ಅಭಿಮಾನಿ ಜೊತೆ ಗುದ್ದಾಟ, ನೇಮರ್‌ಗೆ 3 ಪಂದ್ಯಗಳ ನಿಷೇಧ-ವಿಡಿಯೋ

ಪ್ಯಾರಿಸ್, ಮೇ 10: ಪ್ಯಾರಿಸ್ ಸೇಂಟ್-ಜರ್ಮನ್ ತಂಡದ ಸ್ಟ್ರೈಕರ್ ನೇಮರ್‌ಗೆ ಮೂರು ಪಂದ್ಯಗಳಿಂದ ನಿಷೇಧ ಹೇರಲಾಗಿದೆ. ಶುಕ್ರವಾರ (ಮೇ 10) ನಡೆದ ಫ್ರೆಂಚ್ ಕಪ್ ಫೈನಲ್ ಪಂದ್ಯದಲ್ಲಿ ರೆನೆಸ್ ವಿರುದ್ಧ ಪ್ಯಾರಿಸ್ ಸೇಂಟ್-ಜರ್ಮನ್ ಸೋತ ಆಘಾತದಲ್ಲಿದ್ದ ನೇಮರ್ ಎದುರಾಳಿ ತಂಡ ಅಭಿಮಾನಿ ಮೇಲೆ ಕೈ ಮಿಲಾಯಿಸಿದ್ದರು.

ನಿಷೇಧ ಪ್ರಕಟಿಸುತ್ತ ಫ್ರೆಂಚ್ ಫುಟ್ಬಾಲ್ ಫೆಡರೇಶನ್, 'ಮೇ 13ರಿಂದ ಬ್ರೆಜಿಲ್ ಸೂಪರ್‌ ಸ್ಟಾರ್ ಮೇಲಿನ ನಿಷೇಧ ಆರಂಭಗೊಳ್ಳಲಿದೆ. ಅಂದರೆ ಶನಿವಾರ (ಮೇ 18) ನಡೆಯುವ ಲೀಗ್ 1ರ ಆ್ಯಂಗರ್ಸ್ ವಿರುದ್ಧ ಪಂದ್ಯದಲ್ಲಿ ನೇಮರ್ ಪಾಲ್ಗೊಳ್ಳಬಹುದಾಗಿದೆ' ಎಂದು ತಿಳಿಸಿದೆ.

ಶುಕ್ರವಾರ (ಮೇ 10) ನಡೆದ ಫ್ರೆಂಚ್ ಕಪ್ ಫೈನಲ್ ಪಂದ್ಯದಲ್ಲಿ ರೆನೆಸ್ ವಿರುದ್ಧ ಪ್ಯಾರಿಸ್ ಸೇಂಟ್-ಜರ್ಮನ್ ತಂಡ ಪೆನಾಲ್ಟಿ ಶೂಟೌಟ್ ನಲ್ಲಿ 6-5 ಅಂತರದ ಸೋಲನುಭವಿಸಿತ್ತು. ಪಂದ್ಯ 2-2ರಿಂದ ಸಮಬಲಗೊಂಡಿದ್ದರಿಂದ ಪೆನಾಲ್ಟಿ ಶೂಟೌಟ್‌ಗೆ ಅವಕಾಶ ನೀಡಲಾಗಿತ್ತು.