ಗೋಲೇ ಪ್ರಮುಖ ಅಂಶ
ಗಂಬೌವ್ ಪಡೆಗೆ ಗೋಲು ಗಳಿಸುವುದು ಪ್ರಮುಖ ಅಂಶವಾಗಿತ್ತು. ಈ ತಂಡ ನಿರಂತರ ವಿವಾಗುತ್ತಿರುವುದೇ ಗೋಲು ಗಳಿಕೆಯಲ್ಲಿ. ಎದುರಾಳಿ ತಂಡಕ್ಕೆ ಗೋಲು ನೀಡುವುದರಲ್ಲಿಯೂ ಡೆಲ್ಲಿ ಎರಡನೇ ಸ್ಥಾನದಲ್ಲಿದೆ. ಅಂದರೆ ಅತ್ಯಂತ ದುರ್ಬಲ ಡಿಫೆನ್ಸ್ ವಿಭಾಗವನ್ನು ಹೊಂದಿದೆ. ಚೆನ್ನೈಯಿನ್ ವಿರುದ್ಧ ಜಯ ಗಳಿಸಿರುವುದನ್ನು ಹೊರತುಪಡಿಸಿದರೆ, ಕ್ಲಬ್ ಮನೆಯಂಗಣದಲ್ಲಿ ಇನ್ನೂ ಜಯ ಕಂಡಿಲ್ಲ. ಇದು ಕೋಚ್ಗೆ ಚಿಂತೆಯ ವಿಷಯವಾಗಿದೆ.
ಎರಡೂ ತಂಡಗಳು 13 ಗೋಲು
ಕುತೂಹಲದ ಸಂಗತಿಯೆಂದರೆ ಎರಡೂ ತಂಡಗಳು 13 ಗೋಲು ಗಳಿಸಿವೆ. ಅದೇ ರೀತಿ 21 ಗೋಲುಗಳನ್ನು ನೀಡಿವೆ. ಜಯ ಗಳಿಸಿದರೆ, ಅಂಕ ಪಟ್ಟಿಯಲ್ಲಿ ಕೇರಳಕ್ಕಿಂತ ಮೇಲಕ್ಕೇರಲಿದೆ. ಅದು ಕೂಡ ಗೋಲುಗಳ ವ್ಯತ್ಯಾಸದಲ್ಲಿ. ಕಳೆದ ವರ್ಷ ಕೊಚ್ಚಿಯಲ್ಲಿ ಮುಖಾಮುಖಿಯಾಗಿದ್ದ ಈ ತಂಡವನ್ನು ಪ್ರತ್ಯೇಕವಾಗಿ ನೋಡುವ ಅಗತ್ಯವೇ ಇಲ್ಲ. ಸಿಕೆ ವಿನೀತ್ ಗಳಿಸಿದ ಗೋಲ್ಗೆ ಕಲಜೆರೊವಿಕ್ ಅಡ್ಡಿ ಮಾಡಿದ್ದರು. ಅಚ್ಚರಿಯ ಸಂಗತಿಯೆಂದರೆ ಅಂದು ಗೋಲು ಗಳಿಸಿದ್ದ ಇಬ್ಬರೂ ಆಟಗಾರರು ಈಗ ತಂಡದಲ್ಲಿಲ್ಲ. ವಿನೀತ್ ಹಾಗೂ ಹಲಿಚರಣ್ ನಾರ್ಜರಿ ಇಬ್ಬರೂ ಚೆನ್ನೈಯಿನ್ ತಂಡವನ್ನು ಸೇರಿಕೊಂಡಿದ್ದಾರೆ.
ಪ್ರಮುಖ ಬದಲಾವಣೆ
ವಿರಾಮದ ವೇಳೆ ಡೆಲ್ಲಿ ಹಾಗೂ ಕೇರಳ ತಂಡಗಳು ಪ್ರಮುಖವಾದ ಬದಲಾವಣೆ ಮಾಡಿವೆ. ಬೌರಿಂಗ್ಬೌ ಬೊಡೊ ಗೋಕುಲಂ ಕೇರಳ ಹಾಗೂ ಲಾಲ್ಥುಮ್ಮಾಯಾ ರಾಲ್ಟೆ ಏಕೂಡ ಗೋವಾದಿಂದ ತಂಡವನ್ನು ಸೇರಿಕೊಂಡಿದ್ದಾರೆ. ಲೀಗ್ ಪುನರಾರಂಭಗೊಂಡ ನಂತರ ಕೇರಳ ಒಂದು ಪಂದ್ಯವನ್ನಾಡಿದೆ. ಆದರೆ ಡೆಲ್ಲಿ ಇನ್ನೂ ಅಂಗಣಕ್ಕಿಳಿದಿಲ್ಲ. ಮನೆಯಂಗಣದಲ್ಲಿ ನಡೆದ ಪಂದ್ಯದಲ್ಲಿ ನಿಲೊ ವಿಂಗಡಾ ಕ್ಲಬ್ ಎಟಿಕೆ ವಿರುದ್ಧ 1-1 ಗೋಲಿನಿಂದ ಡ್ರಾ ಸಾಧಿಸಿತ್ತು.
ಸಾಮರ್ಥ್ಯಕ್ಕೆ ಅನುಗುಣವಾಗಿಲ್ಲ
‘ಇದುವರೆಗಿನ ಫಲಿತಾಂಶವನ್ನು ಗಮನಿಸಿದಾಗ ತಂಡದ ಸಾಮರ್ಥ್ಯಕ್ಕೆ ಅನುಗುಣವಾಗಿರಲಿಲ್ಲ. ಇಲ್ಲಿಗೆ ಆಗಮಿಸಿದ ಎರಡು ದಿನಗಳಲ್ಲೇ ಮೊದಲ ಪಂದ್ಯವಾಡಿದೆವು. ನನ್ನನ್ನು ಮೊದಲು ನೋಡಿದ್ದಕ್ಕಿಂತ ಆಟಗಾರರು ಈಗ ಹೆಚ್ಚಾಗಿ ಆರ್ಥೈಸಿಕೊಂಡಿದ್ದಾರೆ ಎಂದು ಅರಿತಿರುವೆ,‘ ಎಂದು ವಿಂಗಡಾ ಹೇಳಿದ್ದಾರೆ. ಕಳೆದ ವರ್ಷ ಸೆಪ್ಟಂಬರ್ನಲ್ಲಿ ಎಟಿಕೆ ವಿರುದ್ಧ ಜಯ ಗಳಿಸಿದ ನಂತರ ಕೇರಳ ತಂಡ ಆಡಿದ 12 ಪಂದ್ಯಗಳಲ್ಲಿ ಯಶಸ್ಸು ಕಾಣಲಿಲ್ಲ. ಈಗ ಮತ್ತೊಮ್ಮೆ ಅಲೆಗಳ ವಿರುದ್ಧ ಈಜುವ ಪ್ರಯತ್ನ.