಳೆದೆರಡು ಋತುಗಳಲ್ಲಿ ಶೇ. 27ರಷ್ಟು ಹೊಂದಿದ್ದರು,

ಜೆಜೆ ಈ ಬಾರಿ ಕೇವಲ 12ಪ್ರತಿಶತ ಯಶ

ಆದರೆ ಈ ಬಾರಿ ಕೇವಲ 12ಪ್ರತಿಶತ. ಆದರೂ ಜೆಜೆ ಅವರಂಥ ಆಟಗಾರ ತಂಡದ ಮನೋಬಲವನ್ನು ಹೆಚ್ಚಿಸುವ ಸಾಮರ್ಥ್ಯ ಹೊಂದಿದ್ದಾರೆ. ಈ ಕಾರಣಕ್ಕಾಗಿ ಚೆನ್ನೈಯಿನ್ ತಂಡದಲ್ಲಿ ಅವರ ಸ್ಥಾನಕ್ಕೆ ಅಡ್ಡಿಯಾಗಲಿಲ್ಲ. 23ನೇ ಗೋಲು ಗಳಿಸಿರುವ ಜೆಜೆಗೆ ಮುಂದಿನ ಪಂದ್ಯಗಳಲ್ಲಿ ಉತ್ತಮವಾಗಿ ಮನೋಬಲವನ್ನು ನೀಡಿದೆ. ಏಷ್ಯನ್ ಕಪ್‌ನಲ್ಲಿ ಥಾಯ್ಲೆಂಡ್ ವಿರುದ್ಧ ಗೋಲು ಗಳಿಸುವ ಮೂಲಕ ಜೆಜೆ ಮಿಂಚಿದ್ದರು.